അപരാജിതന്‍ 34 [Harshan] 8114

ഒന്നു ചുറ്റും നോക്കി ,

ആദവഗുരുനാഥന്‍ നാരായണവിഗ്രഹത്തിന് പാദത്തില്‍ സമര്‍പ്പിച്ച ഇതള്‍ ഒരെണ്ണം ഇറുത്ത് മാറ്റിയ അതേ  താമരപ്പൂ ചുണ്ടില്‍ കടിച്ചെടുത്ത് ചിറകടിച്ചു പറന്നു.

എല്ലാവരും അത്ഭുതത്തോടെ അതിന്‍റെ  സഞ്ചാരം നോക്കി.

പലരും നാരായണനാമം ജപിച്ച് കൊണ്ടിരുന്നു

ആ പരുന്ത് കടിച്ചു പിടിച്ച താമരപ്പൂവുമായി  കുനിഞ്ഞു മുഖം പൊത്തിയിരിക്കുന്ന പാർവ്വതിയുടെ മുന്നിൽ വന്നുനിന്നു

അവളുടെ മടിയിലേക്ക് ആ താമരപൂ വെച്ചു.

എന്നിട്ടതിവേഗം ആ സഭയെ ചുറ്റി ആദിലക്ഷ്മി പീഠത്തിൽ വന്നിരുന്നു ചിറകുകൾ ശക്തിയിലടിച്ചു ശബ്ദമുണ്ടാക്കിയിരുന്നു.

പാർവതി വേഗം കണ്ണ് തുറന്നു  നോക്കുമ്പോള്‍ മടിയിൽ ഒരു താമര പുഷ്പം

അവൾ വേഗം അതെടുത്തു എല്ലാരേയും നോക്കി

സകലരും എഴുന്നേറ്റവളെ കൈകൾ കൂപ്പി നിൽക്കുന്നു.

എല്ലാരും അത്ഭുതത്തോടെയാണ് അവളെ നോക്കുന്നത്.അവളാകെ പേടിച്ച് പോയി

ഒരു തെറ്റും ചെയ്തില്ല എന്ന ഭാവത്തോടെ അവള്‍ ഗുരുനാഥനെ നോക്കി കൈകള്‍ കൂപ്പി.

വെറും മൂന്നാം സാമന്ത കുടുംബത്തിലെ പെണ്ണിന് വേണ്ടി ഗരുഡവാഹനം തന്നെ വന്നിരിക്കുന്ന കാഴ്ച സകലരെയും അമ്പരപ്പിച്ചിരുന്നു.

ചിറകടി കേട്ട് നോക്കുമ്പോൾ പീഠത്തിൽ അവളെ നോക്കി ചിറകടിച്ചിരിക്കുന്ന ഒരു കൃഷ്ണപരുന്ത്.

അവള്‍ക്ക് എന്താ സംഭവിച്ചത് എന്നു മനസിലാകുന്നുണ്ടായിരുന്നില്ല

“ഇനി ആർക്കെങ്കിലും തെളിവ് വേണമോ ,,,, ?”ഗുരുനാഥൻ ഉറക്കെ ചോദിച്ചു

“മൂന്ന് പരീക്ഷണങ്ങൾ ആ മൂന്നിലും നാരായണന്‍റെ  തീരുമാനം ,, ആദിലക്ഷ്മിയായി മൃഗശീര്ഷനക്ഷത്രത്തിൽ ജനിച്ച ഈ കന്യക തന്നെ വേണമെന്നാണ് ,,അതാണ് തുളസികതീരും പാരിജാതവും താമരപൂവും ഈ കന്യകയുടെ ദേഹത്ത് തന്നെ പതിച്ചത് , നമ്മൾ അതിനു എതിര് നോക്കിയപ്പോൾ  വായുവായും ഗരുഡനായും വന്നു വീണ്ടും വീണ്ടും ഈ കന്യകയെ തന്നെ ഭഗവാൻ ഉറപ്പിച്ചത്”

അദ്ദേഹം വേഗം അവളുടെ മുടിയിൽ നിന്നും തുളസികതിരും പാരിജാതവും എടുത്ത് അവളുടെ താമരപിടിച്ച കൈകളിലേക്ക് കൊടുത്ത് കൊണ്ട് പുഞ്ചിരിയോടെ പറഞ്ഞു

“കുട്ടീ ,,, നീ ഈ ആദിനാരായണാരൂഢത്തിൽ നീ വെറുമൊരു  നക്ഷത്രമായി  ഇരുന്നു കാണാൻ നാരായണന്‍ ഇഷ്ടപെടുന്നില്ല ,, നിന്നെ ആദിലക്ഷ്മി സ്വരൂപമായി കാണുവാനാണ് നാരായണനേറെ  ഇഷ്ട൦ ,അമൂല്യ  സാളഗ്രാമത്തിന്‍റെ  ഉടമസ്ഥ നീയാകണം , ആ സാളഗ്രാമത്തെ നീ  കൈയിലെന്തി പ്രതിഷ്ടകര്‍മ്മങ്ങള്‍ നിര്‍വ്വഹിക്കപ്പെടണം എന്നത് നാരായണന്‍റെ  ഇഷ്ടമാണ് ,,മനസിലായോ.. അതാണ്‌ ഈ ദൃഷ്ടാന്തങ്ങൾ “അദ്ദേഹം ഒന്നു പുഞ്ചിരിച്ചു ,

അത്ര നേരവും ഒരു ദുശ്ശകൂനമായി കരുതിയവളെ , നാരായണന് പ്രിയപ്പെട്ടവള്‍ അല്ല എന്ന് ആരോപിച്ചവരുടെ മുന്നില്‍ അതേ നാരായണന്‍ തന്നെ  മൂന്നു വട്ടം ഇവളാണ് എനിയ്ക്കു പ്രിയപ്പെട്ടവള്‍ എന്ന് തെളിവോടെ പ്രഖ്യാപിച്ചിരിക്കുന്നു. നാരായണനു മുന്നില്‍ സ്ഥാനങ്ങള്‍ക്കു ഒരു വിലയുമില്ല എന്ന് സകലരെയും ബോധ്യമാക്കിയിരിക്കുന്നു.