താമര മോതിരം 6 [Dragon] 381

ചോറ്  എടുത്ത  ഇല, പൂവ്  എടുത്ത  ഇലയുടെ   മുകളിൽ വച്ച്  ചേർത്ത്  തലയിൽ  വച്ച് കാക്കക്ക്  എടുക്കാൻ  സൗകര്യത്തിനു  വയ്ക്കുക.

ഇനി ദേഹശുദ്ധി  വരുത്തി വീട്ടിൽ  പ്രവേശിക്കാം മോനെ ,,,ആ വയസായ ആൾ ചടങ്ങു അവസാനിപ്പിച്ചു .

സഞ്ജു – അതാണ് ആ ചെറുപ്പക്കാരന്റെ പേര്- അച്ഛന്റെ കുട്ടു –

അച്ഛൻ മരിച്ചിട്ടു ഇന്നേക്ക് 16 ദിവസം ആയിരിക്കുന്നു. അച്ഛൻ ജീവിതത്തിൽ നിന്ന് ഇല്ലാതായി എന്ന് വിശ്വസിക്കാൻ പോലും ആകാത്ത സഞ്ജുവിന്റെ ഓരോ പ്രവർത്തിയിലും അത് പ്രകടമാകുന്ന തരത്തിൽ കണ്ണിൽ നിന്നും കണ്ണുനീർ ധാരയായി ഒഴുകി കൊണ്ടിരുന്നു,

ഒരു പക്ഷെ അച്ഛൻ മരിച്ചു എന്നറിഞ്ഞതിനു ശേഷം ആദ്യമായി ആണ് അവന്റെ കണ്ണിൽ നിന്ന് കണ്ണുനീർ വരുന്നത് അതും അച്ഛന് അല്പം അരി, പൂവ്, ജലം, എള്ള് എന്നിവ സങ്കല്പികമായി സമർപ്പിച്ചപ്പോൾ. കാരണം അവൻ അറിഞ്ഞിരുന്നു അച്ഛന്റേതു ഒരു സാധാരണ മരണം അല്ലെന്നും കൊലപാതകം ആണെന്നും അതിനു കാരണം അവന്റെ അച്ഛന്റെ കൂടെ ജോലി ചെയ്തിരുന്ന ഒരാൾ ആണെന്നും –

ആർക്കും ഒരു ദോഷവും ചെയ്യാത്ത തന്റെ അച്ഛനെ ഇല്ലാതാക്കിയ ആളെ കണ്ടുപിടിച്ചു അവരെയും ഇ ലോകത്തു നിന്ന് ഇല്ലാതാക്കിയാൽ മാത്രമേ തനിക്ക് മനസമാധാനം ഉണ്ടാകൂ എന്ന് മനസ്സിൽ ഉറപ്പിച്ചിരുന്നു സഞ്ജു .

അച്ഛൻ മരിച്ചതിനാൽ 16 ദിവസം കഴിയാതെ പുറത്തിറങ്ങാൻ ആകില്ലാത്തതിലാൽ ഇതുവരെ അതിനെ കുറിച്ച് അനേഷിക്കാൻ പറ്റിയില്ല,ഇന്നൊട് ആ ദിവസം അവസാനിക്കുകയാണ് –

16 കഴിഞ്ഞാലുടൻ അച്ഛന്റെ മരണത്തിനു ഇടയാക്കിയവരെ കണ്ടുപിടിക്കണം -കൊല്ലണം ആ ചിന്തയോടെ യാണ് സഞ്ജുവുന്റെ ഓരോ ദിവസവും അവസാനിച്ചിരുന്നത്

തന്റെ അച്ഛൻ രാമചന്ദ്രൻ ,അച്ഛൻ ജോലി ചെയ്തിരുന്നത് RKBS എന്ന സ്ഥാപനത്തിലാണ് അവിടെ അക്കൗണ്ട് അസിസ്റ്റന്റ് മാനേജർ ആയിരുന്നു അച്ഛൻ, അച്ഛന്റെ കൂടെ തന്നെ യുള്ള മാനേജർ ആണ് അച്ഛന്റെ മരണത്തിനു ഇടയാക്കിയത് എന്നാണ് പോലീസ് പറയുന്നത് –

അയാൾ നടത്തിയ ചില തിരിമറികൾ കണ്ടുപിടിച്ച അച്ഛനെ കൊന്നതിനു ശേഷം അയാൾ കടന്നു കളിഞ്ഞിരിക്കുന്നു ഇതായിരുന്നു പോലീസ് പറഞ്ഞിരിക്കുന്നത്,

അച്ഛനെ കാണാതായതിനു ശേഷം അഞ്ചാമത്തെ ദിവസം അവിടെയുള്ള പാർവ്വതിപുരം എന്ന സ്ഥലത്തുള്ള  ഒരു കായലിൽ നിന്ന് ശവശരീരം കിട്ടുകയായിരുന്നു.

ഓസ്ട്രേലിയയിൽ  പഠിച്ചു – അവിടെ തന്നെ ഒരു കമ്പനിയിൽ ജോലി നോക്കിയിരുന്ന തന്നെ അച്ഛന്റെ മരണ വാർത്ത അറിയിച്ചപ്പോൾ ഒട്ടു വിശ്വസിക്കാനായില്ല,

എയർപോർട്ടിൽ വന്നതും അവിടെ നിന്നും ഇവിടെക്ക് വന്നടോക്കെയും ഒരു ചെറിയ ഓർമയിൽ മാത്രമേ ആലോചിക്കാൻ പറ്റുന്നുണ്ടായിരുന്നു സഞ്ജുവിന് – കാരണം അത്രയേറെ തന്റെ സമനില തെറ്റിച്ചോരു വാർത്ത ആയിരുന്നു അത്.