ചിങ്കാരി 2 [Shana] 272

” ടീ എന്തിനാ നീയെന്നെ തല്ലിയത് ”

“നീ ആരെ ആലോചിച്ചു നിന്നതാ , ഞാൻ നിന്നോട് പറഞ്ഞതു വല്ലതും നി കേട്ടോ ,”

”നീ അതുലേട്ടനെയേ കെട്ടു എന്നു പറഞ്ഞത് ”

“അപ്പൊ നീ ബാക്കിയൊന്നും കേട്ടില്ലേ ”

” ബാക്കിയോ ”

“ഒന്നുമില്ല വാ പോകാം ” അതും പറഞ്ഞ് അവൾ നടന്നു കൂടെ ടോമിയും

” ടീ നീ ഒന്നു നിന്നേ , നീയെന്താ പറഞ്ഞത് ”

“ആ പൂതന ഉറഞ്ഞു തുള്ളുവായിരുന്നു ,പാവം അതുലേട്ടൻ…ഇന്ന് പുള്ളിക്ക് പൂരമാ ”

” അങ്ങനൊക്കെ ഉണ്ടായോ ,എൻ്റെ റിലേ പോയേക്കുവായിരുന്നു അല്ലടീ നീ സത്യമാണോ പറഞ്ഞത് ”

“എന്ത് ”

“അതുലേട്ടനെ കെട്ടുമെന്നുള്ളത് ”

“നിനക്കെന്ത് തോന്നുന്നു ”

“നീ അങ്ങനെ പറഞ്ഞപ്പോൾ എനിക്കും ഒരു സംശയം , കാരണം പുള്ളി നല്ല ഗ്ലാമറല്ലേ ”

” പോടാ പട്ടീ , ഇതിലും ഭേതം വല്ല റെയിൽ പാളത്തിലും കൊണ്ട് തല വെക്കുന്നതാ ”

“അതെന്താടി മനുഷ്യന് മനസിലാകുന്ന ഭാഷയിൽ പറ ”

“ടാ പൊട്ടാ ആരെങ്കിലും ഒറ്റയടിക്ക് മരിക്കാൻ ആഗ്രഹിക്കുമോ ,അതോ ഇഞ്ചിഞ്ചായി വേദന തിന്ന് നരകിച്ച് മരിക്കാൻ ആഗ്രഹിക്കുമോ ”

” ഒറ്റയടിക്ക് ”

“അതു തന്നാ ഞാനും പറഞ്ഞത് ,അവർക്കു തല വെച്ചു കൊടുക്കുന്നതിലും ഭേതം വല്ല റെയിൽ പാളത്തിലും തലവെക്കുന്നതാണന്ന് ”

“ഓഹ് അങ്ങനെ , നീ അവർക്കിട്ട് പണികൊടുത്തതാ അല്ലേ. ഞാൻ പെട്ടന്ന് പേടിച്ചു പോയി. അതാ ” അവൻ പല്ലു മുഴുവൻ കാട്ടി അവളെ ചിരിച്ചു കാട്ടി.

” എല്ലാം അറിയാവുന്ന നീ തന്നെ ഇതു പറയണം ” അവൾ പുച്ഛത്തോടെ അവനെ നോക്കി.

” ടി അതു വിട് നാളെ എന്താ ചെയ്യാൻ പോണെ , സ്കൂളിൽ ആരെയും കൂട്ടി പോകും ”

” അറിയില്ല ടാ നീ തന്നെ ഒരു മാർഗ്ഗം പറഞ്ഞു താ , അമ്മയെങ്ങാനം അറിഞ്ഞാൽ തീർന്നു , തല്ലു കൊള്ളാൻ ദേഹത്ത് ഒരിടം ബാക്കിയില്ല ”

“നീ അതോർത്ത് ടെൻഷനാവണ്ട ,നമുക്ക് നിൻ്റെ ഭാവി ഭർത്താവിനെ സെറ്റ് ആക്കിയാലോ ”

” അതിന് അയാളെ എവിടെപ്പോയി തപ്പും ” അവൾ താടിയ്ക്ക് കൈയ് കൊടുത്തു.

“ടി പൊട്ടിക്കാളി ഞാൻ അതുലേട്ടൻ്റെ കാര്യാ പറഞ്ഞെ ”

“ദേ ചെക്കാ നീ പറഞ്ഞത് ഒരു നല്ല ഐഡിയ ആയ കൊണ്ട് വെറുതേ വിടുന്നു , പക്ഷേ അങ്ങേരോടെങ്ങനെ പറയും , ഇനിയിപ്പോ അങ്ങോട്ട് പോകാൻ പറ്റില്ല ”

“അതു ഞാനേറ്റു ,ഞാൻ സംസാരിച്ചോളാം ”

അവർ നടന്ന് അച്ചുവിൻ്റെ വീട്ടിലെത്തി