അപരാജിതന്‍ 34 [Harshan] 8088

അന്ന് ഭുവനേശ്വരി ദേവിയും കുടുംബാ൦ഗങ്ങളും  വീണ്ടും മാപ്പു ചോദിച്ചു കൊണ്ട് രാജശേഖരനെയും കുടുംബത്തെയും തിരികെ  ദേവ൪മഠത്തിലേക്ക് കൊണ്ട് വന്നു.

അവർ പാർവ്വതിക്ക് ഇഷ്ടമുള്ളതെന്തും ചെയ്തു കൊള്ളാനും ഇഷ്ടമുള്ളയിടത്ത് പോയിക്കോളാനും അനുവാദവും  കൊടുത്തു.

തന്‍റെ  മുറിയിൽ തിരിച്ചെത്തിയ പാർവതി കണ്ണൻ തന്നെ ആദിലക്ഷ്മിയായി തിരഞ്ഞെടുക്കാൻ ഉപയോഗിച്ച തുളസിദളവും പാരിജാതവും താമരപൂവും അവൾ ഒരു കവറിലാക്കി കണ്ണന്‍റെ വിഗ്രഹത്തിനു സമീപം സൂക്ഷിച്ചു

തന്‍റെ  പ്രിയപ്പെട്ട കണ്ണന്‍റെ  വിഗ്രഹത്തെ കെട്ടിപ്പിടിച്ചു കൊണ്ടൊരുപാട് മുത്തം കൊടുത്തു.

തന്നെ ആദ്യമൊന്നു ഭയപ്പെടുത്തിയതിന് , അതിനു ശേഷം ഒരിക്കലും വിസ്മരിക്കാനാകാത്ത സമ്മാനം നൽകിയതിന് കണ്ണനോട് അവള്‍  ഒരുപാട് ഒരുപാട് നന്ദി പറഞ്ഞു.

“ഞാന്‍ ആദിലക്ഷ്മി ,,,അപ്പു ആദിശങ്കര൯ .. ശെടാ ആദിനാരായണൻ എന്ന പേരായിരുന്നെങ്കിൽ ഞങ്ങള്‍ ലക്ഷ്മിനാരായണൻമാരാകുമായിരുന്നു”.

എന്നിട്ട് വേഗം കുളിച്ചൊരുങ്ങി ആദിനാരായണ ക്ഷേത്രത്തിലേക്ക് കുടുംബത്തോടെ പുറപ്പെട്ടു.

<<<<O>>>>

 

പാര്‍വ്വതിയില്‍ മായ സൃഷ്ടിച്ചു കൊണ്ട് അവളുടെ ജീവിതത്തിൽ ഒരു വഴിത്തിരിവുണ്ടാക്കി ഒടുവിൽ അവളെ വൈഷ്ണവഭൂമിയായ വൈശാലിയിൽ എത്തിച്ചതും ആ വഴിത്തിരിവിൽ മറ്റൊരു രീതിയിൽ ബാധിക്കപ്പെട്ട് തന്റെ വംശത്തെ തേടിയുള്ള ആദിയുടെ യാത്ര ആരംഭിച്ചതും അത് മിഥിലയിലെ വൈഷ്‌ണവരായ ഭാർഗ്ഗവ ഇല്ലത്തിലൂടെ ഒടുവിൽ വൈശാലിയിലെ ശിവശൈലത്ത് എത്തിച്ചതും – ജഗന്നാഥന്റെ തീരുമാനങ്ങൾ ആകണം.

അഹങ്കാരിയായ ഇശാനിക സാത്വികമായ ആദിലക്ഷ്മി പീഠത്തിൽ ഇരിക്കുകയും അവിടെയിരിക്കേണ്ടിയിരുന്ന പാർവ്വതി വെറും നക്ഷത്രസ്ഥാനത്ത് ഇരിക്കുകയും ചെയ്ത കാരണം കൊണ്ട് ആദിനാരായണാരൂഢ൦  അശുദ്ധമായിരുന്നു.

.അത് കൊണ്ട് തന്നെയാണ് മഹാസാത്വികനും തേജസ്വിയുമായ ആദവ നാഥ൪ പാര്‍വ്വതിയെ ഇറക്കി വിട്ടതും ശുദ്ധികർമ്മം നിർദേശിച്ചതും.

പാർവ്വതിയോട്  പരുഷമായി പെരുമാറിയത്  അതിലൂടെ മറ്റുള്ളവരുടെ മുന്നിൽ പാർവ്വതി എന്ന ദേവകന്യകയോട് നാരായണനുള്ള  സ്നേഹം  വ്യക്തമായി കാണിച്ചു കൊടുക്കാൻ തന്നെയായിരുന്നു.

താന്‍ നാരായണനു പ്രതിപുരുഷന്‍ ആണെന്ന മൂഢവിശ്വാസത്തോടെ ഇരിക്കുന്ന സൂര്യസേനന് അറിയില്ല. രാശികള്‍ക്ക് അധിപതിയായ സൂര്യനെന്ന ഗ്രഹ൦ സൂചിപ്പിക്കുന്നത് സാക്ഷാൽ ശങ്കരനെയാണെന്നത്.

ശങ്കര൯  ഉഗ്രശക്തിയോടെ സംഹാരതാണ്ഡവമാടി സകലപ്രതിബന്ധങ്ങളെയും ഭസ്മമാക്കി വിജയം സുനിശ്ചിതമാക്കും. ആക്കിയേ മതിയാകൂ .കാരണം ആദിലക്ഷ്മി സ്വരുപത്തിൽ നിൽക്കുന്ന കന്യക പാർവ്വതിയാണ്. പാർവ്വതി കളത്തിലിറങ്ങിയാൽ ശങ്കരന് വരാതിരിക്കാനാവില്ല . ശക്തിയുള്ളിടത്തു  ശിവനുണ്ടാകും  പ്രകൃതിയോടൊത്തു പുരുഷന്‍ നില്‍ക്കുന്ന പോലെ.

<<<<O>>>>

 (തുടരും)