ഡെറിക് എബ്രഹാം 15 [അഹമ്മദ് ശഫീഖ് ചെറുകുന്ന്] 174

വേറൊരു കാര്യം പറയാൻ വിട്ടു….. ഇനി വണ്ടിയിൽ നിന്ന് കുട്ടികളെ തിരിച്ചറിഞ്ഞാലും മനസ്സിലാകാത്തത് പോലെ തന്നെ ആ വണ്ടി കടത്തി വിടണം….”

“അതെന്തിനാണ് ? ”

“അതാണ് നമ്മുടെ തുറുപ്പു ചീട്ട്….നമ്മുടെ മുന്നോട്ടേക്കുള്ള വഴി കണ്ടു പിടിച്ചു തരേണ്ടത് അവരാണ്….കാണാതായ കുട്ടികളെ തിരിച്ചു കിട്ടുക മാത്രമല്ലല്ലോ നമ്മുടെ ലക്ഷ്യം…. ഈ തട്ടിക്കൊണ്ടു പോയത് ഞാൻ പറഞ്ഞത് പോലെ വെറും ക്വട്ടേഷൻ സംഘം മാത്രമായിരിക്കും…. അവർക്കും ചെട്ടിയാർക്കും തമ്മിൽ ഒരു ബന്ധവും ഉണ്ടാകില്ല…അത് കൊണ്ട് തന്നെ അവരെ പിടികൂടിയാൽ നമുക്ക് വല്ല പ്രയോജനവുമുണ്ടാകുമെന്ന് തോന്നുന്നില്ല…

പക്ഷേ, പിന്തുടർന്നാൽ പല വിവരങ്ങളും ലഭിക്കുമെന്നാണ് എന്റെ പ്രതീക്ഷ ”

“കുട്ടികളെ അവർ സാധാരണനിലയിൽ വണ്ടിയിൽ ഇരുത്തില്ലല്ലോ….

ബോധം കെടുത്തിയിട്ടുമുണ്ടാകും…

ചിലപ്പോൾ നമുക്ക് മനസ്സിലാക്കാൻ കഴിഞ്ഞില്ലെങ്കിലോ ഡെറിക്….? ”

അപ്പോഴേക്കും കമ്മീഷണർ ചെട്ടിയാരുടെ സ്ഥലങ്ങളുടെ ഏകദേശ വിവരം തരുമെന്ന് പ്രതീക്ഷിക്കാം…CCTV ക്യാമറകളെ സമീപിക്കേണ്ടി വരും…അതിർത്തി താണ്ടി വരുന്ന വണ്ടികളിൽ സംശയം തോന്നുന്നവയെ നിരീക്ഷിക്കണം….. അതിലേത് വണ്ടിയാണ് ചെട്ടിയാരുടെ സങ്കേതത്തിലേക്ക് നീങ്ങുന്നതെന്ന് സസൂക്ഷ്‌മമായി പരിശോധിക്കേണ്ടി വരും….പറയുന്നത് പോലെ എളുപ്പമല്ല എന്നറിയാം….

എത്രമാത്രം വിജയിക്കുമെന്നും അറിയില്ല… എന്നാലും നമുക്ക് ശ്രമിക്കാം…ദൈവം കൈവിടില്ല…”