ആ രാത്രിയിൽ 1

AA RAATHRIYIL PART-1 | Author : Professor Bro  

സുഹൃത്തുക്കളെ കുറച്ചു നാളുകൾക്കു ശേഷം ഞാൻ വീണ്ടും എത്തിയിരിക്കുകയാണ്, ഈ പ്രാവശ്യം ഇതുവരെ ഞാൻ എഴുതിയ കഥകളിൽ നിന്നും മാറി ഒരു ക്രൈം ത്രില്ലെർ ആണ് ഞാൻ എഴുതുന്നത്…

ഇതുവരെ നിങ്ങൾ എനിക്ക് തന്ന പിന്തുണ ഇപ്പോഴും ഉണ്ടാകും എന്ന പ്രതീക്ഷയിൽ ഞാൻ തുടങ്ങുന്നു, നിങ്ങളുടെ വിമർശനങ്ങൾ എല്ലാം ഒരു വാക്കിൽ എങ്കിലും എന്നെ അറിയിക്കും എന്ന് പ്രതീക്ഷിക്കുന്നു

സ്നേഹത്തോടെ പ്രൊഫസർ ബ്രോ♥️

ആ രാത്രിയിൽ 1

♦️♦️♦️♦️♦️

“മക്കളെ… അവരെ ഒന്ന് തപ്പിക്കെ… ആ കാറിലും ഒന്ന് തപ്പിക്കോ നമുക്ക് ആവസ്യമുള്ള ഒരു സാധനം അവരുടെ കയ്യിലുണ്ട്”

കൂട്ടത്തിൽ പ്രധാനി എന്ന് തോന്നിക്കുന്ന ഒരാൾ അത് പറഞ്ഞതും അയാളുടെ അരികിൽ നിന്ന ഒരു യുവാവ് അവർക്കരികിലേക്ക് നടന്നു

തോക്കിന്റെ മുനയിൽ നിൽക്കുമ്പോഴും ആ ഭാര്യയുടെയും ഭർത്താവിന്റെയും കണ്ണുകളിൽ യാതൊരു ഭയവും കാണാത്തത് അവർക്കൊരു അത്ഭുതം ആയിരുന്നു

“ഹാ… അടങ്ങി നിൽക്ക് ചേച്ചീ… നിങ്ങളെ ഞാൻ ഒന്നും ചെയ്യില്ല… ഞങ്ങൾക്ക് വേണ്ടത് ആ രേഖകൾ മാത്രമാണ്… അല്ലെങ്കിൽ ഒരു കാര്യം ചെയ്യ് ചേച്ചി തന്നെ അതിങ്ങെടുത്തു തന്നേക്ക് അപ്പൊ പിന്നെ ഞാൻ ശരീരത്തിൽ തൊട്ടു എന്ന പരാതിയും വേണ്ടല്ലോ…”

“ഞങ്ങളുടെ കയ്യിൽ ഒന്നും ഇല്ലെന്ന് പറഞ്ഞില്ലേ…”