കഷണ്ടിക്ക് ബാധ കേറരുതെന്ന് പ്രാർത്ഥിച്ചുകൊണ്ട് അച്ചു അജിയെ കൂട്ടി സ്റ്റാഫ് റൂമിലേയ്ക്ക് നടന്നു….”ടാ ഇന്നലെ വരാത്തത് എന്താണന്ന് പറയണം ”

“തലവേദന എന്നു പറയ് ,പിന്നെ നീ എന്തു പറഞ്ഞാലും അയാൾ വിശ്വസിക്കും അതുകൊണ്ട് കുഴപ്പമില്ല നിങ്ങൾ തമ്മിൽ അത്രക്ക് സ്നേഹമല്ലേ ” അജി അവളെ കളിയാക്കി ചിരിച്ചു കൊണ്ടു പറഞ്ഞു..

”മോനേ അജി നീ എന്റെ അടുത്ത് കൂടുതൽ ഇളിക്കല്ലേ അവൾ കണ്ണുരുട്ടി. “അല്ലേ നിന്നെ പറഞ്ഞിട്ടെന്തിനാ, എന്താണന്നറിയില്ല അയാൾക്ക് എന്നെ കാണുമ്പോൾ വല്ലാത്ത ചൊറിച്ചിലാ ” അവൾ സ്വയം പരിതപിച്ചു.

അതു കേട്ട് അജി പൊട്ടിച്ചിരിച്ചു. അവൻ്റെ ചിരികേട്ടു സമീപത്തുണ്ടായിരുന്ന മറ്റു കുട്ടികൾ അവനെ നോക്കി. അച്ചു ചമ്മി പോയിരുന്നു അവൾ അവൻ്റെ കൈയിൽ നുള്ളി. അപ്പോളാണ് അവനും സ്ഥലകാലബോധം ഉണ്ടായത്. അവൻ അവളെ ഇളിച്ചു കാട്ടി.

“അങ്ങേരു നിന്നെ എങ്ങനെ ചൊറിയാതിരിക്കും ,അയാളുടെ ക്ലാസിൽ നീ ഒന്നുകിൽ സംസാരം അല്ലങ്കിൽ ഉറക്കം ചിലപ്പോ പുറത്തോട്ടും നോക്കിയിരിക്കും ഒരിക്കലും നീ ക്ലാസ് ശ്രദ്ധിക്കാറില്ലോ ,പിന്നെ അയാൾക്ക് ദേഷ്യം വരില്ലേ ”

“പിന്നെ ഇത് പറയുന്ന മാന്യൻ ക്ലാസിൽ എന്തു ശ്രദ്ധയോടെയാ ഇരിക്കുന്നത്. ഞാൻ കാണിക്കുന്നതെല്ലാം നീയും നിൻ്റെ കൂട്ടുകാരും ചെയ്യണുണ്ടല്ലോ. അപ്പോ അതിനൊന്നും കുഴപ്പമില്ല ഞാൻ കാണിച്ചാലേ പ്രശ്നമുള്ളൂ ,പിന്നെ ക്ലാസിൻ്റെ കാര്യം നീ ഒത്തിരിപറയണ്ടാ രാവിലെ തന്നെ വന്നിരുന്ന് താരാട്ടുപാടുന്ന അയാളെ ക്ലാസിൽ ഉറങ്ങാതിരിക്കാനാ സംസാരിക്കുന്നെ ഇതൊന്നും അങ്ങേർക്ക് അറിയണ്ടല്ലോ ” അവൾ മുഖം കോട്ടി പറഞ്ഞു.

” ടി അതിനു നീ ഞങ്ങളെ കണ്ടു പഠിക്കണം. എത്ര അലമ്പു കാട്ടിയാലും അത് ആരും മൈൻഡ് ചെയ്യില്ല. വീ ആർ ദ ബാഡ് ബോയിസ് ” അവൻ ഷർട്ടിൻ്റെ കോളർ പൊക്കി അവളോട് പറഞ്ഞു.

” അതു ശരിയാ ഒരു ബുക്കെടുക്കുക ,ക്ലാസിൽ പഠിപ്പിക്കുന്നത് നോട്ട് ചെയ്യുന്ന മട്ടിൽ ബിങ്കോ കളിക്കുക ,അവസാനം ക്ലാസിൽ നിന്നും ഒച്ചത്തിൽ ബിങ്കോന്ന് വിളിച്ചുകൂവി തല്ലുമേടിക്കുക ഇതൊക്കെയല്ലേ ബാഡ് ബോയിസ് ചെയുന്നത് ” അവൾ അവനെ പുച്ഛിച്ചു.

“ടി ഒരബദ്ധം ഏതു പോലീസുകാരനും പറ്റും ” അവൻ ഇളിച്ചു കൊണ്ടു പറഞ്ഞു.

“അതു ശരിയാ പിന്നെ നിനക്കിതു സ്ഥിരമായതുകൊണ്ട് ഏതു മണ്ടനും പറ്റുമെന്ന് പറയാം ” അവനെ കളിയാക്കി ചിരിച്ചു.

സംസാരിച്ചുകൊണ്ടവർ സറ്റാഫ് റൂമിനു മുന്നിലെത്തിയതും അജി അവളെ തോണ്ടി.

“ടി ഞാൻ മാറി നിൽക്കാം ഒരുമിച്ചു കണ്ടാൽ ചിലപ്പോൾ നിനക്കുള്ളതും കൂടെ എനിക്ക് കിട്ടും. ഞാൻ വെറുതേ എന്തിനാ പട്ടിയുടെ വായിൽ കൈയിട്ട് കടിമേടിക്കുന്നത്. ”

“കൂടെ നിന്നിട്ട് കാലുമാറുന്നോടാ പട്ടി ” അച്ചു അവനെ നോക്കി പല്ലുകടിച്ചു.

“എടീ ഞാൻ അങ്ങനെ പറഞ്ഞതല്ല” അവൻ സ്വയം ന്യായീകരിക്കാൻ ശ്രമിച്ചു.