ഒന്നും ഉരിയാടാതെ 31 [നൗഫു] 4969

“ജാബിർ….”

നാജി ബൈക്കിന്റെ മുന്നിലെ വെളിച്ചത്തിൽ കണ്ട ആളുടെ പേര് പറഞ്ഞപ്പോളാണ്, ഞാനും ആളെ ശ്രെദ്ധിക്കുന്നത്…

ജാബിർ തന്നെ.. മറ്റു രണ്ടു പേർക് പുറമെ കാറിൽ നിന്നും ഇറങ്ങിയതാണ്‌… നാജിയുടെ കൂട്ടുകാരൻ.. ഒന്നോ രണ്ടോ പ്രാവശ്യം മാത്രമേ ഞാൻ അവനെ കണ്ടിട്ടുള്ളുവെങ്കിലും പെട്ടന്ന് തന്നെ എന്റെ ഉള്ളിൽ ആളെ കത്തി…

അവൻ ഞങ്ങളുടെ ബൈക്കിന്റെ മുന്നിലേക്ക് കയറി നിന്നു കൈ കാണിച്ചു നിർത്തി… നേരെ എതിർവശത്തായി അവന്റെ മറ്റ് രണ്ടു കൂട്ടുകാരും …..

കാറിൽ ബാക്കിൽ ഇരിക്കുന്നവർ ഇറങ്ങിയിട്ടില്ല.. ഫുള്ള് മൂഡിൽ ആണെന്ന് തോന്നുന്നു… മറ്റവനെ… ഒരു വൃത്തി കെട്ട സ്മെൽ വരുന്നുണ്ട്…

“അല്ല.. ഫുള്ള് കറക്കം ആണല്ലോ.. യുവ മിഥുനങ്ങൾ..” 

ജാബിർ ഞങ്ങളെ നോക്കി പറഞ്ഞു..

നാജിയുടെ ടെൻഷൻ പോയെന്നു തോന്നുന്നു.. അവൾ ബൈകിൽ കുറച്ചു വിട്ടു ഇരുന്നു കൊണ്ട് അവനോട് ചിരിച്ചു…

“സുഖമല്ലേ നാജി…”

ഹ്മ്മ്.. അവൾ ഒരു മൂളലോടെ പറഞ്ഞു..

“അല്ല നീ എന്നെയും മറന്നോ..!  എന്റെ വിവാഹം മുടങ്ങിയപ്പോൾ ഒന്ന് വിളിക്കുമെന്ന് കരുതി.. പക്ഷെ എന്തോ അത് ഉണ്ടായില്ല… അത് എങ്ങനെ അല്ലെ.. കെട്ടിയോൻ മുടക്കിയ കല്യാണത്തിന് അനുശോചനം അറിയിക്കാൻ ഭാര്യ വരിക..”