ഡെറിക് എബ്രഹാം 15 [അഹമ്മദ് ശഫീഖ് ചെറുകുന്ന്] 174

“എല്ലാ വണ്ടികളും നിരീക്ഷിക്കണമെന്നാണോ താൻ പറയുന്നത് ? ”

“അതേ ”

“അതൊക്കെ പ്രായോഗികമാണോ ഡെറിക്… ഇത് അറബ് രാജ്യമല്ല , ക്യാമറകൾ വെച്ചിട്ട് പിന്തുടരാൻ….

ഉള്ള ക്യാമറകൾ തന്നെ വർക്ക്‌ ചെയ്യുന്നുണ്ടോ എന്നറിയില്ല….”

“എനിക്കറിയാമെടോ….

രണ്ടാമത്തെ വഴി നമുക്ക് ബുദ്ധിമുട്ടാണ്.. ആ വഴിയേ കിട്ടാനുള്ള സാധ്യതയും വളരെ കുറവാണ്…

പക്ഷേ നമുക്കാവില്ലെന്ന് പറഞ്ഞിട്ട് ഒരു മൂലയിൽ അടങ്ങിയിരിക്കാനാവില്ല…

ആ കുട്ടികളെ സ്റ്റീഫന് വെച്ചു കൊടുക്കുന്നതിനേക്കാൾ നല്ലത് മരണമാണ് അജിത്…

അതിന് ഞാൻ സമ്മതിക്കില്ല…

എന്ത് വില കൊടുത്തിട്ടാണെങ്കിലും നമുക്ക് അവരെ രക്ഷപ്പെടുത്തിയെ പറ്റൂ..

നമ്മുടെ ആദ്യത്തെ പദ്ധതി തന്നെ വിജയിക്കും…

വിജയിക്കണം…

അത് മാത്രമാണ് ഇപ്പോൾ ദൈവത്തോടുള്ള അപേക്ഷ…

എന്റെ കുടുംബത്തെ മുഴുവൻ കൊണ്ടുപോയിട്ടും ഞാൻ കൈവിട്ടിട്ടില്ല ആ ദൈവത്തെ….