💕ചെമ്പനീർപ്പൂവ് 6 [കുട്ടപ്പൻ]💕 1716

കൈകൾ കൂപ്പി മാറോടു വച്ച് തല അല്പം കുനിച്ച് അവൾ അത് സ്വീകരിച്ചു. പിന്നെ മെല്ലെ തലയുയർത്തി എന്നെനോക്കി പുഞ്ചിരിച്ചുകൊണ്ട് ആനന്താശ്രു പൊഴിച്ചു.

കൈകൾ കോർത്തു മൂന്നുവട്ടം വലം വച്ച് ചടങ്ങുകൾ പൂർത്തിയാക്കി.

അങ്ങനെ ഫോട്ടോ എടുപ്പും സദ്യയും ഒക്കെ കഴിഞ്ഞ് ഞങ്ങൾ വൃന്ദവനത്തിലേക് യാത്രയായി. ഇന്ന് രാത്രി വീട്ടിൽ ചെറിയ ഒരു റിസപ്ഷൻ ഒക്കെ ഒരുക്കിയിട്ടുണ്ട്. ചിന്നുവിന്റെ ബന്ധുക്കളും ഞങ്ങളുടെ വീട്ടുകാരും പിന്നെ അച്ഛന്റെ സുഹൃത്തുക്കൾ അങ്ങനെ വളരെ കുറച്പേർ മാത്രം.

എല്ലാം കഴിഞ്ഞപ്പോ ഞാൻ ഒരു വഴിക്ക് ആയി. മേലും കയ്യും ഒക്കെ നല്ല വേദന.

വല്യമ്മയും മാമനും പിള്ളേരും ഒന്നും ഇന്ന് പോകുന്നില്ല. ഞാൻ അവരോടൊക്കെ കത്തിയടിച്ചുകൊണ്ട് ഹാളിൽ ഇരുന്നു. ചിന്നു കുളിക്കാനായി മുകളിലെ നമ്മുടെ മുറിയിലേക് പോയി.

കുറച്ച് കഴിഞ്ഞ് ഞാനും മുറിയിലേക്ക് പോയി. ചിന്നു കുളിയൊക്കെ കഴിഞ്ഞ് അവളുടെ ഡ്രസ്സ്‌ ഒക്കെ അലമാരയിൽ എടുത്ത് വെക്കുകയാണ്. ഞാൻ കയറിചെന്നപ്പോൾ എന്നെ നോക്കി ചിരിച്ചുകൊണ്ട് അവൾ അവളുടെ പണി തുടർന്നു.

ഞാൻ കുളിക്കാനായി കയറി.

എന്തോ വല്ലാത്ത സന്തോഷം തോന്നി. കൈവിട്ടുപോയി എന്ന് കരുതിയ എന്റെ ചിന്നുവിനെ എനിക്ക് തിരിച്ചുകിട്ടിയിരിക്കുന്നു. ചിന്നുവിനോട് എല്ലാകാര്യങ്ങളും തുറന്ന്പറയാൻ തീരുമാനിച്ചുകൊണ്ടാണ് ഞാൻ ബാത്‌റൂമിൽ നിന്നും പുറത്തേക് ഇറങ്ങിയത്.

ബാത്‌റൂമിന്റെ ഡോർ തുറന്നപ്പോ തന്നെ ഏട്ടാ……എന്ന് വിളിച്ചുകൊണ്ട് ചിന്നു ഓടിവന്നെന്നെ കെട്ടിപ്പിടിച്ചു.

അവൾ നല്ലപോലെ പേടിച്ചിട്ടുണ്ട്. അവൾ നിന്ന് വിറക്കുകയാണ്. കരച്ചിലിന്റെ വക്കത്താണ് അവൾ എന്ന് അവളുടെ സ്വരം കേട്ടപ്പോൾ എനിക്ക് തോന്നി. അത് എന്നിലും പരിഭ്രമം ഉണ്ടാക്കി.