ആ രാത്രിയിൽ 1 [പ്രൊഫസർ ബ്രോ] 200

ഒരു നിമിഷം ദേവൻ സ്തംഭിച്ചു പോയി, കുറച്ചു മാറി ഒരു വീടിന്റെ മതിലിനു മുകളിൽ ഒരു കറുത്ത രൂപം നിൽക്കുന്നു. അത് ചുറ്റിനും നോക്കുന്നത് കണ്ട ദേവന്റെ കൈ ലൈറ്ററിൽ നിന്നും ഉയർന്നുആരും തന്നെ കാണുന്നില്ല എന്നുറപ്പായ രൂപം ആ വീടിന്റെ മതിൽക്കെട്ടിനുള്ളിലേക്ക് എടുത്തു ചാടി,

സർവിസിൽ കയറിയിട്ട് രണ്ട് വർഷങ്ങൾ ആയിരുന്നു എങ്കിലും ആദ്യമായി ആയിരുന്നു ദേവന് അങ്ങനെ ഒരനുഭവം, ആ ദൃശ്യം കണ്ട ഒരു നിമിഷം അവൻ ഒരു സാധാരണ മനുഷ്യനായി ചിന്തിച്ചു സ്തംഭിച്ചു നിന്ന് പോയി , താൻ ഒരു പോലിസ് ആണെന്നുള്ള ചിന്ത മനസ്സിൽ വന്ന നിമിഷം തന്റെ മനസ്സിൽ ഉണ്ടായ ഭയങ്ങളെ തുടച്ചു നീക്കിക്കൊണ്ട് അവൻ ആ വീടിന്റ അരികിലേക്കോടി

ദൂരെനിന്ന് കാണുന്നതിനേക്കാൾ എത്രയോ വലുതും ആഡംബരപൂര്ണവുമാണ് ആ വീട് എന്നത് അതിനടുത്തെത്തിയപ്പോൾ ആണ് ദേവന് മനസ്സിലായത്, രണ്ടാൾ പൊക്കമുള്ള ആ മതിലിനു മുകളിൽ ആ ആൾ എങ്ങനെ കയറി എന്നത് അവന് അപ്പോഴും ഒരു അദ്ഭുതമായിരുന്നു ,

രൂപത്തിലും വലിപ്പത്തിലും ഭംഗിയിലും കണ്ണഞ്ചിപ്പിക്കുന്ന ഇരുമ്പ് ഗേറ്റ്, മികച്ച സെക്യൂരിറ്റി സിസ്റ്റംസ് എന്നവകാശപ്പെടുന്ന കമ്പനി നിർമിച്ച അലാം സംവിധാനം ഉപയോഗിച്ചിരിക്കുന്ന ആ ഗേറ്റിന് സമീപം ഒരു സെക്യൂരിറ്റി ഉദ്യോഗസ്ഥൻ പോലും ഉണ്ടായിരുന്നില്ല

ആ ഗേറ്റിന്റെ പില്ലറിൽ കണ്ട കാളിങ് ബെല്ലിൽ അവൻ വിരൽ അമർത്താൻ തുടങ്ങി, എന്നാൽ അങ്ങനെ ചെയ്‌താൽ അയാൾ രക്ഷപെട്ടേക്കാം എന്ന തോന്നൽ ഉണ്ടായ നിമിഷം അവൻ ആ ശ്രമം ഉപേക്ഷിച്ചു ,

ഗേറ്റിൽ ഒരളവിൽ കൂടുതൽ മർദം അനുഭവപ്പെട്ടാൽ അലാം ശബ്ദിക്കും എന്നതിനാൽ ദേവന് ആ വീടിന്റെ ഉള്ളിലേക്ക് കടക്കാൻ ഒരു വഴി മാത്രമേ ഉണ്ടായിരുന്നുള്ളു, ആ കറുത്ത രൂപം കടന്ന വഴി

എന്നാൽ സഹായത്തിനു ആരുമില്ലാതെ സാമാന്യത്തിൽ കൂടുതൽ ഉയരമുള്ള ആ മതിൽ ചാടിക്കടക്കുക എന്നത് അവന് ഒരു കടമ്പ തന്നെയായിരുന്നു, ഫോൺ വണ്ടിയിൽ വച്ച് പുറത്തിറങ്ങാൻ തോന്നിയ സമയത്തെ പഴിച്ചുകൊണ്ട് ദേവൻ ആ മതിൽ കടക്കുവാൻ പുതിയ വഴികൾ തേടാൻ തുടങ്ങി