കൃഷ്ണവേണിXII (രാഗേന്ദു) 1682

“കൃഷ്ണ തനിക്ക് എന്തെങ്കിലും പർച്ചേസ് ചെയണോ..? വന്നിട്ട് ഇതുവരെ താൻ ഒന്നും ആവശ്യപ്പെട്ടതായി ഓർക്കുന്നില്ല.. പിന്നെ വീട്ടിലേക്ക് കുറച്ചു സാധനങ്ങൾ വാങ്ങണം..
ഇവിടെ അടുത്തൊരു സൂപ്പർ മാർക്കറ്റ് ഉണ്ട്.. നമ്മക്ക് ഒന്ന് കയറാം..”

ഞാൻ പറഞ്ഞപ്പോൾ അവൾ തലയാട്ടി..ഞങ്ങൾ സൂപ്പർമാർക്കറ്റിൽ കയറി.. വീട്ടിലേക്ക് ഉള്ള അത്യാവശ്യ സാധങ്ങൾ വാങ്ങി..കൂടെ അവൾ അവൾക്ക് വേണ്ട സാധനങ്ങളും..

എല്ലാം എടുത്തു ഞങ്ങൾ ബില്ലിംഗ് സെക്ഷനിൽ പോയി.. ഒന്ന് പുറത്തേക്ക് നോക്കിയപ്പോൾ സൈഡിൽ അവൾ എന്നെ തന്നെ നോക്കി നിൽക്കുന്നത് ആണ് കണ്ടത്..

അവളെ ഒന്ന് സൂക്ഷിച്ചു നോക്കി ഞാൻ ബില്ലിങിലേക്ക് തിരിഞ്ഞു.. അവിടെ നിൽക്കുന്ന ചേച്ചി.. ഞങ്ങളെ നോക്കി ചിരിക്കുന്നുണ്ട്.

“പുതുമോടി ആണല്ലേ..നല്ല മാച്ച് ആണട്ടോ രണ്ടുപേരും..”

അവർ ഒരു ചിരിയോടെ പറഞ്ഞപ്പോൾ ഞാൻ ഒന്ന് ഞെട്ടി..അവളെ നോക്കിയപ്പോൾ ഒരു നാണം കലർന്ന ചിരിയോടെ എന്നെ നോക്കുന്നു..

“മൈൻഡ് യുവർ ഓണ് ബിസിനെസ്സ്..”

ദേഷ്യഭാവത്തോടെ പറഞ്ഞുകൊണ്ട് ഞാൻ ബിൽ പേ ചെയ്ത് അവിടെ നിന്നും ഇറങ്ങി..

കാറിൽ ചെന്ന് സാധങ്ങൾ എടുത്ത വച്ചു..തിരിഞ്ഞു നോക്കിയപ്പോൾ അവൾ അവിടെ അവരോട് എന്തോ പറഞ്ഞു നിൽക്കുന്നു.. മുഖത്തു ചിരി.. അതുകണ്ടപ്പോൾ എന്റെ ദേഷ്യം ഇരട്ടിച്ചു.. ഡ്രൈവറോട് ഹോണ് അടിക്കാൻ പറഞ്ഞു ഞാൻ കാറിൽ കയറി ഇരുന്നു..

അവൻ ദേഷ്യം പിടിച്ചു അവിടെനിന്നും ഇറങ്ങിയപ്പോൾ അവളുടെ മുഖം ആകെ വാടി..

“ഹേയ് കുട്ടി.. അതൊന്നും മൈൻഡ് ചെയ്യണ്ട.. ആൾ ദേഷ്യകാരൻ ആണല്ലേ.. കുറച്ചു കഷ്ടപ്പെടും..”

അവർ ഒരു ചിരിയോടെ പറഞ്ഞപ്പോൾ അവളുടെ മുഖം നാണത്താൽ പൂത്തുലഞ്ഞു.. ഹോണ് അടിക്കുന്ന ശബ്ദം കേട്ടതും അവൾ ഒന്ന് ഞെട്ടി തിരിഞ്ഞുനോക്കി.. അവൻ കാറിൽ കയറി ഇരിക്കുന്നതാണ് കണ്ടത്.. അവൾ അവരോട് യാത്ര പറഞ്ഞു അവിടെനിന്നും കാറിന്റെ അടുത്തേക്ക് ഓടി..