അപരാജിതന്‍ 34 [Harshan] 8110

അതിൽ നവരത്നങ്ങൾ വെച്ചിരുന്നു.

അദ്ദേഹം ബാലികയോട് കണ്ണുകളടച്ചു രത്നങ്ങളുടെ മേലെ കൈ വെച്ച് കിട്ടുന്ന രത്നങ്ങൾ എടുത്തു കൊണ്ട് നാരായണ നാമം ജപിച്ചു ആ ആദിനാരായണാരൂഢത്തില്‍  മൂന്നു വട്ടം പ്രദക്ഷിണം ചെയ്തുകൊണ്ട് പന്ത്രണ്ട് കളങ്ങളിൽ ആ കുട്ടിക്ക് ഇഷ്ടമുള്ള എവിടെയെങ്കിലും വെക്കുവാനായി ഉപദേശിച്ചു.

ആ കുട്ടി കണ്ണുകളടച്ചു പ്രാർത്ഥിക്കാൻ തുടങ്ങി.

ആദിലക്ഷ്മിയായി തെരഞ്ഞെടുക്കപ്പെട്ടു പീഠത്തിൽ ഇരിക്കുന്ന ഇഷാനിക ഗർവ്വോടെ സാളഗ്രാമത്തെ നോക്കി കൈകൾ കൂപ്പി.

ആ കുട്ടി കണ്ണുകളടച്ചു കൊണ്ട് താലത്തിൽ കൈ വെച്ച് കൊണ്ട് കൈയിൽ സ്പർശനമേറ്റ രത്നങ്ങൾ വാരി എടുത്തു .

അതുമായി നടന്നു രാശി ചക്രത്തെ പ്രദക്ഷിണ൦ ചെയ്തു

അതിനു ശേഷം ഒരു പന്ത്രണ്ടു രാശികളിൽ ഒരു രാശിയിൽ വെച്ചു.

തിരികെ വന്നിരുന്നു.

ജ്യോതിഷകുലപതിയുടെ ശിഷ്യൻ വേഗം ആ കുട്ടി രത്‌നം വെച്ച രാശിയുടെ മുന്നിൽ പോയി നിന്നു.

” രത്നങ്ങൾ  മൂന്ന് –

ഗോമേദകം , വൈഡൂര്യം ,ഇന്ദ്രനീലം ,

രാശി ചിങ്ങം “

ശിഷ്യന്‍ വിളിച്ച് പറഞ്ഞു

അത് കേട്ടപ്പോള്‍ കുലപതി അല്പം അങ്കലാപ്പിലായി.

മറ്റുള്ളവരോട് കൂടെ അഭിപ്രായം ആരാഞ്ഞു.

അദ്ദേഹം ആകെ ഭയപ്പെട്ടപോലെ ആയിരുന്നു.

“ഫലം ,,,ഫലം പറയു ,,” മാനവേന്ദ്ര വർമ്മൻ കുലപതിയോടു ചോദിച്ചു

അദ്ദേഹം എല്ലാവരെയും നോക്കി

“ദോഷങ്ങൾ മാത്രമാണ് കാണുന്നത് ”

അദ്ദേഹം പറഞ്ഞത് കേട്ട് സകലരും ഒന്ന് ഭയന്നു

“വ്യക്തമായി പറയു ,,കുലപതി ” മാനവേന്ദ്ര വർമ്മൻ ചോദിച്ചു

“ബാലിക കൈയിൽ എടുത്തത് മൂന്നു രത്നങ്ങൾ

ഗോമേദകം , വൈഡൂര്യം ,ഇന്ദ്രനീലം

ഇവ മൂന്നും യഥാക്രമം രാഹു കേതു ശനിമാരെ കാണിക്കുന്നു.

ഇവ മൂന്നും പാപഗ്രഹങ്ങൾ

വെച്ചിരിക്കുന്ന ആരൂഢരാശി ചിങ്ങരാശി , അതിന്‍റെ   അധിപതി സൂര്യനും

ആരൂഡരാശിയിൽ നിലകൊള്ളുന്ന ഈ മൂന്നു ഗ്രഹങ്ങളും സൂര്യനോട് ശത്രുതയുള്ളവർ

എല്ലാം കൊണ്ടും അനർത്ഥങ്ങൾ മാത്രമാണ്

ശക്തനായ ശത്രു ,ധനനഷ്ടം, മരണം , നിത്യരോഗം , മനഃസമാധാനമില്ലായ്മ , ആയുർദോഷങ്ങൾ , ഭ്രാന്ത് , പരാജയം ഇവയൊക്കെ ആണ് ഫലമായി കാണുന്നത്.

“എന്താ കുലപതി ഈ പറയുന്നത് ?” ആശങ്കയോടെ മഹാശ്വേതാ ദേവി ചോദിച്ചു

“തംബുരാട്ടി  ,, ഞാൻ പറയുന്നതല്ല ആദിനാരായണാരൂഢ൦ കാണിക്കുന്ന ഫലമാണ് ”

എല്ലാവരും അത് കേട്ട് ആശങ്കാകുലരായി.

അതുവരെ ഗർവ്വോടെയിരുന്ന ഇശാനിക ഭയന്നു.