അപരാജിതന്‍ 34 [Harshan] 8114

“ഒന്നുമില്ല ശങ്കര ,,അത് നിന്‍റെ  മണ്ണല്ലേ എന്ന് ഞാൻ എന്നോട് തന്നെ പറഞ്ഞതാ ,, ”

“അതെ ,,എന്‍റെ  മണ്ണ് തന്നെ , ഇതിപ്പോ ആകെ കുഴപ്പമായി എനിക്ക് അവളുടെ മുന്നിൽ എന്നെ വെളിപ്പെടുത്താൻ പറ്റുമോ ,,എന്നെ കണ്ടാൽ അവൾ ഞാൻ അറിവഴകനല്ല ആദിശങ്കരൻ ആണെന്ന് എല്ലാരോടും  വിളിച്ചു പറയും ,, പിന്നെ അത് മതി ,, ഇതിപ്പോ ഏതു നേരവും സൂക്ഷിക്കേണ്ടി വരും ,, ആ നാശം  പിടിച്ചവൾ ഏതു നേരത്താ അങ്ങോട്ട് കയറി വരിക എന്ന് പറയാൻ പറ്റില്ല ,,അതോടെ എന്‍റെ  സകല കള്ളിയും പൊളിയും ,, ഓരോരോ അടവുമായി വരുന്നുണ്ട്  അവള്‍ വന്നുകയറുന്നുണ്ട് ,,”

ചുടല അത് കേട്ട് പൊട്ടി ചിരിച്ചു കൊണ്ട് ചന്ദനം വെട്ടി കൊണ്ടിരുന്നു.

ചുടല എത്ര വെട്ടിയിട്ടും അതിന്‍റെ  തൊലി പോലും പൊളിയുന്നുണ്ടായിരുന്നില്ല

“നീയെന്തു കോപ്പാ ഈ ചെയ്യുന്നേ ,,, ” ആദി ക്ഷമകെട്ടു ചുടലയോടു ചോദിച്ചു

ചുടല ഒന്നും പറയാതെ ചിരിച്ചു

“നീയങ്ങു മാറ് ഞാൻ വെട്ടാം ” എന്നുപറഞ്ഞുകൊണ്ടു ആദി ആ കോടാലി വാങ്ങി ആഞ്ഞുവെട്ടി

കോടാലി നല്ലതല്ലാത്തതിനാൽ അത് തന്നെയായിരുന്നു അവസ്ഥ.

ആദി ആ കോടാലി ദേഷ്യം കൊണ്ട് വലിച്ചെറിഞ്ഞു

“ഞാനിപ്പോ വരാം ” എന്ന് പറഞ്ഞു അവിടെ നിന്നും നടന്നു

ചെന്നെത്തിയത് തന്‍റെ  ആയുധമായ ദ്വിവക്ത്ര പരശു സൂക്ഷിച്ചു വെച്ചിരുന്ന ആലി൯ ചുവട്ടിൽ.

നിഷ്പ്രയാസം അവനാ പരശു കൈയിലെടുത്തു

അത് കൊണ്ട് നടന്നു ചന്ദനത്തിന്‍റെ  ചുവട്ടിലെത്തി.

എല്ലാരോടും മാറാൻ പറഞ്ഞു

അതുകേട്ടു എല്ലാവരും അകന്നു മാറി.

ആദി ആ പരശു ശക്തിയിൽ മുകളിലേക്ക് വീശി

അതിശക്തമായി ചന്ദനത്തിന്‍റെ  മൂട്ടിൽ ആഞ്ഞു പ്രഹരിച്ചു.

പ്രഹരം കൊണ്ട അതെ സമയം തന്നെ ബലവത്തായ ആ ചന്ദനത്തിന്‍റെ   കീഴ്ഭാഗത്തിലൂടെ ആ ദ്വിവക്ത്ര പരശു  കയറിയിറങ്ങി അപ്പുറമെത്തി.

ആ വലിയ മരം ആകെയൊന്നു ഉലഞ്ഞു.

ചരിഞ്ഞു ചരിഞ്ഞു ഭീകരമായ ശബ്ദത്തോടെ നിലം പതിച്ചു.

ആദി ചുടലയെ നോക്കി തന്‍റെ  ശക്തി കാണേടാ എന്ന അർത്ഥഗ൪ഭമായി പുഞ്ചിരിച്ചു.

അവൻ ആ പരശു തോളിൽ ഏന്തി വീണയിടത്തേക്ക് നടന്നു.

അരമീറ്റർ നീളത്തിൽ കുറുകെ ആഞ്ഞു വെട്ടി

വെട്ടിയതും ഒരു സിലിണ്ടറിന്‍റെ  ആകൃതിയിൽ ആ ചന്ദനമരത്തിന്‍റെ  ഭാഗം അടർന്നു മാറി

അവൻ അല്പം കൂടെ നീങ്ങി വീണ്ടും അടുത്ത ഭാഗത്തു ഒരേയൊരു വെട്ടു കൊടുത്തു

അപ്പോൾ അതിനു പിന്നാലെയുള്ള ഭാഗവും മുറിഞ്ഞു മാറി

ആദി അങ്ങനെ നീളത്തെ അരമീറ്റർ കഷണങ്ങളാക്കി വെട്ടി മാറ്റി

അത് കഴിഞ്ഞപ്പോൾ അടർന്നു മാറിയ കഷ്ങ്ങളെ നെടുകെ വെട്ടി നീളമുള്ള വിറകി൯ കഷണങ്ങളാക്കി.

ഏതാണ്ടു ഒരുമണിക്കൂർ സമയം എടുത്തിരുന്നു.

അവിടെയാകെ ചന്ദന സുഗന്ധമായിരുന്നു.

അപ്പോളേക്കും കാളീചരൺ മാമനും ലോപമുദ്രയും അവിടേക്ക് വന്നു