കൃഷ്ണവേണിXII (രാഗേന്ദു) 1682

ഞാൻ വണ്ടി മുൻപോട്ട് എടുത്തു.. തറവാടിന്റെ മുൻപിൽ എത്തിയപ്പോൾ അറിയാതെ അങ്ങോട്ടെക്ക് എന്റെ നോട്ടം പോയി .. പെട്ടന്ന് തന്നെ ഞാൻ നോട്ടം മാറ്റി..തല ഒന്ന് കോടഞ്ഞു.. വണ്ടി നേരെ എടുത്തു.. പോകുന്നവഴി ഞങ്ങൾ ഭക്ഷണം പാർസൽ മേടിച്ചു.. അവിടെ എത്തിയപ്പോൾ രാത്രി ഏറെ വൈകി..

ഫ്ലാറ്റിൽ എത്തി മുറിയിൽ കയറി ഒന്ന് കുളിച്ചു..
അവൾ ഫ്രഷ് ആയി ഡൈനിങ്ങ് ടേബിളിൽ വന്നിരിക്കുന്നുണ്ട്.. ഞാൻ ഒന്നും മിണ്ടാതെ അവിടെ ഇരുന്ന് കഴിക്കാൻ തുടങ്ങി.. അവളും.. ഇടക്ക് എന്റെ മുഖത്തേക്ക് നോക്കുന്നുണ്ട്..

കഴിച്ചു കഴിഞ്ഞെഴുനേറ്റ് പാത്രം ഒക്കെ കഴുകി.. ഞാൻ കിടന്നു.. അവൾ ഒന്ന് നോക്കി.. ഞാൻ നോക്കിയപ്പോൾ അവൾ വേഗം അകത്തുകയറി വാതിൽ അടച്ചു..

ഓരോന്ന് ആലോചിച്ചു ഉറങ്ങിപ്പോയി..

മുറിയിൽ കയറിയ വേണി ഇന്ന് നടന്നത് ആലോചിച്ചു.. അവൻ അവളോട് ഒന്നും മിണ്ടാത്തത്തിൽ അവൾക്ക് വിഷമം തോന്നി.. തറവാട്ടിലെ കാര്യം പറയണ്ടായിരുന്നു എന്ന് അവൾക്ക് തോന്നി.. ആ നിമിഷത്തെ അവൾ ശപിച്ചു..

നാളെ ജോഗിംഗ് പോകുമ്പോ ഒരു സോറി ചോദിക്കണം എന്നവൾ ഉറപ്പിച്ചു..

*****

രാവിലെ എണീറ്റ്.. കൃഷ്ണ പതിവ് പോലെ ഫ്രഷ് ആയി ജോഗിങിന് വേണ്ടി മുറിയുടെ പുറത്തേക്ക് ഇറങ്ങി..അവൾ നോക്കിയപ്പോൾ ആഷ്‌ലി നല്ല ഉറക്കം..അടുത്തേക്ക് ചെന്നു.

“ഹലോ മാഷെ..”

അവൾ വിളിച്ചപ്പോൾ ആണ് ഞാൻ കണ്ണ് തുറന്നത്.

“എന്താ..? ഉറങ്ങാനും സമ്മതിക്കില്ലേ?”

ഉറക്കം നഷ്ടപെട്ടത്തിന്റെ നീരസത്തിൽ ചോദിച്ചപ്പോൾ അവൾ ഒന്നും മിണ്ടിയില്ല. അപ്പോഴാണ് ഞാൻ അവളുടെ വേഷം ശ്രദ്ധിച്ചത്. ഓടാൻ ഉള്ള വേഷത്തിൽ ആണ്..

“‘നീ പൊയ്ക്കോ ഞാൻ ഇന്നില്ല..”

അവൻ അതും പറഞ്ഞു തിരിഞ്ഞു കിടന്നു. അവൾ എന്ത് ചെയ്യണം എന്ന് ആലോചിച്ചു അവിടെ നിന്നു..