താമര മോതിരം 6 [Dragon] 381

അവരണ്ണു ബബാക്കെ കരേഡോയിരി ( ബാബയുടെ അടുത്തേക്ക് കൊണ്ട് പോകു)

അനുയായി യാതൊന്നും പറയാതെ അത് എടുക്കാൻ പോയി – അപ്പോൾ കബോല പറഞ്ഞു

അവള  ദഹവാനു സാഹ തെഗെദുക്കോസി ( അവളുടെ ശരീരം കൂടി കൊണ്ട് പോകു)

ശേഷം അയാൾ കട്ടിലിലേക്ക് മറിഞ്ഞു.

അനുയായി ആ പാത്രങ്ങളും എടുത്തു – പുറത്തിറങ്ങി പിന്നെ കൂടെ ഉള്ളവരോട്

അവരനു മാട്ടു അവയോ  ദഹവാനു ടെഗെഡുകോ നാനൊണ്ടിഗെ ബാനി ( ഇതും പിന്നെ  ആ ശരീരം കൂടെ എടുത്തു കൊണ്ട് എന്റെ ഒപ്പം വരൂ)

അത് എല്ലാം എടുത്തു കൊണ്ട് രണ്ടാമത്തെ കോട്ടയുടെ ഉള്ളിലുള്ള ആ രഹസ്യ മുറിയുടെ അകത്തു വച്ച് അവർ തിരിഞ്ഞു നടന്നു

കുറച്ചു സമയം കഴിഞ്ഞു ആ മുറിയുടെ രഹസ്യ വാതിൽ തുറന്നു……..

<<<<<<<<<<<<<<<<<<<<<൦>>>>>>>>>>>>>>>>>>>>>>>>>>>>>

കാണിയപ്പനും കൂട്ടരും കാട്ടിലേക്ക് പോകുന്നതിനായി  – കരിന്തണ്ടൻ ക്ഷേത്രത്തിൽ കയറി പ്രാർത്ഥിച്ചു – കാണിയപ്പന്റെ മനസ് ഇന്ന് വല്ലാതെ പ്രഷുപ്തമായിരുന്നു ഇന്ന് സ്ഥിരം വരുന്ന ഒരാൾക്ക് പകരം  വേറെയൊരാൾ ആണ് കൂടെ ഉള്ളത് അതിനാലാകാം എന്ന് കരുതി കാണിയപ്പൻ .അവർ കാട് കയറാൻ തുടങ്ങി. രണ്ടു മൂന്ന് മണിക്കൂർ നടന്നു കഴിഞ്ഞു ഒരിടത്തു ഇരുന്നു വിശ്രമിക്കുകയായിരുന്ന അവർ കൊണ്ട് വന്ന ലഖുഭക്ഷണം കഴിക്കാനായി എടുത്തു- പെട്ടെന്നൊരു ഇടിയും മിന്നലും ഉച്ചത്തിൽ വെട്ടുകയും കൂടെ തുള്ളിക്കൊരു കുടം എന്ന രീതിയിൽ മഴ പെയ്യുവാനും തുടങ്ങി,എല്ലാ സാധനങ്ങളും എടുത്തു ഒരു വലിയ മരത്തിന്റെ ചുവട്ടിലേക്കു മാറുന്നതിനു മുൻപ് തന്നെ അവർ എല്ലാപേരും നനഞു കുതിർന്നിരുന്നു – കൂടെ അവരുടെ കയ്യിലുള്ള സാധനങ്ങളും- ഏകദേശം ഒന്നര മണിക്കൂറോളം നേരം മഴ അതെ രീതിയിൽ തന്നെ പെയ്തു കൊണ്ടിരുന്നു.

മഴ മാറിയതിനു ശേഷം അവർ വീണ്ടും യാത്ര തുടർന്ന അവരുടെ ലക്ഷ്യ സ്ഥാനത്തേക്ക് പോകാൻ തുടങ്ങി, എന്നാൽ മഴയുടെ പ്രഭാവം കൊണ്ടോ എന്തോ ആ ഉച്ച നേരത്തും അവർക്കു സന്ധ്യയായ സമയം പോലെ അന്തരീഷം തോന്നിപ്പിച്ചു – കാണിയപ്പൻ ആലോചിച്ചു – എന്തോ ഒരു തടസം പോലെ – മുന്നോട്ടുള്ള വഴിയിൽ മുഴുവൻ മഴ വെള്ളം – കൂടെ മരത്തിലും പാറയിലും ഉള്ള വഴി അടയായാളങ്ങൾ കാണാൻ  പറ്റുന്നില്ല ,കാണുന്നത്  തന്നെ വ്യക്തമാകുന്നുമില്ല, തിരികെ പോകാം എന്ന് കൂടെ യുള്ളവർ പറഞ്ഞപ്പോൾ കാണിയപ്പൻ പറഞ്ഞു – അവർക്കു നാളെ കഴിഞ്ഞു സാധനം കൊടുക്കണം- ഇന്നലെ വിളിച്ചപ്പോൾ തമ്പ്രാൻ സൂചിപ്പിച്ചിരുന്നു ഈ തടസങ്ങളെ പറ്റി.