കൃഷ്ണവേണിXII (രാഗേന്ദു) 1682

“എന്താ ഇന്ന് ഇല്ലേ.. അവൾ നന്നായോ..”

“മനസമാധാനം കിട്ടാനാണ് ഇങ്ങോട്ട് വന്നത്. ഇനി നി മിണ്ടിയ.. ഇത് മൊത്തം നിന്റെ വായിൽ കുത്തികയറ്റും..”

അവളുടെ ടിഫിൻ ബോക്സ് ചൂണ്ടികൊണ്ട്
ഞാൻ ദേഷ്യത്തോടെ പറഞ്ഞപ്പോൾ അവൾ എന്നെ നോക്കി ചുണ്ട് കോടി..

“ഞാൻ തന്നെ കുത്തികേയറ്റികൊള്ളാം..”

ശേഷം ഒന്നും മിണ്ടാതെ അത് എടുത്തു കഴിക്കാൻ തുടങ്ങി..ചിരി വന്നുവെങ്കിലും ഞാൻ അടക്കി..

ക്ലാസ് കഴിഞ്ഞ് വൈകുന്നേരം രേവതിയും ലിനുവും എന്റെ അടുത്തെക്ക് വന്നു..അവളുടെ വിശേഷം തിരക്കി.. സ്റ്റിച്ചെടുത്തതും.. ലേസർ ട്രീറ്റ്മെന്റ്ചെയുന്ന കാര്യം ഞാൻ അവരോട് പാഞ്ഞു.. അവൾ അധികം വൈകാതെ കോളേജിൽ വന്നു തുടങ്ങുമെന്ന് പറഞ്ഞപ്പോൾ അവർക്ക് സന്തോഷം ആയി.. ലിനുവിനോട് തനിയെ സംസാരിക്കണം എന്ന് ഞാൻ ഉറപ്പിച്ചു..

“ലിനു.. എനിക്ക് നിന്നോട് ഒരു കാര്യം പറയാനുണ്ട്.. രേവതി താൻ പൊക്കോ..”

ഞാൻ അവളോട് പറഞ്ഞപ്പോൾ അവൾ സംശയഭാവത്തിൽ നോക്കി തിരിഞ്ഞു നടന്നു..
അവനോട് കൃഷ്ണയുടെ ക്യാമ്പിന്റെ കാര്യം പറയാം എന്ന് കരുതി അതുപോലെ അവളുടെ മാറ്റങ്ങളും..അവൻ പറഞ്ഞാൽ അവൾ കേൾക്കാതെ ഇരിക്കില്ല.

“എന്താ സർ.. എല്ലാം ഓക്കെ അല്ലെ..”

ഞാൻ ചിന്തിച്ചു നിൽക്കുന്നത് കണ്ട് അവൻ ചോദിച്ചു..

“അത്.. ലിനു..നമ്മക്കൊന്നു കോഫീ ഷോപ്പിൽ പോയി സംസാരിച്ചാലോ.. ”

അവനോട് അതുപറഞ്ഞപ്പോൾ അവൻ ഒന്ന് സംശയിച്ചുനിന്ന് കാര്യം എന്തെന്ന് അറിയാതെ..

“കം.. ”

അവൻ ഒന്ന് മൂളി ശേഷം അവന്റെ ബൈക്ക് എടുത്തു..ഞങ്ങൾ പോയത് കോളേജിന്റെ അടുത്തു തന്നെയുള്ള ഒരു കോഫീ ഷോപ്പിൽ ആണ്..അവിടെ ചെന്ന് രണ്ട് കോഫീ ഓഡർ ചെയ്തു.. ലിനു എന്റെ മുഖത്തേക്ക് നോക്കി ഇരിക്കുകയാണ്..