താമര മോതിരം 6 [Dragon] 381

അവരെയും കൊണ്ട് വീട്ടിലേക്ക് എത്തിയപ്പോൾ കണ്ണന്റെ തലയിൽ കേട്ട് കണ്ടു ‘അമ്മ നിലവിളിച്ചു കൊണ്ട് ഓടി വരുകയും – കൂടെ ഉള്ള പെൺകുട്ടിയെ കണ്ടപ്പോൾ തന്നെ ചെറിയൊരു പരിഭ്രമത്തോട് കൂടി കണ്ണനോടും ഹർഷനോടും ചോദിച്ചു

“എന്താ പറ്റിയെ  എന്റെ കുട്ടിക്ക്-

ഹർഷൻ:- എന്നുമില്ല ഇവൻ ഈ പെൺകുട്ടിയെ വണ്ടി കൊണ്ടുപോയി ഇടിച്ചു- അവനു കുഴപ്പമൊന്നും ഇല്ല ഇവൾക്കാണ് മുഴുവൻ പരിക്ക് എന്ന് ചിരിച്ചുകൊണ്ട് പറഞ്ഞു പിന്നെ അവളോട് ദേവുവിനെ വണ്ടിയിൽ നിന്നും ഇറക്കാനായി വരാൻ പറഞ്ഞു

കണ്ണന്റെ അമ്മയും – വാസന്തിയും ചേർന്ന് ദേവുവിനെ വണ്ടിയിൽ നിന്നിറക്കി അകത്തു കൊണ്ടുപോയി കിടത്തി – പിന്നെ തിരികെ വന്നു ഹാർഹനോട് വിവരങ്ങൾ ചോദിച്ചറിഞ്ഞു

കണ്ണന്റെ കയ്യിൽ നിന്നും പറ്റിയ ഒരപകടത്തിൽ പരിക്ക് പറ്റിയത് കൊണ്ട് ആ പെൺകുട്ടി പരിക്കുകൾ മാറുന്നത് വരെ ഇവിടെ ഉണ്ടാകുമെന്നും – അല്ലേൽ പോലീസ് കേസ് പോലെ എന്തെകിലും ഉണ്ടായാൽ പ്രശ്നമാകുമെന്നും ഹർഷൻ പറഞ്ഞപ്പോൾ കണ്ണന്റെ ‘അമ്മ എതിർത്തൊന്നും പറഞ്ഞില്ല.

ഇനിയും ലിജോ ഇവിടേയ്ക്ക് വരുന്നത് കാണാനുള്ള ത്രാണി ആ പാവത്തിന് ഇല്ലായിരുന്നു എന്നായിരുന്നു സത്യം.

പിന്നെ ജാനകി വല്ലഭൻ ഇവിടേയ്ക്ക് വരുന്നുണ്ടെന്നും ഇന്നോ നാളെയോ അദ്ദേഹം നിന്നെ കാണുവാൻ എത്തുമെന്നും പറഞ്ഞു ഹർഷൻ ദേവുവിനെ പെങ്ങളെ ഏൽപ്പിച്ചു തിരികെ പോകാൻ ഒരുങ്ങി,

അതിനു മുന്നേ കണ്ണനെ കണ്ടു ഇന്നലെ മാമൻ വന്നതും സംസാരിച്ച കാര്യവും ഇവിടെ നടന്നതെല്ലാം അദ്ദേഹത്തോട് പറഞ്ഞതും അങ്ങനെ വളയങ്ങളും ഉൾപ്പടെ ഉള്ള കാര്യങ്ങൾ അദ്ദേഹത്തെ അരിച്ചതും എല്ലാം കേട്ടപ്പോൾ ഇവിടേയ്ക്ക് വരുന്നു എന്ന് പറഞ്ഞതും ഒക്കെ പറഞ്ഞു – അദ്ദേഹം വരുമ്പോൾ ഇവിടെ നടന്ന കാര്യങ്ങൾ അമ്മെയ കൂടുതൽ അറിയിക്കാതെ  നോക്കണമെന്നും പറഞ്ഞേൽപ്പിച്ചിട്ടു ഹർഷൻ തിരികെ പോയി.

വാസന്തിയും അമ്മയും ദേവുവിനെ കൂടുതൽ പരിചയപെട്ടു സംസാരിക്കുന്നുണ്ടായിരുന്നു – ഉണ്ണിയുടെ അച്ഛനും അമ്മയും ഇപ്പോൾ അവരുടെ വീട്ടിലേക്ക് പോയതേ ഉണ്ടായിരുന്നുള്ളു – അവർ ഇപ്പോൾ അവിടെ യാണ് താമസിക്കുന്നത് – ഉണ്ണി ആശുപത്രിയിൽ ആയ കാര്യമൊന്നും അവർ അറിഞ്ഞിട്ടില്ല -ഇനി അതുംകൂടി അവരെ അറിയിച്ചു വിഷമിമിപ്പിക്കണ്ട എന്ന് ഹർഷൻ തന്നെയാണ് കണ്ണനോട് പറഞ്ഞത്.

‘അമ്മ അവിടെ നടന്ന കാര്യങ്ങൾ ഒക്കെ ദേവുവിനോട് പറഞ്ഞു കരഞ്ഞു കൊണ്ടിരിക്കുന്ന സമയത്താണ് കണ്ണൻ ആ റൂമിലേക്ക് കയറി വന്നത്,

കണ്ണേ കണ്ടപ്പോൾ ‘അമ്മ കരച്ചിൽ നിർത്തി ശേഷം അവനോടു കഴിക്കാൻ വരാൻ പാഞ്ഞു പുറത്തേക്ക് ഇറങ്ങാൻ തുടങ്ങി – കൂടെ വാസന്തിയോട് ദേവുവിന്റെ കാര്യങ്ങൾ നോക്കണതും അടുക്കളയിൽ എന്തെകിലും പണി ഉണ്ടെൻകിൽ അത് ‘അമ്മ നോക്കിക്കോളാം  എന്നും പറഞ്ഞു അടുക്കളയിലേക്ക് പോയി, വാസന്തി ദേവുവിന്റെ കാര്യങ്ങൾ ഒക്കെ നോക്കി അവിടെ  തന്നെ ഉണ്ടായിരുന്നു.

ആഹാരം എല്ലാം കഴിച്ചതിനു ശേഷം ഞാൻ ദേവുവിന്റെ റൂമിൽ പോയി

വീടൊക്കെ ഇഷ്ടമായോ

ദേവു – ഹം ഒരുപാട്

കണ്ണൻ – ഇനിയും ഒരുപാട് കാണാൻ ഉണ്ട് – കാലൊക്കെ ശരി ആയിട്ട് നമുക്ക് പോകാം – വയലിന്റെ അപ്പുറത്തു കുളവും മറ്റും