ആ രാത്രിയിൽ 1 [പ്രൊഫസർ ബ്രോ] 201

“സർ കുട”ഡ്രൈവിംഗ് സീറ്റിൽ നിന്നും ഇറങ്ങിയ കോൺസ്റ്റബിൾ രാജൻ അവന്റെ അരികിലേക്ക് നിവർത്തിപിടിച്ച കുടയുമായി വന്നു

“വേണ്ട രാജേട്ടാ… ചെറിയ ചാറ്റൽ അല്ലെ ഉള്ളു… ഞാൻ ഒന്ന് നനയട്ടെ…”

ദേവനെ നോക്കി ഒന്ന് പുഞ്ചിരിച്ച ശേഷം രാജൻ കുട മടക്കി വണ്ടിയിൽ തന്നെ വച്ചു

“രാജേട്ടന് ചൂടാമായിരുന്നില്ലേ…”

“എന്തായാലും സർ നനയുകയല്ലേ… ഞാനും നനയാം”

“എന്റെ പ്രായമല്ലാട്ടോ രാജേട്ടന്…”

“Age is just a number sir”

രാജന്റെ മറുപടി കേട്ടപ്പോൾ പിന്നെ ദേവന് ഒന്നും പറയാൻ ഇല്ലായിരുന്നു

ശക്തമായി പെയ്ത മഴയിൽ കറണ്ട് പോയതിനാൽ വഴി വിളക്കുകൾ പോലും കണ്ണടച്ചിരുന്നു , കാറ്റിൽ ആടിയുലയുന്ന മെഴുകുതിരി വെളിച്ചത്തിൽ വെളുത്ത ബനിയനും ജോലി ചെയ്യുന്നതിനനുസരിച്ചു ചലിക്കുന്ന രണ്ട് കൈകളും മാത്രം കാണാം,

“ചേട്ടാ രണ്ട് കട്ടൻ ”

പുറത്ത് നിന്നും ദേവൻ ചോദിക്കുന്നത് കേട്ട കടക്കാരൻ തലകുനിച്ചു പുറത്തേക്ക് നോക്കി, കാക്കി വസ്ത്രധാരികൾ ആയ രണ്ട് പേരെ കണ്ടപ്പോൾ അയാൾ തലയിൽ ചുറ്റിക്കെട്ടിയിരുന്ന തോർത്ത്‌ അഴിച്ചു കയ്യിൽ പിടിച്ചു

അയാൾ ഗ്ലാസിൽ കാപ്പിപ്പൊടി ഇട്ട് അതിലേക്ക് ചൂടുവെള്ളം പകർത്തുന്ന സമയത്ത് ദേവൻ ചില്ലലമാരയിൽ നിരത്തിയിരുന്ന പരിപ്പുവടയിൽ രണ്ടെണ്ണം എടുത്തു .

“ദാ രാജേട്ടാ…”

ദേവൻ ഒരെണ്ണം രാജന്റെ നേരെ നീട്ടി

ചൂട് പറക്കുന്ന കട്ടൻ കാപ്പിയുമായി കടക്കാരൻ അവർക്കരികിലേക്ക് വന്നു