കൃഷ്ണവേണിXII (രാഗേന്ദു) 1685

എല്ലാത്തിലും ആക്റ്റീവ് ആയിരുന്ന വേണി അലസത കാണിക്കുന്നു.. ക്ലാസ്സിൽ അത്ര ആക്റ്റീവ് അല്ല.. ചിലപ്പോൾ അവൾ ഇത്രേം നാൾ ടച്ച് വിട്ടത് കൊണ്ടാവാം.. ചിലപ്പോൾ മെന്റലി സ്‌ട്രോങ് ആവാൻ അവൾക്ക് കുറച്ചു സമയം വേനമായിരിക്കാം.. എന്ന് വരെ ചിലർ നിഗമനത്തിൽ എത്തി..

ഇതെല്ലാം കേട്ട് ഞാനും മിഷേലും മിണ്ടാതെ ഇരുന്നു.. അല്ലാതെ എന്ത് പറയാനാണ്.. സത്യം അറിയാവുന്നത് ഞങ്ങൾക് അല്ലെ.. എന്നും ഇത് തന്നെ കേൾക്കുമ്പോൾ എനിക്ക് പ്രാന്ത് പിടിക്കും.. ഇതൊക്കെ സംഭവിക്കുന്നത് ഞാൻ കാരണമാണല്ലോ എന്ന് ഓർത്ത് എന്നോട് തന്നെ ദേഷ്യം തോന്നും.. എല്ലാവരോടും സത്യം വിളിച്ചു പറഞ്ഞാലോ എന്നുവരെ തോന്നി പോയൊട്ടുണ്ട് ചില നിമിഷം.. മിഷേൽ എന്നെ തടഞ്ഞില്ലായിരുന്നെങ്കിൽ ഞാൻ അത് ചെയ്താനെ..

അതിന്റെ ഇടക്ക് അവളുടെ എൻ സി സി മാം അവളെ വിളിച്ചു സംസാരിച്ചു.. അവളോട് പ്രാക്ടിസ് ചെയ്യാൻ കോളേജ് കഴിഞ്ഞ് കുറച്ചു നേരം നിൽക്കണം എന്ന് പറഞ്ഞു..

അവൾക്ക് കുറച്ച് സമയം വേണം എന്ന് പറഞ്ഞവൾ ഒഴിഞ്ഞു മാറി..അത് അവർ എന്നോട് പറഞ്ഞു.. എനിക്ക് അതുകേട്ട് ദേഷ്യമാണ് വന്നത്.. ചിലപ്പോൾ അവളോട് ഹാർഷ് ആയി ഞാൻ എന്തെങ്കിലും പറഞ്ഞുപോകും.. ഇത്രേം നാളത്തെ ദേഷ്യം ചിലപ്പോൾ അവളോട് തീർത്തെന്നും വരും.. അതുകൊണ്ട് ഞാൻ ലിനുവിനോട് എല്ലാം പറഞ്ഞു..സ്റ്റാഫ്‌റൂമിൽ ടീച്ചേഴ്സിന്റ് ഒപ്പിനിയനും.. എൻ സി സി മാമിനോട് അവൾ പറഞ്ഞതും എല്ലാം..

അവൻ നോക്കികൊള്ളാം എന്ന് പറഞ്ഞു..പക്ഷെ അവൻ അവളോട് സംസാരിച്ചു എങ്കിലും അവൾക്ക് ഒരു അനക്കവുമുണ്ടായിരുന്നില്ല..

ക്ലാസ് എടുക്കുമ്പോൾ അവൾ എന്നെ തന്നെ നോക്കി ഇരിക്കും.. മറ്റുകുട്ടികളുടെ മുൻപിൽ വച്ച് ഒരു സീൻ വേണ്ട എന്ന് കരുതി ഞാൻ അത് അവഗണിച്ചു.. മറ്റു ടീച്ചേഴ്സിന്റ് ക്ലാസിൽ അവൾക്ക് തലവേദന എന്ന ഓരോ
എക്സ്ക്യൂസിസ് ആണ്..