ആ രാത്രിയിൽ 1 [പ്രൊഫസർ ബ്രോ] 200

“അത്… അത്… സത്യൻ സർ ന്റെ ഓഫീസിൽ തന്നെ കുടിവെള്ള പ്രശ്നത്തിന്റെ അപേക്ഷകൾ ഇരിക്കുന്ന ഫയലിൽ ഉണ്ട്…””ഹ…ഹ… ഹ… അതൊരു ബുദ്ധിപരമായ നീക്കമായിരുന്നു , സർ എവിടെയൊക്കെ തപ്പി… സ്വന്തം സ്ഥലത്ത് തപ്പാൻ തോന്നിക്കാണില്ല… എന്തായാലും ഞാൻ സാറിനെ ഒന്ന് വിളിച്ചു പറയട്ടെ… ചേച്ചി പറഞ്ഞത് സത്യമാണോ എന്നറിഞ്ഞിട്ട് നമുക്ക് വിനായകനെ തിരിച്ചു വിളിക്കാം… പോരെ”

ശേഖരൻ വീണ്ടും തന്റെ ഫോൺ എടുത്ത് നമ്പർ ഡയൽ ചെയ്തു

“ആ.. സാറേ… അവർ പറയുന്നത് സാറിന്റെ ഓഫീസിൽ കുടിവെള്ളപ്രശ്നത്തിന്റെ അപേക്ഷകൾ ഇരിക്കുന്ന കൂടെ ഉണ്ടെന്നാണ്… സാർ ഒന്ന് നോക്കിയിട്ട് വിളിക്ക്… സമയം ഒരുപാടായില്ലേ ഞങ്ങൾക്കും ഉറക്കം വരുന്നുണ്ട്…”

ശേഖരൻ കാൾ കട്ട്‌ ചെയ്ത് മറുപടിക്കായി കാത്തിരിക്കാൻ തുടങ്ങി,

“ചേച്ചിയും ചേട്ടനും നിന്ന് മടുത്തു എങ്കിൽ വേണമെങ്കിൽ കാറിൽ കയറി ഇരുന്നോ… സത്യൻ സാർ വിളിച്ചുകഴിഞ്ഞാൽ ഞങ്ങൾ പറയാം…”

ശേഖരൻ പറഞ്ഞ് നിർത്തിയതും അവരുടെ തലയിലേക്ക് നീണ്ടുനിന്നിരുന്ന തോക്കുകൾ പതിയെ താണു. എന്നാലും അവർ നിന്ന ഇടത്തു നിന്നും അനങ്ങിയില്ല

കുറച്ചു സമയത്തെ കാത്തിരിപ്പിന് ശേഷം ശേഖരന്റെ ഫോൺ വീണ്ടും ശബ്ദിച്ചു

“ആ സാറേ… എന്തായി… സാദനം കിട്ടിയോ…

…..,.,,.,.,….,.,.,.,.,.,.,..,.,,,

ആണോ… എന്നാൽ ഇവരെ വിട്ടേക്കട്ടെ…

,.,..,.,..,.,.,.,.,.,.,.,.,.,,,

“ആ ശരി സാർ…”

ശേഖരൻ കാൾ കട്ട്‌ ചെയ്ത് വീണ്ടും അടുത്ത നമ്പർ ഡയൽ ചെയ്തു