അപരാജിതൻ 29 [Harshan] 9709

അദ്ദേഹം പുഞ്ചിരിച്ചു കൊണ്ട് തലയാട്ടി

“ഓക്കേ ,,ഓക്കേ ,,അത് അറിയില്ലായിരുന്നലോ ,,,ഫൈൻ ,, അപ്പൊ ഞങ്ങൾക്ക് നിന്നെ കിട്ടാൻ ഭാഗ്യമില്ല ,, ഒകെ ,,ലീവ് ഇറ്റ് ”

പ്രജക്ത അവന്‍റെ വയറ്റിൽ ഒരു ഇടി കൊടുത്തിട്ടു പുറത്തേക്ക് പോയി

നാല് മണി ആയി

പോകാനൊരുങ്ങി നിന്ന അവനെ ഗോവിന്ദ റെഡ്ഢി മുത്തശ്ശ൯ അവനെ കെട്ടിപിടിച്ചു

സമയം കിട്ടുമ്പോൾ വരണം എന്ന് ആവശ്യപ്പെട്ടു

അവന്‍റെ ജീപ്പിൽ നിറയെ പലഹാരങ്ങളും വസ്ത്രങ്ങളും നിറച്ചു

കൂടാതെ ഭാർഗ്ഗവ ഇല്ലത്തേക്കുള്ള സമ്മാനങ്ങളും.

ആദി സിവെല്ലൂരി മാളികയിലെ ജഗന്നാഥ മണ്ഡപത്തിൽ ചെന്ന് കൈകൾ കൂപ്പി പ്രാർത്ഥിച്ചു.

“ഞാൻ പോകാ,,എന്നാലും തിരികെ വരും , സിവെല്ലൂരി കുടുംബം ഇപ്പോ എന്റേതു കൂടെയാണ് , മാത്രവുമല്ല എന്‍റെ പരമ്പരഭൂമിയും ഇവിടെയാണ്.എനിക്ക് മനസിലായി വൈശാലിയിൽ ജഗന്നാഥകോവിലിനു മുന്നിലൂടെ പോയപ്പോൾ ദർശനം നടത്താൻ എന്നിൽ മോഹമുണ്ടാക്കിയതും അത് കഴിഞ്ഞു നന്ദുമാമൻ എന്നെ വിളിച്ചതുമൊക്കെ വാധ്യാരുടെ തീരുമാനമാണെന്ന്. അത് ജഗന്നാഥനും നിരുപമയ്ക്കും മാത്രമല്ല , ജഗന്നാഥന്‍റെ കൈവശമിരിക്കുന്ന എന്‍റെ നയനാർ പരമ്പര ഭൂമി എനിക്ക് നേടി തരുവാൻ കൂടിയുള്ള തീരുമാനം. എന്നും കടപ്പെട്ടിരിക്കും ഞാൻ ”

ആദി സാഷ്ടാംഗം പ്രണമിച്ചു, തിരികെ മാളികയിലേക്ക് വന്നു

ആദി എല്ലാരോടും യാത്ര ചോദിച്ചു കൊണ്ട് അവിടെ നിന്നും പുറപ്പെട്ടു.

പോകും വഴി ആദ്യം അഖാഡയിൽ ചെന്നു.

അവിടെയാണ് തന്‍റെ വംശത്തിന്‍റെ മുതുമുതുമുതുമുത്തശനായ അറിവഴക൯ മല്ലയുദ്ധം അഭ്യസിച്ചതും മാമല്ല പട്ടം നേടിയതും എല്ലാം.അവിടെ അദ്ദേഹം സ്ഥാപിച്ച  വജ്രാ൦ഗ ബലി പ്രതിമയെ  വണങ്ങി അവിടെ നിന്നും നേരെ നയ്യാർപ്പള്ളിയിലേക്ക് പുറപ്പെട്ടു.

നയ്യാര്‍പള്ളിയിലെത്തിയ അവന്‍ ജീപ്പ് നിര്‍ത്തി ബാഗു൦ കയ്യിലെടുത്ത് നടന്നു.തന്‍റെ പരമ്പരഭൂമിയിലേക്ക്.

സർപ്പഗന്ധിയും കൂവളവും കാടു പിടിച്ച, പാമ്പുകൾ വസിക്കുന്ന ഭൂമി.

ഒരു തരത്തിലും ഭയം തോന്നിയില്ല കാരണം ഈ ഭൂമി തനിക്കായി കാത്തിരുന്നതാണ്.

അതിന്‍റെ അവകാശിക്കു വേണ്ടി.

അവൻ ആ മണ്ണിൽ കമഴ്ന്നു കിടന്നു,മണ്ണിന്‍റെ ഗന്ധമാസ്വദിച്ചു.ആ മൂന്നേക്കര്‍  ഭൂമിയിൽ അവൻ ചുറ്റിനടന്നു.നിരവധി സർപ്പങ്ങളെയും കണ്ടു എല്ലാവരും അവനെ കാത്തിരിക്കുന്ന പോലെ

പെട്ടെന്നാണ് നടക്കും വഴി ഒരു വലിയ കുഴിയിലേക്ക് അവൻ കാൽ ഇടറി വീണു പോയത്.

ഒരു പതിനഞ്ച് മീറ്ററോളം താഴ്ചയുണ്ടായിരുന്നു.

ശക്തിയിൽ മണ്ണിലിടിച്ചു വീണു

ഇരുട്ടായതിനാൽ അവൻ മൊബൈലിലെ ടോർച്ചടിച്ചു.

കരിങ്കല്ല് ഭിത്തി കാണാൻ സാധിച്ചു

പണ്ടുണ്ടായിരുന്ന ഭവനത്തിന്‍റെ അവശിഷ്ടങ്ങൾ .

ആ കുഴിയിൽ നിറയെ പാമ്പുകളായിരുന്നു.