അപരാജിതന്‍ 34 [Harshan] 8088

“ഞാൻ ഇടപെട്ടാൽ നടക്കാതെ ഇരിക്കുമോ ,, ദിവസവും വണ്ടി ഇവിടെ വരും , ഇവിടെ നിന്നും വെണ്ണ കൊണ്ടുപോയിക്കോളും ,, ഇരുന്നൂറു രൂപ കിലോക്ക് തരും ,,പതിനായിരം രൂപ വരുമാനം നമുക്ക് കിട്ടും , അതിൽ പശുക്കളുടെ ചെലവ് കൂടെ കഴിച്ചാൽ രണ്ടായിരം മൂവായിരം രൂപ ഉറപ്പായും നമുക്ക് പ്രതിദിന വരുമാനം ഉണ്ടാകും ,,തത്കാലത്തേക്ക് അത് പോരെ മുത്തശ്ശാ ,,,,,”

അവർ സന്തോഷം കൊണ്ട് കരയുന്ന നിലയിലായി

അവര്‍ കൈകള്‍ കൂപ്പി “അമ്മേ ,,” എന്നു വിളിച്ച് പ്രാര്‍ഥിച്ചു.

“വൈദ്യരെ ,,,കണ്ടില്ലേ ,, ‘അമ്മ ,, അന്നപൂർണ്ണേശ്വരി ദേവി വലം കാൽ വെച്ച് കയറിയതിന്‍റെ  ഐശ്വര്യം ,,”

“ഏത് അന്നപൂർണ്ണേശ്വരി ദേവി ?” ആദി സംശയത്തോടെ ഇരുവരോടും ചോദിച്ചു

“ദേവർമ്മഠത്തെ പാർവ്വതിമോള്‍   ,, ഈ ശിവശൈലത്തിന്‍റെ   അന്നപൂർണ്ണേശ്വരി ദേവി ,, ഞങ്ങളുടെയൊക്കെ അവ്വയാര്‍ , “ഒക്കെ ഞങ്ങളുടെ അവ്വയാറിന്‍റെ  കരുണയാ ” കൈകള്‍ കൂപ്പി സ്വാമി മുത്തശ്ശന്‍ പറഞ്ഞു.

അതുകേട്ടപ്പോള്‍ ആദിയുടെ മുഖമൊന്നു മങ്ങി.

തനിക്ക് മേലെ പാര്‍വ്വതി നില്‍ക്കുന്നതിന്‍റെ  അസൂയയോ പരിഭവമോ ആയിരുന്നു ആ മുഖത്തെ ഭാവമാറ്റത്തിന് കാരണം.

ഉള്ളിൽ കോപ൦  നിറഞ്ഞു

ശിവശൈലത്തിന്‍റെ  രക്ഷകനായ തന്‍റെ  സ്ഥാനമൊക്കെ ഇന്നലെ കയറി വന്ന അവൾ കൊണ്ടുപോയതിന്‍റെ  ദേഷ്യം.

 

അന്നേരമാണ്

ഒരു ടെമ്പോ അങ്ങോട്ടേക്ക് വന്നത്.

എന്താണെന്നു അറിയാൻ വേണ്ടി ആദിയും മുത്തശ്ശന്മാരും അങ്ങോട്ടേക്ക് ചെന്നു

വണ്ടി കണ്ടു ഗ്രാമീണരും അങ്ങോട്ടെക്കു ഇറങ്ങി വന്നു

ആദി അവരോടു വന്ന കാര്യം തിരക്കി

“ഇങ്ങോട്ടേക്ക് ഓർഡർ ഉണ്ടായിരുന്നു , അത് ഡെലിവറി ചെയ്യാൻ വന്നതാണ് സർ  “ഡെലിവറി ബോയ് ആദിയോട് പറഞ്ഞു

എല്ലാവരും ആദിയെ നോക്കി

“എന്താ ഇതിൽ ?”

“അരിയും ഗ്രോസറീസുമാണ് ”

“ഞങ്ങളാരും ഓർഡർ തന്നില്ലല്ലോ ,,,നിങ്ങൾക്ക് സ്ഥലം മാറിയതാണോ ?” ആദി ചോദിച്ചു

അല്ല സർ ,,,  എന്നുപറഞ്ഞു അയാൾ ബില്ലിൽ നോക്കി

“മിസ് പാർവ്വതി ശങ്ക൪  ,,,എന്നപേരിലാണ് ഓർഡർ തന്നു പേമെന്റ് ചെയ്തത് ,” അയാൾ ബില്ല് ആദിക്ക് കൊടുത്ത്

അവനതു നോക്കിയപ്പോൾ ശരിയാണ് പാർവ്വതി ശങ്ക൪  എന്ന പേരിലാണ് ഇൻവോയിസ് ചെയ്തിരിക്കുന്നത് ”

“കണ്ടില്ലേ അറിവഴകാ ,,,പോകും നേരം അവ്വയാറു  പറഞ്ഞിരുന്നു, ശങ്കരന്‍റെ  മണ്ണില്‍ അവ്വയാറുള്ളപ്പോ ആരും പട്ടിണികിടക്കില്ല എന്ന് ,, “

സ്വാമി മുത്തശ്ശൻ ഏറെ സന്തോഷത്തോടെ  പറഞ്ഞു

എന്നിട്ടു ഗ്രാമീണരെ നോക്കി ഉറക്കെ വിളിച്ചു പറഞ്ഞു

“ഇതൊക്കെ നമ്മുടെ അവ്വയാര്‍ തന്നു വിട്ടതാ ,,നമ്മളൊന്നും ,,,” അപ്പോളേക്കും അദ്ദേഹം വിതുമ്പി ശബ്ദമിടറി തുടങ്ങിയിരുന്നു

“നമ്മളൊന്നും ,,പട്ടിണി ,,,പട്ടിണി കിടക്കാതിരിക്കാൻ ,,,’അവ്വയാര്‍  ,,,തന്നു വിട്ടതാ ,,,,,” അദ്ദേഹം മുണ്ടിന്‍റെ  തുമ്പു കൊണ്ട് കണ്ണുകൾ ഒപ്പി “നമ്മുടെ നാടിന്‍റെ  അന്നപൂർണ്ണേശ്വരി തന്നു വിട്ടതാ ,,,നമ്മടെ അവ്വയാര്‍  തന്നു വിട്ടതാ ,,,,”

ഒരു വിതുമ്പലോടെ വൈദ്യരു മുത്തശ്ശനും പറഞ്ഞു.