അപരാജിതന്‍ 34 [Harshan] 8110

പൂജകളുടെ പരിസമാപ്തിയിൽ

ജ്യോതിഷകുലപതി വാഗീശ്വരന്‍റെ   നേതൃത്വത്തില്‍ ജ്യോതിഷികളുടെ സംഘം അവിടേക്കു ആഗതരായി.അവർ സാളഗ്രാമ വിഗ്രഹത്തെ വന്ദിച്ചു.അതിനു ശേഷം രാജമാതാവിനെയും രാജ അധിപതി ശ്രീധർമ്മ സേനനേയും വന്ദിച്ചു. അവർക്കായി ഒരുക്കിയിരുന്ന മണ്ഡപത്തിൽ ഉപവിഷ്ടരായി.

അവിടെ പന്ത്രണ്ടു രാശികൾ സൂചിപ്പിക്കുന്ന രാശിക്കള൦ വിരിച്ചിരുന്നു.

ജ്യോതിഷകുലപതി വാഗീശ്വരന്‍ ശ്രീധർമ്മസേനനെ നോക്കി കൈകൾ കൂപ്പി  ആദിനാരായണാരൂഢം സമാരംഭം കുറിക്കുവാൻ  അപേക്ഷിച്ചു

അതിന് പ്രകാരം ശ്രീ ധർമ്മസേനൻ എഴുന്നേറ്റു വന്നു

ഉപവിഷ്ടരായ എല്ലാവരെയും നോക്കി കൈകൾ കൂപ്പി

“ഓം നമോ നാരായണായ നമോ വിഷ്ണവേ നമഃ ”

ജപിച്ചു കൊണ്ട് സാളഗ്രാമത്തെ വന്ദിച്ചു

“നമ്മുടെ താല്പര്യ൦ അനുസരിച്ചു ഇവിടെ സന്നിഹിതരായ പ്രിയ ‘അമ്മ മഹാശ്വേതാദേവി , ഇളയച്ഛൻ വീര മാനവേന്ദ്ര വർമ്മ൯ അവർകൾ  രാജപ്രമുഖ പ്രജാപതികുലർ  ,പ്രഥമ സാമന്തർ സുദർശനകുല അംഗങ്ങൾ  ദ്വിതീയ സാമന്തർ നന്ദകകുല അംഗങ്ങൾ ത്രിതീയ സാമന്തർ ദേവപാല കുല അംഗങ്ങൾ,,വൈഷ്‌ണവരായ നമ്മുടെ ജീവിതത്തിന്‍റെ  പ്രഥമലക്ഷ്യമാണ് ശ്രീവത്സഭൂമിയിൽ നാരായണ സാളഗ്രാമം സ്ഥാപിക്കുക എന്നത് , അത് കലിയുഗത്തിന്‍റെ  ആവശ്യമാണ്. കലിയുഗദോഷങ്ങളുടെ സകല തിന്മകളും ഹനിക്കപ്പെടുന്നത് നാരായണഭക്തിയിലൂടെ മാത്രമാണ്.

നമുക്കെല്ലാവർക്കും അറിയാം നാരായണന് വേണ്ടി ഈ ഭൂമി നമ്മൾ പൊരുതിനേടിയതാണ്.അന്ന് മുതൽ വിജയം നമ്മുടെ കൂടെയാണ്. നമ്മുടെ ആജ൯മ ശത്രുക്കളായ  കലിശകുലക്കാർ എന്നും ഈ ഭൂമി കയ്യടക്കാൻ  ശ്രമിച്ചിട്ടുള്ളതും നിരവധി വട്ടം പരാജയ൦ രുചിച്ചിട്ടുള്ളവരും ആണെന്ന് നിങ്ങൾ സർവർക്കും അറിയാവുന്നതാണ്

അഞ്ചു നൂറ്റാണ്ടുകൾക്കു മുൻപ് ആക്രമണങ്ങൾ വർധിച്ചപ്പോൾ ഇരു കൂട്ടർക്കും സ്വീകാര്യരായ ബ്രഹ്മ ഋഷികൾ മാദ്ധ്യസ്ഥം വഹിച്ചു കൊണ്ട് നിശ്ചിത ഇടവേളകളിൽ യുദ്ധത്തിന് പകരം മത്സരത്തിലൂടെയുള്ള പോരാട്ടം  നിശ്‌ചയിച്ചിരുന്നു.അതി൯ പ്രകാരം നാരായണന്‍റെ  ദശഅവതാരങ്ങൾക്ക് തുല്യമായി പത്തു മത്സരം നിജപെടുത്തുകയും കാലഗണയിൽ  അത് അമ്പതു വർഷത്തെ ഇടവേളകളിൽ അത് സംഘടിപ്പിക്കാനുള്ള ഏർപ്പാടുകൾ നിയമമാക്കുകയും ചെയ്തു.

അതിൽ ഇതുവരെ നടന്ന ഒൻപതു മത്സരങ്ങളിൽ അഞ്ച് പ്രജാപതികളും നാല് കലിശരും വിജയിച്ചിരിക്കുന്നു.

ഇനിയുള്ളത് അവസാനത്തെ മത്സരമാണ് , യുദ്ധം എന്ന് തന്നെ പറയാം.അതിൽ കഴിഞ്ഞ അരനൂറ്റാണ്ടു കൊല്ലം മുൻപ് നടന്ന വിജയം , സത്യത്തിൽ നമുക്ക് ഒരു വിജയമെന്നു അവകാശപ്പെടാനാകുന്നതല്ല ,അത് നമ്മളെ സംബന്ധിച്ചു നാണം കെട്ട വിജയം തന്നെയാണ് , എവിടെ നിന്നോ വന്ന ഒരു അജ്ഞാതൻ മഹാശയനെ കീഴ്പ്പെടുത്തിയത് കൊണ്ട് മാത്രം തത്വത്തിൽ നമുക്ക് വിജയം ആയി എന്ന് മാത്രമേ പറയാനാവൂ ,,ഇത്തവണ അങ്ങനെ ഒരു സംഭവങ്ങളും ഉണ്ടാകില്ല എന്ന് ഞാൻ ഉറപ്പ് നൽകുന്നു , എന്‍റെ   മകൻ , അടുത്ത രാജപദവി അലങ്കരിക്കേണ്ടുന്ന സൂര്യസേനൻ ഏതു ശത്രുക്കളെയും കീഴ്‌പ്പെടുത്താനുള്ള സകല യുദ്ധതന്ത്രങ്ങളും ആയോധനകലകളു൦ അഭ്യസിയ്ക്കുകയും അതിൽ പ്രാവീണ്യം തെളിയിച്ചവനുമാണ്.