കൃഷ്ണവേണിXII (രാഗേന്ദു) 1682

“പറയത്തക്ക അങ്ങനെ പ്രോബ്ലംസ് ഒന്നുമില്ല.. ഒക്കെ നോർമൽ ആണ്.. പിന്നെ ക്ഷീണം കാണുന്നുണ്ട്.. അതിനു നല്ല വിറ്റാമിന് ഉള്ള ആഹാരം കൊടുക്കുക.. പാൽ ആവാം.. പിന്നെ ചെറിയ രീതിയിൽ വർക് ഔട്ട് ഒക്കെ ചെയ്യാം.. സ്ട്രെചിങ് അങ്ങനെ..

“ശരി.. ഞാൻ ചോദിക്കാൻ കാരണം അവൾക്ക് രണ്ട് മാസം കഴിഞ്ഞ ഒരു എൻ സി സി ക്യാമ്പ് ഉണ്ട്.. അപ്പൊ അതിനു അറ്റൻഡ് ചെയ്യാൻ പറ്റുമോ എന്നറിയാൻ ആണ്.. ”

“രണ്ട് മാസം യെ ഷുവർ.. ഗോ അഹെഡ്.. ”

ഡോക്ടർ പറഞ്ഞപ്പോൾ എനിക്ക് സമാധാനം തോന്നി..

“പിന്നെ സർജറി മാർക്ക് കളയാൻ ലേസർ ട്രീറ്റ്മെന്റ് എടുക്കണമെന്നുണ്ട്.. അതിന്റെ കാര്യങ്ങളും കൂടി..”

“ഓക്കെ.. അത് ഇവിടെത്തെ ഡർമറ്റോളജിസ്റ്റിനെ കണ്സൾറ്റ് ചെയ്താൽ മതി ഒരു രണ്ട് ദിവസം കഴിഞ്ഞു ചെയ്യാവുന്നതാണ്..”

ഡോക്ടർ പറഞ്ഞപ്പോൾ ഞാൻ അദ്ദേഹത്തെ നോക്കി ചിരിച്ചു..

“ഇപ്പോഴും നിങ്ങളുടെ വീട്ടിൽ ആണോ കുട്ടി താമസം..”

“ആ അതെ.. അവൾക്ക് എന്നു തൊട്ട് കോളേജിൽ പോയി തുടങ്ങാൻ പറ്റും..?”

ഞാൻ ഡോക്ടറോട് ചോദിച്ചു..

“അവൾക്ക് ഇപ്പൊ കോഴപ്പങ്ങൾ ഒന്നുമില്ല.. ഷീ ഇസ് പെർഫെക്റ്റലി ഓൾറൈറ്റ്.. ലേസർ ചെയ്ത് ഒരാഴ്ച കഴിഞ്ഞാൽ പഴേതുപോലെ പോയിതുടങ്ങാം..”

ഡോക്ടർ അതുപറഞ്ഞതും ഡോർ തുറക്കുന്ന ശബ്ദം കേട്ടു..അവൾ ആണ്..

ഡോക്ടർ അവളോട് ലേസറിന്റെ കാര്യം പറഞ്ഞു.. അവൾ എന്റെ മുഖത്തേക്ക് നോക്കി..

ഡർമറ്റോളജിസ്റ്റിനെ കണ്ട് ഡേറ്റ് ഫിക്സ് ചെയ്തു ഞങ്ങൾ അവിടെനിന്നും ഇറങ്ങി..

“കൃഷ്ണ എല്ലാം ഓക്കെ അല്ലെ.. ബുദ്ധിമുട്ട് വല്ലതും തോന്നുന്നുണ്ടോ..?”

കാറിൽ കയറുന്നതിനു മുൻപ് ഞാൻ അവളോട് ചോദിച്ചു.. അവൾ ഇല്ല എന്ന് തലയാട്ടി.. ഞങ്ങൾ കാറിൽ കയറിയതും വണ്ടി മുൻപോട്ട് എടുത്തു.. അവൾ പുറത്തോട്ട് നോക്കി കാഴ്ചകൾ കണ്ടിരിക്കുകയാണ്..