ചെമ്പനീർപ്പൂവ് 6

Chembaneer Poovu part 6 | Author : Kuttappan | Previous Part

ആ മുഖത്ത് നിന്നും കണ്ണെടുക്കാൻ തോന്നിയില്ല. കണ്ണെഴുതി ഒരു കറുത്ത കുഞ്ഞ് പോട്ടൊക്കെ തൊട്ട് അപ്സരസ്സ് മുന്നിൽ നിൽക്കുന്നപോലെയാണ് എനിക്ക് തോന്നിയത്. സ്വർണത്തിന്റെ നിറമാണ് അവൾക്. കഴുത്തിൽ ഒരു നേർത്ത സ്വർണമാല.

സൂര്യകിരണം തട്ടി തിളങ്ങുന്നത് കൊണ്ട് അത് വേറിട്ടുനിന്നു. അല്ലായിരുന്നെങ്കിൽ അങ്ങനെ ഒരു മാല ഉണ്ടെന്ന് ഒറ്റനോട്ടത്തിൽ മനസിലാവില്ല.

നീലയിൽ കറുത്ത പ്രിന്റ് വർക്ക്‌ ഉള്ള സാരിയാണ് വേഷം. നല്ല തിങ്ങിനിറഞ്ഞ കാർകൂന്തൽ അരക്കെട്ടുവരെ നീണ്ടുകിടക്കുന്നു.

അതെ എന്റെ ചിന്നു.

നഷ്ടപ്പെട്ട നിധി അപ്രതീക്ഷിതമായി കയ്യിൽ കിട്ടിയ അവസ്ഥയിലായിരുന്ന ഞാൻ. ഇന്നലെ മുതൽ ഉള്ള ടെൻഷൻ ഇറക്കിവെക്കാൻ എന്നോണം ഞാൻ   അറിയാതെ ശക്തിയായി നിശ്വസിച്ചു.

അപ്പോഴാണ് അവൾ എന്റെ മുഖത്തേക്ക് നോക്കുന്നത്. കണ്ടത് സത്യമാണോ എന്നോണം അവൾ കണ്ണുകൾ ഇറുക്കിയടച്ച് ഒന്നൂടെ തുറന്നു. ഇത്രയും നേരം ദുഃഖം അലയടിച്ചിരുന്ന ആ മുഖം സന്തോഷത്താൽ

നിറയുന്നത് ഞാൻ കണ്ടറിഞ്ഞു.അവളുടെ കണ്ണുകൾ കരഞ്ഞുകലങ്ങിയിരുന്നു. ഇന്നലത്തെ എന്റെ അവസ്ഥയിൽ തന്നെയായിരുന്നു അവൾ എന്ന് എനിക്ക് മനസിലായി. ആ കണ്ണ് സങ്കടഭാവം വെടിഞ്ഞുകൊണ്ട് പുഞ്ചിരിച്ചു. ഞാൻ അവളെ നോക്കി ഒന്നുമില്ല എന്ന ഭാവത്തിൽ രണ്ടുകണ്ണും ചിമ്മിക്കാണിച്ചു. അവളുടെ മുഖത്തേക്ക് രക്തം ഇരച്ചെത്തി. ആ കവിളൊക്കെ ചുവന്നുതുടുത്തു.

ഞാൻ അമ്മയെ നോക്കി. അമ്മയും അത്ഭുതപ്പെട്ട് ഇരിക്കിക്കുകയാണ്. ആരാണ് പെൺകുട്ടി എന്ന് വല്യമ്മാമക്ക് മാത്രമല്ലേ അറിയൂ. അമ്മ എന്നെനോക്കി പുഞ്ചിരിച്ചു….ഞാനും.

ഞാൻ പറഞ്ഞതിൽ നിന്നൊക്കെ അമ്മയ്ക്ക് ചിന്നുവിനെ ഒരുപാടിഷ്ടായിരുന്നു. അവളെ ആദ്യം കാണുന്നത് അന്ന് എന്നെ കാണാൻ വന്നു കരഞ്ഞുകൊണ്ട് പോയ അന്നാണ്.

ചിന്നുവിനെ  ഞാൻ ആദ്യമായാണ് സാരിയുടുത്തു കാണുന്നത്. സാരിയിൽ അവൾ കൂടുതൽ സുന്ദരി ആയപോലെ. അല്ല അത് സത്യം തന്നെ. ഒക്കെ കൂടി എന്താ പറയാ…….    ആ……  നമ്മുടെ നസ്രിയ പറഞ്ഞപോലെ