ഒന്നും ഉരിയാടാതെ 31 [നൗഫു] 4460

നാജി മുഴുവനായി പറയാതെ എന്നെ നോക്കി.. ആ ഇരുട്ടിലും അവളുടെ കണ്ണിലെ എന്നോടുള്ള സ്നേഹം ഞാന്‍ കണ്ടു…

“എടി.. അപ്പൊ അജ്മൽ….”

“അജ്മൽ, എന്റെ ജീവിതത്തിലെ ഒരു അടഞ്ഞ അധ്യായമാണ്..  വിവാഹം എന്നത് ഒരു ഉടമ്പടിയാണ്.. അവിടെക് ചേർക്കപെട്ടാൽ… ഒരു പേപ്പറിന്റെയും ആവശ്യം പോലും ഇല്ലാത്ത ഉടമ്പടി… പൊരുത്തപെടുവാൻ ദിവസങ്ങൾ വേണ്ടി വരും.. എന്നാലും.. എന്റെ റബ് ചേർത്തതിനെ ഇനി ഞാനായി പിരിക്കില്ല…”

നാജിയുടെ ഉള്ളിൽ ഞാൻ എത്രത്തോളം നിറഞ്ഞു എന്ന് ആ വാക്കുകളിൽ തന്നെ എനിക്ക് മനസിലാവുന്നുണ്ട്…

“”ടി… അപ്പൊ അവിടെ വരെ എത്തി കാര്യങ്ങൾ അല്ലെ… ഞാൻ കേട്ടിരുന്നു.. അജ്മൽ ഇനി നിന്റെ ഉള്ളിൽ നിന്നും പുറത്താണ് എന്ന്.. ഇന്ന് വൈകുന്നേരം മുതൽ നിങളുടെ പുറകെ തന്നെ ഉണ്ടായിരുന്നു ഞങ്ങൾ.. നിന്റെ ഓരോ ചലനത്തിലും ഞാൻ മനസിലാക്കി അജ്മൽ നൈസായി വഞ്ചിക്കപ്പെട്ടു എന്ന്…

നിന്റെ കൂട്ടുകാരികളിൽ നിന്നും ഞാൻ കുറച്ചൊക്കെ അറിഞ്ഞിരുന്നു.. അതൊന്ന് ഉറപ്പിക്കാൻ വേണ്ടി വന്നതാണ് നിന്റെ പുറകെ….. പക്ഷെ അവനെ അറിയിച്ചിട്ടില്ല.. ഏതായാലും രണ്ടു ദിവസം കൊണ്ട് അവൻ വരിക അല്ലെ നേരിട്ട് അറിഞ്ഞോട്ടെ ഖൽബ് കൊടുത്തു സ്നേഹിച്ചവൾ മറ്റൊരാളെ ആ ഖൽബിൽ നിറച്ചു വെച്ചിരിക്കുന്നു എന്ന്..””