ഒന്നും ഉരിയാടാതെ 31 [നൗഫു] 4908

“ഹോ.. ഇങ്ങനെ ഒരു പേടിതൂറി…എന്നാലും നീ എന്നെ അവിടെ ഒറ്റക്കിട്ട് ഓടുമല്ലേ..”

നാജി ചിരിച്ചു എന്റെ തലയിൽ ഒരു കൊട്ട് തന്നു…

“അവർ എന്നെ ഉപദ്രവിക്കാന്‍ വന്നതല്ലെ, നിന്നെ അല്ലല്ലോ നാജി.. അതോണ്ട് ഞാൻ എന്റെ തടി നോക്കണ്ടേ…”

“ഹേയ്.  നീ കളിയായി പറയുകയാണെന്ന് എനിക്കറിയാം.. നിന്നെ അവർ തല്ലി വീഴ്ത്തിയാലും നീ ഓടില്ല… കഴിയുന്നതും എന്നെ അവർ ഉപദ്രവികാതെ നോക്കുവാൻ നീ ശ്രമിക്കും… അതെനിക്കുറപ്പാണ്.. എനിക്കറിയാം എന്റെ ബാവുവിനെ…”

അവളുടെ കൈകള്‍ എന്നെ പതിയെ വരിഞ്ഞു മുറുക്കി.. ചുണ്ടുകള്‍ ചെറുതായിട്ട് എന്റെ കഴുത്തിലമര്‍ന്നു.. 

“എന്നാലും നീ അവനോട് എന്താ പറഞ്ഞത്…പുലിയായി വന്നവൻ എലിയായി പോകുവാൻ മാത്രം…”

“അതൊക്കെ ഉണ്ട്.. മോളെ…”

“പറയെടാ കുരങ്ങാ… അല്ല നീ ഇനി വേറെ വീഡിയോ വല്ലതും കാണിച്ചു കൊടുത്തോ…”

“ഹേയ് അതൊന്നും അല്ല… ഞാൻ അവനെ പേടിച്ചു തന്നെ ആണ് കുറച്ചു മാറ്റി നിർത്തിയത്.. കൂടെ എന്തിനും പോന്ന കൂട്ടുകാർ ഉണ്ടേൽ, നമ്മുടെ മനസിൽ കുറച്ചു ധൈര്യം ഉണ്ടാവും.. അതായിരിക്കും അവന്റെയും ധൈര്യം എന്ന് അറിയാം… അതിന് ഏറ്റവും നല്ലത് കുറച്ചു മാറ്റി നിർത്തി അവനോട് മാത്രം കാര്യങ്ങൾ സംസാരിക്കുക എന്നതാണ്..”