കൃഷ്ണവേണിXII (രാഗേന്ദു) 1685

ഡോർ തുറന്ന് കയറിയതും അവൾ ഒന്നും മിണ്ടിയില്ല.. ഞാനും..

ഫ്ലാറ്റിൽ എത്തി.. ഞാൻ സാധങ്ങൾ എടുത്ത് മുൻപിലേക്ക് നടന്നു.. അവൾ പിറകെയും..
ഡോർ തുറന്ന് അകത്തേക്ക് കയറിയതും..

നിങ്ങൾ എന്തിന അവരോട് ചൂടായത്..?

മുറിയിലേക്ക് കയറാൻ നേരം അവളുടെ ശബ്ദം എന്നെ തടഞ്ഞു.. ഞാൻ ചോദ്യഭാവത്തിൽ അവളെ നോക്കി..

“എന്താ നോക്കുന്നത്.. അവർ ചോദിച്ചതിന് എനിക്ക് കോഴപ്പമോന്നും തോന്നിയില്ല..”

അവൾ പറഞ്ഞപ്പോൾ ഞാൻ അവളെ സൂക്ഷിച്ചുനോക്കി..

“അതിനു നി എന്റെ ഭാര്യ ആണോ..? ”

അവൾ ഒന്ന് ഞെട്ടി.. ഉത്തരം ഇല്ലാതെ നിന്നു..

“ഇല്ലാലോ!.. ദെൻ ഷട്ട് യുവർ മൗത്ത് ആൻഡ് ഗോ ചേഞ്ച്‌..
ആദ്യം പോയി വല്ലതും നേടി എടുക്കാൻ നോക്ക്.. ഭാര്യ ആവാൻ നടക്കുന്നു..”

അത് പറഞ്ഞപ്പോൾ അവൾ ചുണ്ട് കോടി കൊണ്ട് മുറിയുടെ അകത്തേക്ക് നടന്നു..

“അഹ് പിന്നെ നേടി എടുക്കാൻ തന്നെയാണ് പോകുന്നത്.. നിങ്ങളുടെ ഭാര്യ സ്ഥാനം..”

പോയവൾ തിരിഞ്ഞു നോക്കി ഒരു കള്ളച്ചിരിയോടെ അതുപറഞ്ഞപ്പോൾ അടുത്തു കിടന്ന ക്യൂഷൻ എടുത്ത് അവളുടെ മേലെ എറിഞ്ഞു..

“കയറി പോടി..”

മുറിയിലേക്ക് കൈ ചൂണ്ടി ഞാൻ അലറി..
അതുകേട്ട് അവൾ ഒരു ചിരിയോടെ അകത്തേക്ക് ഓടി..ഞാൻ ഒന്ന് തല കുടഞ്ഞു ശ്വാസം ഒന്ന് ആഞ്ഞുവലിച്ചു..

അധികം ലീവ് എടുക്കാൻ സാധിക്കാത്തത് കൊണ്ട് ഒരു ഉച്ചയോടെ ഞാൻ റെഡിയായി.. അവളോട് യാത്ര പറഞ്ഞ് ഇറങ്ങി കോളേജിലേക്ക്..

ഇന്റർവെൽ സമയം ആയിരുന്നു മിഷേൽ ഇരുന്ന് ഫുഡ് കഴിക്കുകയാണ്.. ഞാൻ അവളുടെ അടുത്തു ചെന്നിരുന്നു..

“അഹ് വന്നോ.. നിന്റെ വേണിയുടെ ഫുഡ് മിസ് ചെയ്തിരിക്കുവായിരുന്നു.. എടുക്ക്..”

അവൾ കഴിച്ചുകൊണ്ടിരുന്ന ടിഫിൻ ബോക്സ് നീക്കി വച്ചെന്നെ നോക്കി ഒരു ചിരിയോടെ.. ഞാൻ അവളെ ഒരു കത്തുന്ന നോട്ടം നോക്കി..