അപരാജിതന്‍ 34 [Harshan] 8121

“സർ ,,ഇവർ സൂക്ഷിച്ചിരുന്ന ഡോർജികൾ (വജ്ര) നൂറ്റാണ്ടു കാലങ്ങൾ മുൻപേ ധർമ്മരാജകൾ അടുത്ത തലമുറയിലേക്ക് കൈമാറിക്കൊടുക്കുന്നതായിരുന്നു ,

ഇതിൽ തായലണ്ട് ധര്‍മ്മരാജ സോ൦ദേത് ജിനവജ്രസാഗാതാനാന ഭിക്കു സൂക്ഷിച്ചിരുന്നത്  ഈയത്തില്‍  നിർമ്മിച്ച ഡോർജിയു൦ കമ്പോഡിയൻ ധർമ്മരാജ സദ്ശ്രീ ഇയാ൦ ശ്രീ ഭിക്കു സൂക്ഷിച്ചിരുന്നത് ഇരുമ്പില്‍ നിര്‍മ്മിച്ച ഡോര്‍ജിയും ഭൂട്ടാനിലെ ധർമ്മരാജ സദ്ശ്രീ യേഷേ വാങ്‌ചുക്ക് ഭിക്കു സൂക്ഷിച്ചിരുന്നത്  ചെമ്പില്‍ നിര്‍മ്മിച്ച ഡോര്‍ജിയുമായിരുന്നു,,, ഇവ മൂന്നും നഷ്ടപ്പെട്ടതായി റിപ്പോർട്ട് കിട്ടിയിട്ടുണ്ട് ”

“മൂന്നും നഷ്ടമായിട്ടുണ്ടെങ്കിൽ,,, ഉറപ്പായും അതായത് ആ നഷ്ടമായ വ്യത്യസ്ത ലോഹങ്ങൾ കൊണ്ട് നിർമിച്ച ഡോർജികൾക്ക് പ്രത്യേകത ഉണ്ടാകണം , അവയിൽ ഒളിഞ്ഞിരിക്കുന്ന ഒരു രഹസ്യം ,, ആ രഹസ്യം കൈക്കലാക്കാൻ വേണ്ടിയാണ് ആ നിൻജകൾ അവിടെ വന്നതും ധർമ്മരാജ ഭിക്ഷുക്കളെ കൊലപ്പെടുത്തിയതും,,,, പറയു കനിഷ്‌കാ ,,,എന്തായിരുന്നു ഈ മൂന്ന് ഡോർജികളും സൂക്ഷിക്കുന്ന രഹസ്യം”

“അറിയില്ല സർ ,,, ”

“അന്വേഷിക്കാമല്ലോ ,,,”

“അന്വേഷിച്ചാലും ഒരിക്കലും കിട്ടില്ല സർ ”

“അതെന്തേ ?”

“സർ ,,നൂറ്റാണ്ടുകളായി ഒരു ധർമ്മരാജയിൽ നിന്നും മറ്റൊരു ധർമ്മരാജയിലേക്ക് മാത്രമാണ് ആ രഹസ്യം പകർന്നു കൊടുക്കുന്നത് ,വേറെ ഒരാൾക്കും അതെന്തെന്ന് അറിയില്ല,, ഈ മൂന്നു രാജ്യങ്ങളിലും ഒരേ ആചാരം തന്നെയാണ് അനുവർത്തിക്കുന്നത് , ഈ ഡോർജികളുടെ രഹസ്യമെന്തെന്ന് വേറെ ഒരാൾക്കും അറിവില്ല”

“അതെങ്ങനെ  സാധിക്കും , ഇതുപോലെ പെട്ടെന്ന് മരണം സംഭവിച്ചാലോ , അപ്പോൾ എങ്ങനെ അടുത്ത ധർമ്മരാജയിലേക്ക് ഈ രഹസ്യം കൈമാറ്റം ചെയ്യപ്പെടും?” ആകാംഷയോടെ ശിവറാം തിരക്കി.

“സർ ,,ഇതുവരെ അങ്ങനെ ഒരു സംഭവങ്ങളും ഉണ്ടായിട്ടില്ല,, ഈ മൂന്നു രാജ്യങ്ങളിലും പ്രായം ചെന്ന് കിടപ്പിലായി ആണ് ഇതുവരെയുള്ള ധർമ്മരാജകൾ സമാധി പ്രാപിച്ചിരിക്കുന്നത്,,ഇത് ചരിത്രത്തിൽ ആദ്യമായി നടക്കുന്ന സംഭവമാണ് ”

അതുകേട്ടു ശിവറാം , അല്പം നേരം ആലോചിച്ചു.

“കനിഷ്‌ക്ക ,, ”

“എന്താ സർ ?”

“രഹസ്യം അതൊരു സത്യമാണ് , സത്യം ഈശ്വരനും , അത് ആവശ്യമാകുന്ന ഘട്ടത്തിൽ അതിനെ തേടുന്നവർക്ക് മുന്നിൽ ഏതെങ്കിലും ഒരു രീതിയിൽ വെളിപ്പെടും ,, ലെറ്റ് അസ് ഹോപ്പ് ഫോർ ദാറ്റ് ,,”

അന്നേരം  പുറത്തു നിന്നും ഡോറിൽ ആരോ മുട്ടി

ശിവറാം ഉള്ളിലേക്ക് വരാൻ പറഞ്ഞു

പ്യൂൺ ആയിരുന്നു , അയാൾ ഇരുവർക്കുമുള്ള ചായ പകർന്നു നൽകി തിരികെ പോയി.

ഇരുവരും ചായ കുടിച്ചു കൊണ്ട് സംസാരം തുടർന്നു

“കനിഷ്‌കാ ,, അവിടങ്ങളിൽ  ജാപ്പനീസ് സിറ്റിസൺസ് വന്നിരുന്നതുമായി ബന്ധപ്പെട്ട് വല്ല ഇൻഫൊർമേഷനും ലഭിച്ചുവോ ?”

“സർ ,,ഈ മൂന്നിടങ്ങളിലും ബുദ്ധവിഹാരം കൂടെ ഉള്ളതിനാൽ  പുറമെ നിന്നുള്ള  സന്ദർശകരെ അനുവദിച്ചിട്ടുണ്ട്,,നിരവധി സ്വദേശികളും വിദേശികളും വന്നു പോകുന്നതുമാണ് പകൽ സമയങ്ങളിൽ , അങ്ങനെയുള്ളയിടത്തു ആരൊക്കെ വന്നു എന്ന് കണ്ടുപിടിക്കാൻ ഒരു മാർഗ്ഗവുമില്ല”

“അവിടെ രജിസ്റ്റർ ഉണ്ടാകില്ലേ , ചിലയിടങ്ങളിൽ കാണുമല്ലോ വരുന്ന ആളുകളുടെ പേര് വിവരങ്ങൾ എഴുതിയിട്ടുള്ളത് ”