കൃഷ്ണവേണിXII (രാഗേന്ദു) 1685

ദിവസങ്ങൾ പിന്നെയും കടന്നുപോയി.. ഓണത്തിന് പത്തു ദിവസം ലീവ് അനൗൻസ് ചെയ്ത് നോട്ടീസ് ബോർഡിൽ ഇട്ടു..

കോളേജിലെ ഓണാഘോഷ പരിപാടികൾക്ക് ഡേറ്റ് ഫിക്സ് ചെയ്തു.. ഓണകളി, പുലികളി,ചണ്ടമേളം, മലയാളി മങ്ക,കേരള ശ്രീമാൻ, പൂക്കള മത്സരം , വടം വലി എന്നിങ്ങനെ കുറെ മത്സരങ്ങൾ കൊണ്ട് ഓണാഘോഷം ഗംഭീരം ആക്കാൻ പ്ലാൻ ചെയ്തു..

ഓരോ ഡിപാർട്മെന്റിൽ കുറെ കുട്ടികൾ പല ഇനത്തിൽ പേര് കൊടുത്തു.. വേണിയും എന്തിലൊക്കെയോ ചേർന്നു.. ടീച്ചേഴ്സിനും മത്സരങ്ങൾ ഉണ്ടായിരുന്നു.. ഓരോ ഡിപാർട്മെന്റ് അനുസരിച്ച്..

മിഷേൽ കേരള ശ്രീമാൻ മത്സരത്തിന് എന്റെ പേര് കൊടുത്തു.. ഞാൻ പോലും അറിഞ്ഞത് നോട്ടീസ് ബോർഡിൽ ഇട്ടപ്പോൾ ആണ് അറിഞ്ഞത്..കുറെ ഒഴുഞ്ഞു മാറാൻ നോക്കി എങ്കിലും അവൾ സമ്മതിച്ചില്ല എല്ലാവരും അറിഞ്ഞപ്പോൾ അവളുടെ കൂടെ നിന്ന് എന്നെ നിർബന്ധിച്ചു..അവസാനം സമ്മതം പറയേണ്ട അവസ്ഥ ആയി..

അങ്ങനെ ഒരു ദിവസം.. കോംമ്പട്ടിഷന് വേണ്ട ഡ്രെസ് എടുക്കാൻ ഞാനും മിഷേലും ഒരു റ്റെക്സ്റ്റൈൽസിൽ കയറി..എല്ലാം അവളുടെ ഇഷ്ടത്തിന് ആയിരുന്നു.. അവൾ ആല്ലേ പേര് കൊടുത്തെ ചിലവ് അവൾ തന്നെ എടുക്കട്ടെ എന്നു ഞാനും കരുതി.. ഇങ്ങനെ എങ്കിലും പണി കൊടുക്കേണ്ടേ..

അപ്പോഴാണ്.. വേണിയുടെ കാര്യം ഓർമ വന്നത്.. സെലിബ്രേഷനിൽ അവൾക്ക് ഇടാൻ എന്തെങ്കിലും വാങ്ങണം എന്ന് എനിക്ക്‌തോന്നി.. ഇല്ലെങ്കിൽ അവൾ പഴയത് എന്തെങ്കിലും ഇടും..എല്ലാവരും പുതിയത് ഇട്ടു വരുമ്പോൾ അവൾ മാത്രം.. പാവം തോന്നി എനിക്ക്..

ഞാൻ മിഷേലിനെ നോക്കി.. അവൾ എനിക്ക് മുണ്ടും ജുബ്ബയും സെലെക്റ്റ് ചെയുകയാണ്..ഞാൻ അടുത്തേക്ക് ചെന്നു..

മിഷ്.. കഴിഞ്ഞോ..

ഞാൻ ചോദിച്ചപ്പോൾ അവൾ തിരിഞ്ഞു നോക്കി..

“അഹ്.. യെസ്.. ഇത് എങ്ങനെയുണ്ടട മാച്ച് അല്ലെ.. നിനക്ക് നന്നായി ചേരും..”

അവൾ ഒരു ചിരിയോടെ ആ ജുബ്ബ എന്റെ ദേഹത്തോട് ചേർത്തുവച്ചു.. ഭംഗി നോക്കി..

“ഇതു മതി.. ബിൽ ചെയ്തോ..”

അവൾ സെയിൽസ് ഗർളിനോട് പറഞ്ഞു..

“വേറെ എന്തെങ്കിലും വേണോ മാം..”

“വേ..”

ആ പെണ്കുട്ടി ചോദിച്ചപ്പോൾ മിഷേൽ ഉത്തരം പറയാൻ തുടങ്ങാവെ.. ഞാൻ തടുത്തു .മിഷേൽ.. എന്താണെന്ന് പിരികം പൊക്കി ചോദ്യഭാവത്തിൽ എന്നെ നോക്കി..