അപരാജിതന്‍ 34 [Harshan] 8110

“ഭഗവാനോടുള്ള പിണക്കമൊക്കെ തീർന്നില്ലേ ? “അവളുടെ മനസ്സറിഞ്ഞ പോലെ ഗുരുനാഥൻ അവളോട് ചോദിച്ചു.

അവൾക്കാകെ നാണമാകെ പോയി

അവൾ ഒന്നും പറയാതെ ശിരസ് താഴ്ത്തി

“ആദിലക്ഷ്മി എന്നത് ലക്ഷ്മിദേവിയുടെ അനാദിയായ സ്വരൂപമാണ്.മനുഷ്യനെ ജനന മരണ ചക്രങ്ങളിൽ നിന്നും മോക്ഷം നൽകുന്ന ശക്തിസ്വരൂപിണി.

അവൾ മോക്ഷപ്രദായിനിയാണ്, ജനിമരണ വിമോചകയാണ് അനുകമ്പയുടെയും കനിവിന്‍റെ യും സാക്ഷാത്ക്കരമാണ്. ആ സ്വരുപത്തിലേക്ക് നാരായണൻ നിന്നെയാണ് ആഗ്രഹിക്കുന്നത്”

അദ്ദേഹം അവളെ പറഞ്ഞു മനസ്സിലാക്കി.

“ആദിലക്ഷ്മി നീയെങ്കില്‍ ,  നിന്‍റെ  കൂടെയുള്ളത്  ഉഗ്രശോഭയോടെ ജ്വലിച്ചു നില്‍ക്കുന്ന സൂര്യനാണ് . സകലതും തന്‍റെ   തേജസ്സിനാല്‍ ഭസ്മമാക്കുന്ന രൌദ്രതേജസ്വിയായ സാക്ഷാൽ ആദിത്യൻ ” ഒരു പുഞ്ചിരിയോടെ അദ്ദേഹം അവളോട് പറഞ്ഞു

അപ്പോളേക്കും മഹാശ്വേതാദേവിയും അങ്ങോട്ടേക്ക് വന്നു.

അവർ വാൽസല്യത്തോടെ പാർവതിയുടെ ശിരസിൽ തലോടി

“വിഷ്ണുപ്രിയയാണ് ,, ഭഗവാന് പ്രിയയായവൾ ,,” അവളെ പ്രകീര്‍ത്തിച്ചു.

അതിനു ശേഷം ഗുരുനാഥരെ നോക്കി ഭവ്യതയോടെ പറഞ്ഞു.

ഗുരുനാഥരെ ഭയന്ന് പോയിരുന്നു ,,

നന്ദിയുണ്ട് യഥാസമയം ഇവിടെ എത്തിചേർന്നതിന്,, ഇപ്പോൾ സമാധാനമായി ,,, സൂര്യൻ ശക്തിയോടെ നിൽക്കുമ്പോൾ എന്തായാലൂം എല്ലാ യുദ്ധങ്ങളെയും വിജയിച്ചു കൊണ്ട് പ്രതിഷ്ഠ കർമ്മങ്ങൾ എന്‍റെ   കൊച്ചുമകന്‍റെ  മേൽനോട്ടത്തിൽ ഉറപ്പായും സംഭവിച്ചിരിക്കും” അവര്‍ പ്രതീക്ഷകളോടെ പങ്ക് വെച്ചു.

അദ്ദേഹമൊന്നു ചിരിച്ചു.

“നമുക്ക് നോക്കാം ,,എന്തായി തീരുമെന്ന് “ എന്നു ഒരു പരിഹാസരൂപേണ അദ്ദേഹം മറുപടി പറഞ്ഞു.

“എന്നാണ് കിരീടാവരോഹണം തീരുമാനിച്ചിരിക്കുന്നത് ?” അദ്ദേഹം ചോദിച്ചു.

“അടുത്ത വാരം പുണര്‍തം നക്ഷത്രത്തില്‍, ഞായര്‍ ആയി വരും “ അവര്‍ മറുപടി പറഞ്ഞു.

“ഹും ,,,, “ അദ്ദേഹം ഒന്നുമൂളി.

“കാര്‍മ്മികത്വചടങ്ങുകള്‍ക്ക് അധ്യക്ഷത വഹിക്കുവാന്‍ അങ്ങയെ ക്ഷണിക്കുവാന്‍ ഞങ്ങള്‍ വന്നിരുന്നതായിരുന്നു , അങ്ങ് തീര്‍ഥാടനത്തില്‍ ആയിരുന്നല്ലോ , നാളെ ഞങ്ങള്‍ ഉപചാരപൂര്‍വ്വം വന്നു ക്ഷണിക്കും “

മഹാശ്വേത ദേവി പറഞ്ഞു.

“വേണ്ട ,, ഞാന്‍ വരില്ല “

അത് കേട്ടപ്പോള്‍ അവര്‍ അമ്പരന്നു.

“എന്റെ ആവശ്യമില്ല , ഇവിടത്തെ വൈഷ്ണവബ്രഹ്മണ പ്രമാണികളില്‍ ആരുമായാലും മതി”

“അങ്ങയുടെ സാന്നിധ്യം ഉണ്ടായിരുന്നുവെങ്കില്‍ ,,,”

“വേണ്ട ,,, ഇപ്പോള്‍ അത് വേണ്ട , പക്ഷേ എന്റെ സാന്നിധ്യം വേണ്ട സമയത്ത് ഞാന്‍ വന്നിരിക്കും “

“നാളെ ഞങ്ങള്‍ ഭാര്‍ഗ്ഗവഇല്ലത്തു കൂടെ പോകാന്‍ ഇരിക്കുകയായിരുന്നു, സൂര്യന്റെ കിരീട അവരോഹണ ചടങ്ങില്‍ അവിടത്തെ സന്തതിപരമ്പരകളുടെ സാന്നിധ്യത്തിന് വേണ്ടി, അത്രയും പുണ്യപരമ്പരയല്ലേ … “ മഹാശ്വേതാദേവി കൈ കൂപ്പി പറഞ്ഞു.

ഭാര്‍ഗ്ഗവ ഇല്ലം എന്നു കേട്ടപ്പോള്‍ പാര്‍വ്വതിക്ക് പരശുരാമ ക്ഷേത്രത്തില്‍ പോയതും അവിടത്തെ അമ്മയെ കണ്ട സംഭവവും  മനസിലേക്ക് ഓര്‍മ്മവന്നു.

അദ്ദേഹം പാര്‍വ്വതിയെ അന്നേരമൊന്ന് നോക്കി