കൃഷ്ണവേണിXII (രാഗേന്ദു) 1682

അവൾ കരഞ്ഞു കരഞ്ഞു എപ്പോഴോ ഉറങ്ങി പോയി..

നല്ല ഉറക്കം ആയിരുന്നു ഞാൻ.. ദേഹത്താരോ തട്ടിവിളിക്കുന്നത് അറിഞ്ഞാണ് ഞാൻ ഉറക്കം ഉണർന്നത്.. കണ്ണു തിരുമി നോക്കി.. കൃഷ്ണ ആണ്..ചുരിദാർ ആണ് വേഷം.. നേരം വെളുത്തോ എന്നു ഞാൻ സംശയിച്ചു.. സമയം നോക്കി..അഞ്ചു മാണി..

“എന്താ..?”

ഞാൻ സംശയഭാവത്തിൽ ചോദിച്ചു.. എണീറ്റു.

‘എന്നെ ട്രെയിൻ ചെയിക്കാം എന്നുപറഞ്ഞില്ലേ.. ഞാൻ റെഡി..”

“മ്മ്മ്.. ഞാൻ ഫ്രഷായി വരാം..”

എന്ന് പറഞ്ഞ് ബാത്‌റൂമിൽ പോയി..മുഖം കഴുകി.. കണ്ണാടിയിൽ നോക്കി.. അവളുടെ മാറ്റം കണ്ട് എനിക്ക് സന്തോഷം തോന്നി..

എല്ലാം കഴിഞ്ഞു ഞാൻ ഒരു ട്രാക്ക് പാന്റും ടി ഷർട്ടും എടുത്തിട്ട് പുറത്തേക്ക് ഇറങ്ങിയപ്പോൾ .
അവൾ സെറ്റിയിൽ ഇരിക്കുന്നു..

“കം.. നമ്മുക്ക് നടന്നു വരാം.. ആദ്യം അവിടുന്ന് തുടങ്ങാം..”

അതുപറഞ്ഞപ്പോൾ അവൾ എഴുനേറ്റു.. അപ്പോഴാണ് ഞാൻ ശ്രദ്ധിച്ചത് അവൾക്ക് ഇതിനു പറ്റിയ ഡ്രസ് ഇല്ല എന്നുള്ളത്..

ഞങ്ങൾ ഫ്ലാറ്റ് പൂട്ടി ഇറങ്ങി..

ഒരു അര മണിക്കൂർ നടന്നു വന്നു.. അവളെ ഞാൻ സ്‌ട്രേച്ചിങ് ഒന്നൊന്നായി പഠിപ്പിച്ചു.. അത് കുറച്ചു ദിവസം ചെയ്യാൻ പറഞ്ഞു.. അതുകഴിഞ്ഞ് പതിയെ ഓരോ വർകൗട്ട് പഠിപ്പിച്ചു.. അതിന്റെ കൂടെ മാർഷൽ ആർട്സും പഠിപ്പിക്കാം എന്ന് ഞാൻ അവളോട് പറഞ്ഞു..അവൾക്ക് സമ്മതമായിരുന്നു..

ഞാൻ അവൾക്ക് കുറച്ചു ട്രാക്ക് പാന്റ്സും ടി ഷർട്ട്സും എടുത്തു കൊടുത്തു.. കൂടെ ഒരു വർക്ഔട്ട് ഷൂവും..

പഠിപ്പിച്ചു കൊടുക്കുന്നത് നല്ല രീതിയിൽ തന്നെ മനസിലാക്കി അവൾ ചെയ്തു..

രാവിലെ ഞങ്ങൾ എന്നും ജോഗിങ് പോവും.. അവൾ തന്നെ ആണ് ആദ്യം എണീക്കുന്നത്.. അവളുടെ മാറ്റം എന്നെ കൂടുതൽ സന്തോഷമുണ്ടാക്കി..