കൃഷ്ണവേണിXII (രാഗേന്ദു) 1685

ഇപ്പൊ പഴയത് പോലെ അല്ല..പഠിക്കാൻ മിടുക്കി ആയി..

പത്തു ദിവസം ഹോളിഡേ ആയപ്പോൾ ഇടക്ക് അവൾ വീട്ടിൽ പോകണം എന്ന് പറഞ്ഞു.. ഞാൻ അവളെ അവളുടെ വീട്ടിൽ കൊണ്ടുപോയി.. അവർക്ക് അവളെ കണ്ട് ഒരുപാട് സന്തോഷമായി..

എനിക്ക് അവൾ എൻ സി സിക്ക് കിട്ടിയ മെഡൽ ട്രോഫി സെർട്ടിഫിക്കേറ്റസ് ഒക്കെ കാണിച്ചു തന്നു..അഭിമാനം തോന്നി എനിക്ക് ..

“ഈ വരുന്ന ക്യാമ്പിൽ എനിക്ക് നല്ലത്തപോലെ സ്കോർ ചെയ്യണം.. മാം നല്ലതുപോലെ പടിച്ചോളാൻ വിളിച്ചപ്പോൾ പറഞ്ഞിട്ടുണ്ട്.. പിന്നെ ഇപ്പൊ വേറെ ക്യാമ്പുള്ളത്കൊണ്ട് കോളേജ് തുറന്ന് പ്രാക്റ്റിസ് ആരംഭിക്കാം എന്ന് പറഞ്ഞിട്ടുണ്ട്..”

അവൾ ആവേശത്തോടെ പറഞ്ഞപ്പോൾ ഞാൻ ഒന്ന് പുഞ്ചിരിച്ചു..

ഞങ്ങൾ ഒരു വൈകുന്നേരത്തോടെ അവിടെ നിന്നും ഇറങ്ങി.. അവൾ പുറകിൽ ഇരുന്നപ്പോൾ ഞാൻ ബൈക്ക് സ്റ്റാർട്ട് ചെയ്ത് മുൻപോട്ട് എടുത്തു..

“അതേ.. തറവാട്ടിൽ കയറുന്നില്ലേ?.. മുത്തശ്ശനേയും അമ്മാമ്മേയെയും കാണാൻ തോന്നുന്നില്ലേ.. ഇത്രേം വരെ വന്നിട്ട് അവരെ ഒന്ന് കാണാതെ പോയാൽ മോശം ആവും.. പഴേതൊക്കെ മറന്നുടെ..ഞാൻ കാരണമല്ലേ അങ്ങനെ ഒക്കെ സംഭവിച്ചത്.. അവർ അപ്പോഴോതെ മാനസികാവസ്ഥയിൽ അവർ എന്തൊക്കെയോ പറഞ്ഞു എന്ന് വ..

അവൾ പറയുന്നത് കേട്ട് ഞാൻ വണ്ടി ബ്രെക്ക് ചവിട്ടി.. പെട്ടന്നുള്ള പ്രവർത്തി ആയതുകൊണ്ട് അവൾ എന്റെ മുതുകത്തു വന്നിടിച്ചു..

“എന്താ..”

അവൾ ഞെട്ടി.. അതു ചോദിച്ചപ്പോൾ ഞാൻ അവളെ സൂക്ഷിച്ചു നോക്കി..

“കൃഷ്ണ.. നിനക്ക് കാണണോ..ഞാൻ ഇവിടെ നീക്കാം പോയി കണ്ടു വാ.. അല്ലാതെ എന്നെ ഉപദേശിക്കാൻ നിക്കരുത്.. ഇനി ഈ കാര്യത്തിൽ നമ്മുക്ക് സംസാരം വേണ്ട അതാ നല്ലത്.. ”

ഞാൻ അതുപറഞ്ഞപ്പോൾ അവൾ പിന്നെ ഒന്നും മിണ്ടിയില്ല..