ഒന്നും ഉരിയാടാതെ 31 [നൗഫു] 4969

“അത് എന്തെ…”

“അല്ല ഇതൊക്കെ തീറ്റിക്കാൻ ഇങ്ങോട്ടു കൊണ്ട് വന്നു തരുന്നത് കണ്ടു ചോദിച്ചതാണ്…”

“അള്ളോ.. ഇത് എന്താ..” 

“ഇത് ഉന്നക്കായ… എന്റെ ബാവൂന് ഏറ്റവും ഇഷ്ട്ടപെട്ട ചെറു കടി ആണെന്ന് ഉമ്മ പറഞ്ഞു.. പിന്നെ ഒന്നും നോക്കിയില്ല രാവിലെ തന്നെ ഉമ്മാനോട്  ചോയ്ച്ചു ഞാൻ തന്നെ ഉണ്ടാക്കി.. എങ്ങനെ ഉണ്ടെന്ന് നോക്കിക്കേ…”

നല്ല ചൂടുള്ള ഉന്നക്കായ.. ഞാൻ കുറച്ചു കാലം മുന്നേ മാത്രമേ ആയിട്ടുള്ളു ഇത് കഴിച്ചു തുടങ്ങിയിട്ട് പക്ഷെ എനിക്ക് ഏറ്റവും ഇഷ്ടം ഇത് തന്നെ ആണ്… ഉമ്മാക് അതറിയാം.. 

നാജിയുടെ കയ്യിൽ നിന്നും ഒന്നെടുത്തു ഞാൻ  കഴിച്ചു… നല്ല അസ്സലായി തന്നെ അവൾ ഉണ്ടാക്കിയിട്ടുമുണ്ട്… ഞാൻ ആ പ്ലെയ്റ്റ്  മുഴുവനായി വാങ്ങി കൈയിൽ പിടിച്ചു..

“എടാ.. ഞാൻ തിന്നിട്ടില്ല..  എനിക്ക് കൂടെ കൊണ്ട..” 

പ്ലേറ്റില്‍  നിന്നും ഒരു ഉന്നക്കായ എടുത്തു കടിച്ചു കൊണ്ട്  നാജി എന്റെ അരികിൽ തന്നെ ഇരുന്നു…

അവൾ കടിച്ചു പിടിച്ച ഉന്നക്കായ കണ്ടു എനിക്കൊരു മോഹം.. ഞാൻ ഉടനെ തന്നെ അവളുടെ ചുണ്ടിലേ ഉന്നക്കായ യിലേക്ക് എന്റെ ചുണ്ടുകളെ അടുപ്പിച്ചു… നാജി പെട്ടന്ന് തന്നെ അത് മുഴുവൻ വായിലാക്കാൻ ശ്രമിച്ചെങ്കിലും ഒരു ചെറിയ കഷ്ണം എന്റെ പല്ലിൽ കിട്ടി.. ഞാൻ അത് അവളുടെ ചുണ്ടിൽ നിന്നും പരുന്ത് റാഞ്ചുന്നത്പോലെ റാഞ്ചി എടുത്തു…