അപരാജിതൻ 29 [Harshan] 9701

“ചുടലേ ,, ഇപ്പോൾ ഇതൊക്കെ  കേൾക്കാൻ നല്ല രസമുണ്ട് ,, എനിക്കറിയാം ഞാൻ അവനെക്കാളും സ്‌പെഷ്യൽ ആണെന്ന് ,, അതല്ലേ ,, നാഗമണി പോലും എന്‍റെ കയ്യിലിരിക്കുന്നത് ,, അങ്ങനെയൊക്കെ നോക്കുമ്പോഴും ,, ഞാനെന്‍റെ അമ്മയോടൊപ്പം സ്നേഹിച്ചവളുടെ മനസവനു വേണ്ടി ആഗ്രഹിച്ചിട്ടുണ്ടെങ്കിൽ ,, ഞാൻ എന്തൊക്കെയാണെന്ന് പറഞ്ഞിട്ടെന്താ കാര്യം ???

“ശങ്കരാ ,,,,,,അവൻ ക്ഷത്രിയനെങ്കിൽ നീ ബ്രാഹ്മണ൯ താനേ ,,,,”

” നീയൊന്നു നിർത്തുന്നുണ്ടോ ,, ബ്രാഹ്മണന്‍ ക്ഷത്രിയന്‍ വൈശ്യന്‍ ശൂദ്രന്‍ ” ആദി ദേഷ്യപ്പെട്ടു

“എന്‍റെ അച്ഛൻ ആ കുലത്തിൽ ജനിച്ചു പോയി എന്നത് കൊണ്ട് ഞാനൊരു ബ്രാഹ്മണനായി സ്വയം കരുതുന്നില്ല ,,മനുഷ്യനെ വർണ്ണങ്ങളുടെ പേരിൽ വേർതിരിക്കാൻ മനുഷ്യനാരാ ,, എനിക്കൊരു വർണ്ണമേയുള്ളൂ ,, ഇത്രകാലവും വർണ്ണമേത് കുലമേത്  എന്നറിയാതെ ജീവിച്ച രണ്ടു സാധു ദമ്പതികളുടെ മകന്‍റെ വർണ്ണം , ശൈവം , അത് തന്നെയാണ് എന്‍റെ വർണ്ണവും ധർമ്മവും ,, ശൈവനായ തീണ്ടാപ്പാട് അകലെ നിര്‍ത്തേണ്ട ചണ്ഡാലനാണ്  ഞാൻ ,, എനിക്കതു മാത്രം മതി ”

ചുടല ആദരവോടെ ആദിയെ നോക്കി

“ശങ്കരാ ,,,,,,, പണ്ട് മനുഷ്യൻ , കർമ്മങ്ങളുടെ അടിസ്ഥാനത്തിൽ നാല് വർണ്ണങ്ങളെയുണ്ടാക്കി അതിൽപെടാത്തവനെ ചണ്ഡാലനുമാക്കി ,, അവനെ അടിമയുമാക്കി തരം താഴ്ത്തി ,,

ആരാ ചണ്ഡാല൯ ????

അവർണ്ണൻ അതായതു വർണങ്ങളിൽപെടാത്തവൻ ,, വർണ്ണങ്ങൾക്ക് അതീതനായവൻ ,, വർണ്ണങ്ങളിൽ പെടാത്തവനും വർണങ്ങൾക്ക് അതീതനായവനും ആരാ ശങ്കരാ ?????

ഈശ്വരൻ തന്നെ ,, അതറിയാതെ  വിഡ്ഢികൾ,,  ഈശ്വരനെയാണ് തീണ്ടാപ്പാട് അകലെ നിർത്തിയത് ,,

സാക്ഷാല്‍ ദേവാദിദേവനായ മഹാദേവന്‍  ചണ്ഡാലസ്വരുപത്തിൽ സകലലഹരിയോടെയും ചുടലക്കളത്തിൽ വസിച്ചുകൊണ്ട് താൻ വർണങ്ങൾക്കു അതീതനായ അവർണ്ണൻ ആണെന്ന് കാണിച്ചു കൊടുത്തിട്ടു പോലും ഈ മൂഢൻമാർക്ക് അതിനെ മനസ്സിലാക്കാൻ സാധിച്ചിട്ടില്ല ,,അവർണ്ണ൯ ചണ്ഡാലനാണ് . അവൻ രുദ്രനാണ്‌ ,, ശങ്കരനാണ് ,, ”

ആദി എല്ലാം കേട്ട് കൊണ്ടിരുന്നു.

ചുടല തനിക്ക് പങ്കുവെക്കുന്ന അറിവിനെ അവന്‍റെ മനസ് ആദരവോടെ സ്വീകരിച്ചു കൊണ്ടിരുന്നു.

“അതൊക്കെ പോട്ടെ ശങ്കരാ, നിനക്കെത്ര നാരികളോട് വികാരം തോന്നിയിട്ടുണ്ട് “

“നീ പറയുന്നത് ” ആദി ഒന്ന് നിർത്തി.

“ആ അത് തന്നെ ”

“കോളേജിൽ പഠിക്കുന്ന സമയത്തൊക്കെ എന്തോ അങ്ങനെ അവിടെയുള്ള ആരോടും ആ ഒരു തോന്നൽ ഉണ്ടായിട്ടില്ല , പക്ഷെ പാലിയത്ത് നിന്ന സമയത്ത് അവളോട് തോന്നിയിട്ടുണ്ട് , അതവളെ കണ്ട നാൾ മുതലേ അങ്ങനെ,,ഒരു ഭ്രാന്ത് പോലെയായിരുന്നു, പക്ഷെ അതങ്ങു പെരുകി വരുമ്പോ തന്നെ ഇല്ലാതെയാകും , എന്നാലൂം അവൾ , അവളുടെ ദേഹത്തോട് അവളുടെ വാസനയോട് അതൊരു വല്ലാത്ത ഭ്രാന്ത് തന്നെയായിരുന്നു, ഇഷ്ടമാണോ കാമമാണോ ആർക്കറിയാം, എന്നാലൂം അന്നവൾ എനിക്കെന്റെ ജീവനായിരുന്നു”

“ആ കന്യക നിന്നെ ഇപ്പോൾ മോഹിക്കുന്നുണ്ടെങ്കിലോ ശങ്കരാ ”