കൃഷ്ണവേണിXII (രാഗേന്ദു) 1682

കുറച്ചു നേരം കഴിഞ്ഞപ്പോൾ രേവതി അവളെ കൂട്ടാൻ ഫ്ലാറ്റിൽ വന്നു..അവൾ എന്നെക്കണ്ട വിഷ് ചെയ്ത് അവളുടെ മുറിയിലേക്ക് നടന്നു..കുറച്ചു നേരം കഴിഞ്ഞ് അവർ രണ്ടുപേരും പുറത്തേക്ക് വന്നു.. ഞങ്ങൾ മൂന്നു പേരും ഡോർ പൂട്ടി ഇറങ്ങി..

പാർക്കിങ്ങിൽ ചെന്ന് വണ്ടികൾ എടുത്തു.. അവൾ ബുള്ളറ്റിൽ കയറാൻ ധാവണി ലേശം പൊക്കിയപ്പോൾ അവളുടെ ആ കൊലുസ് കണ്ട് ഞാൻ നോക്കി നിന്നു… ആദ്യമായ് കണ്ടതും ആ കൊലുസ് ആണ്.. അവൾ കയറി ഇരുന്ന് കിക്കർ അടിച്ച് വണ്ടി സ്റ്റാർട്ട് ആക്കി.. ശേഷം ഹെൽമറ്റ് എടുത്തു വച്ചു.. രേവതി പുറകിൽ ഇരുന്നു.. കൃഷ്ണ എന്നെ നോക്കി…

“നിങ്ങൾ മുൻപിൽ പൊക്കോ.. പുറകിൽ ഞാൻ ഉണ്ടാവും..”

അതുപറഞ്ഞപ്പോൾ അവൾ തലയാട്ടി വണ്ടി മുൻപോട്ട് എടുത്തു അത് ഗേറ്റ് കടന്ന് പുറത്തേക്ക് പോയി..ഞാൻ എന്റെ വണ്ടി എടുത്ത് അവരുടെ പുറകിൽ വിട്ടു..

കോളേജിൽ എത്തി.. അവിടെ അവളുടെ ക്ലാസിൽ അവൾക്ക് വൻ വരവേൽപ്പ് തന്നെ ആയിരുന്നു.. രണ്ട് മാസം ആയി അവർ അവളെ കണ്ടിട്ട്.. വിശേഷം ഒക്കെ അവർ അവളോട് ചോദിച്ചു.. ടീച്ചേഴ്സും.. പ്രിൻസിപ്പാളും എല്ലാവരും അവളോട് സുഖ വിവരങ്ങൾ തിരക്കി..

അസ്സെംബ്ലിയിൽ അവൾ തിരിച്ചു വന്നിരിക്കുന്നു എന്ന അനൗൻസ് ചെയ്തപ്പോൾ എല്ലാവരും കൈ അടിച്ചു..

അവളുടെ ക്ലാസ് ഒരുപാട് മിസ് ആയതുകൊണ്ട് പ്രിൻസിപ്പാൾ ടീച്ചേഴ്സിനോട് അവൾക്ക് വേണ്ട ഹെൽപ്പ് ചെയ്തു കൊടുക്കാൻ പറഞ്ഞു.. കാരണം അവർ എല്ലാവരും അവളിൽ നിന്നും റാങ്ക് എക്സ്പെക്റ്റ് ചെയ്യുന്നുണ്ട്.. പക്ഷെ അവർ അറിയുന്നില്ലല്ലോ അവൾ ഇപ്പൊ അഷ്‌ലിയെ മാത്രം സ്വപ്നം കണ്ട് ജീവിക്കുകയാണെന്ന്..

ദിവസങ്ങൾ കടന്നു പോയി.. അവൾ ക്ലാസിൽ ശ്രദ്ധിക്കുന്നുണ്ടെങ്കിലും എന്തോ ഒരു കുറവ് ഫീൽ ചെയ്തു പല ടീച്ചേഴ്സിന്.. അത് സ്റ്റാഫ്‌റൂമിൽ ഒരു സംസാര വിഷയം തന്നെ ആയിരുന്നു..