അപരാജിതന്‍ 34 [Harshan] 8110

ആ ചടങ്ങു കഴിഞ്ഞപ്പോൾ സാളഗ്രാമത്തിൽ ആദ്യ അർച്ചന നടത്തി.

വിഷ്ണുമന്ത്രങ്ങൾ എങ്ങും മുഴങ്ങി

ഭഗവാന് ആരതി ഉഴിഞ്ഞു

ഭക്തിസാന്ദ്രമായ അന്തരീക്ഷം.

അത് കഴിഞ്ഞപ്പോൾ നാരായണാരൂഢത്തിലുള്ള ചടങ്ങുകൾ വീണ്ടും ആരംഭിച്ചു.

ഏറ്റവും പ്രധാനമായ ചടങ്ങ്.

“അടുത്തത് ഈ മഹാസാലഗ്രാമ പ്രതിഷ്ഠയുടെ ഏറ്റവും പ്രധാനപ്പെട്ട, അഷ്ടലക്ഷ്മികളിൽ ഏറ്റവും ഉന്നതമായ  ആദിലക്ഷ്മി സ്വരൂപത്തെ തിരഞ്ഞെടുക്കൽ , ആദി ലക്ഷ്മി സ്വരൂപത്തിലുള്ള ആ കന്യകയായിരിക്കും നാരായണ സാളഗ്രാമത്തിന്‍റെ  ഉടമസ്ഥ.  പ്രതിഷ്ഠാകർമ്മത്തിൽ ഈ മഹാ വിഗ്രഹത്തെ കൈകളിൽ  സ്വീകരിക്കേണ്ടുന്നതും മറ്റ് ആചാരങ്ങള്‍ നിര്‍വഹിക്കേണ്ടതും ആദിലക്ഷ്മി സ്വരൂപിണിയായ ആ കന്യകയായിരിക്കും    ”

ജ്യോതിഷകുലപതി അറിയിച്ചു.

അത് കേട്ട് മാനവേന്ദ്ര വർമ്മൻ ജ്യോതിഷിയോട് പറഞ്ഞു

“അതിന്‍റെ   ആവശ്യമുണ്ടോ , കുലപതീ , ഈ രാശിചക്രത്തിൽ ആദിലക്ഷ്മിയാകാൻ ഏറ്റവും യോഗ്യയായവൾ ഇശാനികയല്ലേ” മാനവേന്ദ്ര വര്‍മ്മന്‍ ചോദിച്ചു

അത് കേട്ട് സകല കുടുംബക്കാരും ഒന്നടങ്കം അതിനെ അനുകൂലിച്ചു

“അതെ അതെ ,, ഇശാനിക തമ്പുരാട്ടി തന്നെയാണ് അതിനായി യോഗ്യ , ആദിലക്ഷ്മി സ്ഥാനം സ്ഥാനം കൊണ്ട് നാരായണനു പ്രിയങ്കരിയായ ഇശാനിക തമ്പുരാട്ടിക്ക് തന്നെ “ സര്‍വ്വരും അഭിപ്രായം പറഞ്ഞു.

അത് കേട്ട് ശ്രീധർമ്മനും ഭാര്യ രൂപപ്രഭയും പരസപരം നോക്കിചിരിച്ചു

അഭിമാനവും അഹന്തയും നിറഞ്ഞ ഇശാനിക പുഞ്ചിരിയോടെ എല്ലാവരെയും നോക്കി.പക്ഷെ മഹാശ്വേതാദേവി അതിനോട് യോജിച്ചിരുന്നില്ല എങ്കിലും അവർക്ക് അഭിപ്രായം പറയുവാൻ മടിയായിരുന്നു.

തന്‍റെ  വാക്കുകൾ ആരും മുഖവിലയ്ക്ക് എടുക്കില്ല എന്ന് അവർക്കു നല്ലപോലെ ബോധ്യമുണ്ടായിരുന്നു.

“അത് മതി കുലപതി ,, അതിനൊരു തിരഞ്ഞെടുപ്പ് വേണ്ട ” മാനവേന്ദ്ര വർമ്മൻ ഉപദേശിച്ചു.

കുലപതി കൂടെയുള്ള മറ്റു ജ്യോതിഷ ആചാര്യന്മാരോട് സംസാരിച്ചു എന്നിട്ടു തിരികെ വന്നു

“ഈ ആദിനാരായണാരൂഢ അധിപതി നാരായണനാണ് , ആദിലക്ഷ്മിയെ തെരഞ്ഞെടുക്കണ്ടത് നാരായണൻ തന്നെയാണ് , അതിൽ എനിക്കോ നിങ്ങൾക്കോ അഭിപ്രായം പറയുവാനോ തീരുമാനം പറയുവാനോ സാധ്യമല്ല,, ഒരു കാര്യം ഓർക്കണം ആദിലക്ഷ്മിയുടെ സ്ഥാനമാണ് ഈ ചടങ്ങുകളുടെ ഭാവി തീരുമാനിക്കുന്നത് ,,നമ്മളിവിടെ പ്രശനം കാണുന്നത് നിങ്ങൾ മത്സരത്തിൽ വിജയിക്കുമോ ഇല്ലയോ എന്നല്ല ഈ മഹാസാളഗ്രാമ പ്രതിഷ്ഠ നടക്കുമോ എന്നതാണ്,, ഇനി ഏകപക്ഷീയമായി ഒരു തിരഞ്ഞെടുപ്പാണ് നിങ്ങള്‍   ആഗ്രഹിക്കുന്നതെങ്കിൽ പിന്നെ ഈ ആദിനാരായണാരൂഢത്തിനു  പ്രാധാന്യം എന്താണ്, അത് നാരായണന് മൂല്യം കൽപ്പിക്കാത്ത പോലെയല്ലേ ”