ചിങ്കാരി 2 [Shana] 272

“പിന്നെ നിന്നെ ഒറ്റക്കിട്ടിട്ട് ഒരു പരിപാടിക്കും ഞാനില്ല ,ചാകാനാണേലും ജീവിക്കാനാണേലും നമ്മൾ ഒരുമിച്ച്. ഒന്നുമില്ലേലും നമ്മൾ ക്രൈം പാർടണേർസ് അല്ലേ , അല്ല എന്താ നിൻ്റെ പ്ലാൻ ആണി എന്തിനാ ” അവൻ സംശയത്തോടെ അവളെ നോക്കി.

“അതൊക്കെ പറയാം നീ കൊണ്ടു വാ ”

“നീ ക്ലാസിൽ പോയിരിക്ക് കിട്ടിക്കഴിയുമ്പോൾ ഞാൻ നിന്നെ വിളിക്കാം ”

കുറച്ചു കഴിഞ്ഞ് അജി അവളുടെ കൈയ്യിൽ രണ്ട് തുരുമ്പിച്ച ആണി കൊണ്ടുവന്നു കൊടുത്തു

“ടാ ഇത് തുരുമ്പെടുത്തതല്ലേ കുറച്ചു കൂടി നല്ലത് കിട്ടിയില്ലേ ”

” ആ നിനക്കു വേണ്ടി ഇവിടെ കട തുറന്നു വെച്ചേക്കുവല്ലേ , ഇതു തന്നെ മനുഷ്യൻ കഷ്ടപ്പെട്ടാ ഒപ്പിച്ചത് , ആ പഴയ ഒടിഞ്ഞ ബഞ്ചും ഡസ്ക്കും കൂട്ടിയിട്ടിരിക്കുന്നവിടുന്നു ഇത് തപ്പിയെടുത്ത എന്നോടു തന്നെ പറയണം”

“ഇതെങ്കിലിത് നീ വാ , നമുക്ക് ഒന്ന് സാറിൻ്റെ സ്കൂട്ടറിനെ സ്നേഹിച്ചേച്ചും വരാം ” അവൾ ഗൂഢമായി പുഞ്ചിരിച്ചു.

“ടി പ്രശ്നമാകില്ലേ ”

“എങ്കിൽ നീ ഇവിടെ ഇരുന്നോ ഞാൻ പോയിട്ടു വരാം ” അതും പറഞ്ഞ് അവൾ പുറത്തേക്ക് നടന്നു

” നിൽക്ക് ഞാനുമുണ്ട് ” അജി പുറകേ ഓടി

“ടാ ഞാൻ ഇവിടെ ചെരുപ്പ് നന്നാക്കാൻ ഇരിക്കും പോലെ ഇവിടിരുന്ന് ടയറിൽ ഈ ആണി കുത്തിവെക്കാം നീ ആരേലും വരുന്നുണ്ടോ എന്ന് നോക്ക് ”

” പെട്ടന്നാവട്ടെ കൈവിട്ട കളിയാ ”

അവൾ പതുക്കെ ആണി സ്കൂട്ടറിൻ്റെ ബാക്ക് ടയറിൽ കല്ലുകൊണ്ട് അടിച്ചു കേറ്റി. ,അജി ചുറ്റുപാടും നിരീക്ഷിച്ചു കൊണ്ടിരുന്നു , പിന്നെ അവർ ഒന്നുമറിയാത്ത പോലെ ക്ലാസിലേയ്ക്ക് നടന്നു. അപ്പോഴാണ് അവൾക്ക് ഒരു ബുദ്ധി തോന്നീത്.

ടാ നിൻ്റെ വായിൽ കിടക്കുന്ന ബബിൾഗം ഇങ്ങു തന്നേ.

അജി അവളെ മിഴിച്ചു നോക്കി. എന്തിനാ അത്. വേണേൽ ഞാൻ വേറേ മേടിച്ച് തരാം.

ഭാ, നീ വായിൽ ഇട്ടത് എനിക്ക് തിന്നാൻ ഒന്നും അല്ല. നീ അത് എടുക്ക്. അവൾ പറഞ്ഞതു കേട്ടു അജി ഗം അവളുടെ കൈയിൽ കൊടുത്തു. അവൾ അത് ചേതക്ക് സ്കൂട്ടറിൻ്റെ അക്സിലേറ്ററിൻ്റ അടിയിൽ ഒട്ടിച്ചുവെച്ചിട്ട് തിരിച്ചോടി.

“ടി എനിക്കൊരു ഡൗട്ട് നിനക്ക് കാറ്റ് അഴിച്ചു വിട്ടാൽ പോരെ എന്തിനാ ഇത്രയും റിസ്ക് ഏറ്റെടുത്തത് ”

“ടാ കാറ്റഴിച്ചു വിട്ടാൽ അയാൾ വേറെ വണ്ടിയിൽ കേറിപ്പോകും പിന്നെ സംശയവും തോന്നും ,ഇതാകുമ്പോൾ പോകുന്ന വഴിക്ക് ടയർ പഞ്ചറായി ഇതു തള്ളി നടന്നോളും ”

“ഓഹ് വല്ലാത്ത ബുദ്ധി തന്നാ സമ്മതിച്ചു ”

“താങ്കു താങ്കു ”

ക്ലാസിൽ കേറിയപ്പോൾ അവളെ തന്നെ നോക്കിയിരിക്കുന്ന ഷെഫിയെ കണ്ടു

“ടാ ഇതൊരു നടക്കു നീങ്ങുമെന്ന് തോന്നുന്നില്ല ”

“ഇല്ല ടി ഇനി അവൻ ശല്യപ്പെടുത്തില്ല. ശല്യപ്പെടുത്തിയാൽ അജി ആരാന്ന് അവൻ അറിയും. ”

” അങ്ങനായാൽ അവനു കൊള്ളാം ”