കൃഷ്ണവേണിXII (രാഗേന്ദു) 1682

“എന്താ..??”

ഞാൻ അലറി..

“അല്ല ഞാൻ.. ഒറ്റക്ക്.. എനിക്ക്..”

“ഒറ്റക്ക് പോയാൽ എന്താ നിന്നെ ആരേലും പിടിച്ചു കൊണ്ട് പോകുമോ? എന്നെ അതികം ഡിപെൻഡ് ചെയ്യരുത് കൃഷ്ണ നീ.. പോ.. എന്നെക്കൊണ്ട് കൂടുതൽ പറയിക്കണ്ട..”

ദേഷ്യത്തോടെ പറഞ്ഞതും അവൾ ദേഷ്യത്തിൽ കതക് അടച്ചു പോയി.. ഫ്രന്റ് ഡോർ വലിച്ചടയുന്ന ശബ്ദം കേട്ടപ്പോൾ ഞാൻ കമിഴ്ന്ന് കിടന്നു ഉറങ്ങി..

എണീറ്റപ്പോൾ അല്പം വൈകി.. ക്ലോക്ക് നോക്കി

“8:30? ഷിറ്റ്… ”

ചാടി എഴുന്നേറ്റ് ഫ്രഷ് ആയി വന്നു വേഷം മാറി..

“ഛേ എന്തൊരു ഉറക്കമായിരുന്നു.. സമയവും വൈകി.. ഈ പെണ്ണിന് വന്നാൽ ഒന്ന് വിളിച്ചൂടെ..അഹ് ചിലപ്പോൾ പിണക്കത്തിൽ ആയിരിക്കും ..”

നോക്കിയപ്പോൾ അവളുടെ മുറിയുടെ വാതൽ അടഞ്ഞു കിടക്കുന്നു..വാതിൽ മുട്ടി നോക്കി.. അനക്കം ഇല്ല..

“കൃഷ്ണ..? വരുന്നില്ലേ? ഞാൻ പോകുന്നു..”

ഞാൻ ചോദിച്ചതിന് മറുപടി ഉണ്ടായില്ല.. പെട്ടെന്ന് അടുക്കളയിൽ ഒന്ന് പോയി നോക്കി. ചായ പോലും വെച്ചിട്ടില്ല..പെട്ടെന്നു നെഞ്ച് ഒന്ന് ആളി.. അവളുടെ റൂമിന്റെ അടുത്തെത്തി..

“കൃഷ്ണ..?”

ഉച്ചത്തിൽ വിളിച്ചിട്ടും അനക്കം ഇല്ലാത്തപ്പോൾ ഞാൻ വാതിൽ തള്ളി നോക്കി.. ആരും ഇല്ല. ബാത്‌റൂമിൽ വാതിൽ തുറന്നു കിടക്കുന്നു..

മുഖത്തെ ചോരമയം മുഴുവൻ വറ്റി..

“ഓടാൻ പോയവൾ വന്നിട്ടില്ലേ..?”

ഞാൻ സ്വയം ചോദിച്ചു..

പെട്ടെന്നാണ് മനസ്സിൽ മറന്നു കിടന്ന ഒരു കാര്യം ഓർമവന്നത്.. ബോബ്ബിയുടെ അച്ഛന്റെ ഭീഷണി..

“ഒറ്റക്ക് കിട്ടും അവളെ ഞങ്ങൾക്ക്.. അന്ന് നിനക്ക് അവളുടെ എല്ലു പോലും കിട്ടില്ല..”

കുറച്ചു ദിവസം മുൻപ് സുകന്യ ചേച്ചിയുടെ വീട്ടിൽ പോയി വരുന്ന വഴി.. പെട്ടന്നാണ് മുൻപിൽ ഒരു കാർ ക്രോസ് ചെയ്തു നിർത്തിയത്.. അതിൽ നിന്നും ഇറങ്ങിയത് ബോബിയുടെ അച്ഛൻ ആയിരുന്നു.. അവന്റെ അവസ്ഥക്ക് കാരണം കൃഷ്ണയായതുകൊണ്ട് അവളെ ജീവനോടെ വെക്കില്ല എന്നു ഭീഷണി പെടുത്തി.. പക്ഷെ ഞാൻ അതു അവഗണിച്ചു..

“ഷിറ്റ്.. ”

ഞാൻ സ്വയം പറഞ്ഞു വണ്ടിയുടെ ചാവി എടുത്തു വാതൽ ശക്തമായി അടച്ചു.. അവളെ തനിച്ചു പറഞ്ഞുവിട്ടത്തിൽ എനിക്ക് എന്നോട് തന്നെ ദേഷ്യം തോന്നി..പാർക്കിങ്ങിൽ ചെന്ന് വണ്ടിയുടെ എൻജിൻ സ്റ്റാർട്ട് ചെയ്തു കത്തിച്ചു വിട്ടു.. ഞാൻ അവളെ തേടി ഇറങ്ങി എവിടെ എന്നറിയാതെ..

തുടരും..

ഇഷ്ടപെട്ടാലും ഇല്ലെങ്കിലും അഭിപ്രായം പറയണേ❤️