ആ രാത്രിയിൽ 1 [പ്രൊഫസർ ബ്രോ] 201

ചിരപരിചിതമായ ആ സ്ത്രീശബ്ദത്തിന് ഉടമയെ കണ്ടെത്താൻ ദേവന് ആ മുഖം കാണേണ്ടിയിരുന്നില്ല”എന്തിനാ രാജേട്ടാ വെറുതെ ചേച്ചിയെക്കൂടെ ബുദ്ധിമുട്ടിച്ചത്…”

“ചെറിയ വായിൽ വലിയ വർത്തമാനം പറഞ്ഞാൽ എസ്‌ഐ ആണെന്നൊന്നും നോക്കൂല്ല, ചന്തിക്ക് നല്ല പെട വച്ചുതരും ഞാൻ…”

രാജന്റെ ഭാര്യ ആശ എപ്പോഴും ഒരു ചേച്ചിയുടെ അധികാരത്തോട് കൂടി മാത്രമേ ദേവനോട് സംസാരിക്കാറുള്ളു, ആരും ഇല്ലാത്ത ദേവന് അതൊരു സന്തോഷവും ആയിരുന്നു

“കാര്യം അറിഞ്ഞപ്പോൾ ഇന്നലെ രാത്രി തന്നെ വരണം എന്നും പറഞ്ഞ് ബഹളം ഉണ്ടാക്കിയതാ… പിന്നെ ഞാൻ ഒരുപാട് പറഞ്ഞിട്ടാ ഇത്രയും സമയം എങ്കിലും ക്ഷമിച്ചത്…”

രാജന്റെ വിശദീകരണം അവന്റെ ഉള്ളിൽ ഒരു കുളിര്കാറ്റ് വീശിയ അനുഭൂതി സമ്മാനിച്ചു. ആരോരും ഇല്ലാത്ത ദേവന് ആകെയുള്ള സ്വന്തം ആണ് രാജനും ഭാര്യ ആശയും അവരുടെ ഒരേ ഒരു മകൻ ഗൗതമും

“ഗൗതം എവിടെ ചേച്ചീ…”

“ഇന്നലെ രാത്രി കളിയൊക്കെ കണ്ടിട്ട് പാതിരാത്രിക്കെപ്പോഴോ ആണ് ഉറങ്ങിയത്… ഇനിയിപ്പോ മൂട്ടിൽ വെയിൽ അടിച്ചാലെ എഴുന്നേൽക്കാൻ സാധ്യതയുള്ളൂ…”

“ആ… ഇപ്പൊ എന്തായാലും അവധി അല്ലെ…”

“നീയാ അവനെ ഇങ്ങനെ ചീത്തയാക്കുന്നത്… അതെങ്ങനെയാ അവധി ദിവസങ്ങളിൽ നീയും എഴുന്നേൽക്കുന്നത് ഏത് സമയത്താ…”

“എന്റെ ആശേ… നീ ഇപ്പൊ എന്തിനാ ഇങ്ങോട്ട് വന്നത്…കഴിക്കാൻ വല്ലതും കൊണ്ട് വന്നിട്ടുണ്ടെങ്കിൽ അത് സർന് കൊടുക്കാൻ നോക്ക്…”

“അയ്യോ… ഞാൻ അത് മറന്നു… നീ എഴുന്നേറ്റെ കഴിക്കാം”

“അതിന് ഞാൻ പല്ലൊന്നും തേച്ചില്ല…”

“ഇന്നൊരു ദിവസം പല്ല് തേച്ചില്ലെന്നോർത് ചത്തൊന്നും പോകില്ല… വെറുതെ തല അനക്കണ്ട…”

കട്ടിലിനരികിൽ ഇരുന്ന ടേബിളിൽ താൻ കൊണ്ട് വന്ന കവർ വച്ചിട്ട് ആശ ബാത്റൂമിലേക്ക് നടന്നു. തിരിച്ചു വന്ന അവരുടെ കയ്യിൽ ബക്കറ്റും ഒരു കപ്പിൽ വെള്ളവും ഉണ്ടായിരുന്നു