അപരാജിതന്‍ 34 [Harshan] 8110

വീണ്ടും പ്രശ്നദർശനം ആരംഭിച്ചു

ഒരു ബാലികയെ വിളിച്ചു രത്നക്രിയകൾ നടത്തി.

അത് കഴിഞ്ഞു രാശിയും രത്നങ്ങളും വിളിച്ചു പറഞ്ഞു

“രത്നങ്ങള്‍ രണ്ട്   

വജ്രവും മുത്തും

,രാശി കന്നി “

“കുലപതി ഫലം പറയു ” ഗുരുനാഥർ കൽപ്പിച്ചു

അദ്ദേഹം ആകെ വിഷമിതനായിരുന്നു

“ഭയക്കാതെ ഉള്ളത് പറയു ”

“വജ്രം ശുക്രനെ പ്രതിനിദാനം ചെയുന്നു , മുത്ത് ചന്ദ്രനെയും , പക്ഷെ വെച്ചിരിക്കുന്ന രാശി കന്നി രാശി,   രാശിയുടെ അധിപതി ബുധനാണ്‌ , ഈ രണ്ടു ഗ്രഹങ്ങളും ബുധന് ബന്ധുക്കളുമാണ്, ,ശുക്രന് ചന്ദ്രൻ ശത്രുവും അതിലേറെ വിഷയം ശുക്ര൯ നിൽക്കുന്ന കന്നിരാശി ശുക്രനു നീചവുമാണ് , അത് കൊണ്ട് തന്നെ  രാശിയുടെ അധിപതിയെ കൊണ്ട് ഒന്നും ചെയ്യാൻ സാധിക്കില്ല ഫലം അനർത്ഥം തന്നെയാണ് ,, ശത്രു അതിശക്തനാണ് .. മറ്റുള്ളവരുടെ മുന്നിൽ അപമാനിക്കപ്പെടു൦ , ആളുകൾ ശാപവചനങ്ങൾ ചൊരിയും പുരുഷന്മാർക്ക് നാശവും ,,, എല്ലാം കൊണ്ടും കാണുന്നത് ഈ പ്രതിഷ്‌ഠകർമ്മം വിജയിക്കില്ല എന്നു തന്നെയാണ് “

അത് കൂടെ കേട്ടപ്പോൾ സകലരും  ഭയാശങ്കകളിലായി

അവർ കൈകൾ കൂപ്പി ഭയത്താൽ നാരായണ മന്ത്രം ജപിച്ചു കൊണ്ടിരുന്നു

“അങ്ങനെ വരാന്‍ സാധ്യതയില്ലല്ലോ ,,കുലപതി,,രാജകുമാരി തന്നെയാണല്ലോ സ്ഥാനം കൊണ്ട് കുല മഹിമ കൊണ്ട് ആദിലക്ഷ്മി സ്ഥാനത്തിന് ഉത്തമ”

അദ്ദേഹം കുലപതിയോട് ചോദിച്ചു

“ഗുരുനാഥാ ,,, ഒന്നും വ്യക്തമാകുന്നില്ല ,, നാരായണന്‍ എന്താ ഉദ്ദേശിക്കുന്നതെന്ന്”

“ശരി ,, ഒരു കാര്യം ചെയ്യാം “ അദ്ദേഹം ഇശാനികയെ നോക്കി

“കുമാരി ഈ നക്ഷത്ര ഭാഗത്തു വന്നിരിക്കൂ ” ഗുരുനാഥൻ ഇഷാനികയോട് കല്പിച്ചു

അതിന് പ്രകാരം അവൾ വന്നു താമരപൂ വെച്ചിരുന്ന മൃഗശീര്ഷ പാദത്തിൽ വന്നിരുന്നു.

“കുലപതി ,,ഒരു തവണ കൂടെ ആദിലക്ഷ്മിയെ തിരഞ്ഞെടുക്കൂ ,,”

“അത് വേണോ ഗുരുനാഥാ ?” ശങ്കയോടെ വാഗീശ്വരന്‍ ചോദിച്ചു.

“ചെയ്യാം ,, അത് പ്രയോഗത്തിലുണ്ട് , ധൈര്യമായി ചെയ്യൂ “

കുലപതി വീണ്ടും താമര ഇതള്‍  കൊണ്ട് വന്നു പ്രാർത്ഥനകളോടെ മുകളിലേക്ക് എറിഞ്ഞു

അത് വായുവിൽ തെന്നിയിറങ്ങി സകലർക്കും അത്ഭുതം പകർന്നു കൊണ്ട് ഇശാനികയുടെ മുന്നിലായി വന്നു പതിച്ചു

അതവളെ വീണ്ടും ഏറെ സന്തോഷിപ്പിച്ചു

അദ്ദേഹം അല്പം നേരം ആലോചിച്ചു

“കുമാരി എഴുന്നേൽക്കൂ ”

അതുകേട്ടു അവൾ എഴുന്നേറ്റു മാറി

“മൃഗശീർഷത്തിൽ പിറന്ന വേറെയാരുമില്ലേ ” അദ്ദേഹം ഉറക്കെ ചോദിച്ചു.

“ആരുമില്ല ഗുരുനാഥരെ ” കുലപതി ഉത്തരം പറഞ്ഞു.

അദ്ദേഹം പാർവതിയെ ഒന്ന് നോക്കി