അപരാജിതൻ 29 [Harshan] 9708

ഡൽഹിയിൽ

ഇന്റലിജൻസ് ബ്യുറോ ഹെഡ് ക്വാർട്ടേഴ്‌സ് , ചാണക്യപുരി

ശിവറാം ,തന്‍റെ കാബിനിൽ  കമ്പ്യൂട്ടറിൽ ചില  ആർട്ടിക്കിളുകൾ വായിച്ചു കൊണ്ടിരിക്കുകയായിരുന്നു.

അപ്പോളാണ് കനിഷ്ക ഡോറിൽ മുട്ടി ഉള്ളിലേക്ക് പ്രവേശിക്കുവാനായി അനുവാദം ചോദിച്ചത്

ഒരു പുഞ്ചിരിയോടെ അവരോടു ഉള്ളിലേക്ക്  വരുവാനായി പറഞ്ഞു.

കനിഷ്ക ശിവരാമന് അഭിവാദനം അർപ്പിച്ചു.

എന്നിട്ടു ചെയറിൽ ഇരുന്നു.

ശിവറാം വിശേഷങ്ങൾ തിരക്കി.

“സർ ,,,ഐ ഗോട്ട് ഓൾ ദി  ഓട്ടോപ്സി റിപ്പോർറ്റ്‌സ് ”

“ഓ ,,,ദാറ്റ്സ്  ഗ്രെറ്റ് ”

കനിഷ്ക കയ്യിലിരുന്ന കോൺഫിഡൻഷ്യൽ എന്നെഴുതിയ ബ്രൗൺ പാക്കറ്റ് ശിവറാംന് കൈമാറി.

അദ്ദേഹം ഏറെ താല്പര്യത്തോടെ തന്നെ കവർ പൊട്ടിച്ചു.

മൂന്നു രാജ്യങ്ങളിലും നടന്ന മൃതദേഹ പരിശോധനയുടെ റിപ്പോർട്ടുകളും അതിലുണ്ടായിരുന്നു.

ശിവറാം , അറ്റൻഡറേ വിളിച്ചു അവർക്കിരുവർക്കും കുടിക്കുവാനായി കോഫി ആവശ്യപ്പെട്ടു.

എന്നിട്ടു ശിവറാം ഓരോ ഓട്ടോപ്സി റിപ്പോർട്ടുകളും വിശദമായി വായിക്കുവാനാരംഭിച്ചു.

അതിന് മുന്നേ

“കനിഷ്ക ,,നിങ്ങളിത് വായിച്ചിരുന്നുവോ ?”

“യെസ് സർ  ”

“ഓകെ ,, പ്ലീസ് ഗിവ് മി സം ടൈ൦ റ്റു റീഡ് ദിസ് ,,, ” ശിവറാം ആ ഓട്ടോപ്സി റിപ്പോർട്ടുകൾ വായിക്കുവാൻ അല്പം സമയം ചോദിച്ചു.

കനിഷ്ക “ഓ യെസ് സ൪ ” എന്നു പറഞ്ഞു കൊണ്ട് എഴുന്നേറ്റു.

“നോ നീഡ് ടു ലീവ്  ,,,യു ക്യാൻ സിറ്റ് ഹിയർ ,, ” എന്ന് പറഞ്ഞു കൊണ്ട് കനിഷ്‌കയേ അവിടെ ഇരിക്കാൻ അനുവദിച്ചു.

ഒരു മണിക്കൂറോളം എടുത്ത് അദ്ദേഹം മൂന്നു ഓട്ടോപ്സി റിപ്പോർട്ടുകളും രണ്ടു വട്ടം മനസിരുത്തി വായിച്ചു ,

തന്‍റെ നോട്ട് പാഡിൽ പോയിന്റുകൾ കുറിച്ച് വെച്ചു.

വായന കഴിഞ്ഞു അദ്ദേഹം അല്പം നേരം ചെയറിൽ ചാരി കണ്ണുകൾ അടച്ചിരുന്നു.

വായിച്ചതും മനസ്സിൽ തോന്നിയതും റീകളക്ട് ചെയ്തു കൊണ്ടിരുന്നു.

എന്നിട്ടു കണ്ണുകൾ തുറന്നു സംഭാഷണം ആരംഭിച്ചു.

” ത്രീ മർഡർസ്,,, അതിൽ നിങ്ങളുടെ  സുപ്രീം പാട്രിയര്‍ക്ക് (ധർമ്മരാജ) യേഷേ വാങ്ചുക് കൊല്ലപ്പെട്ടത് ലിഗേചർ സ്ട്രാങ്കുലെഷൻ കാരണമാണ്  (കഴുത്തിൽ  മുറുക്കി ), കമ്പോഡിയൻ ധർമ്മരാജ കൊല്ലപ്പെട്ടത് ത്രോട്ട് സ്ലിറ്റിങ് (ഗളഛേദം ) കാരണം , തയ്ലൻഡ് ധർമ്മരാജ പോയിസണിംഗ് കാരണവും ,, ഇവിടെ മരണം നടന്നു എന്നും എങ്ങനെ മരണം സംഭവിച്ചു എന്നും വ്യക്തമാണ് ,, പക്ഷെ  “ആര് ” എന്നത് ഒരു ക്വസ്റ്റിൻ മാർക്ക് ആണ് ,,, ”

“അതെ സർ ,,, ”

“കനിഷ്ക ,,, ഈ മൂന്നു കൊലപാതകങ്ങളും ആസൂത്രണം ചെയ്തത് ഒരേ ടീ൦ തന്നെയാകണം ,, അത്രക്കും പ്ലാൻഡ് ആയി തന്നെയാണ് ഇത് ഓപ്പറേറ്റ് ചെയ്തിരിക്കുന്നതും ,,കാരണം കൊലയാളികൾ വന്നതോ കൊല നടന്നതോ ഒന്നും ആരും അറിഞ്ഞിട്ടില്ല ,, അത്രക്കും സീക്രട്ട് ആയ ഓപ്പറേഷൻ ,, ഇത് ന്യുസുകളിൽ നിന്നും അറിഞ്ഞകാര്യമാണ് ”