💕ചെമ്പനീർപ്പൂവ് 6 [കുട്ടപ്പൻ]💕 1716

//////////////////////////////////////////////////////////

അങ്ങനെ കാത്തിരുന്ന ആ ദിവസം വന്നെത്തി. ഇന്നാണ് എന്റെയും ചിന്നുവിന്റെയും കല്യാണം.

ഇന്നലത്തെ തിരക്കുകൾ കാരണം കാര്യമായ ഫോൺ വിളിയൊന്നും നടന്നില്ല. ഫോട്ടോഗ്രാഫർമാരും കോളേജിലെ കൂട്ടുകാരും ഓഫീസ് സ്റ്റാഫ്സ് ഒക്കെ ആയി ബഹളം തന്നെയായിരുന്നു. അവിടെയും അതുപോലെ. നിന്ന് തിരിയാൻ പറ്റാത്ത  അവസ്ഥ.

അമ്മുവും കണ്ണനും മാളുവും ഒക്കെ ഒരേ നിറത്തിലുള്ള ഡ്രസ്സ്‌ ഒക്കെ ഇട്ടിട്ടാണ് നടപ്പ്. രാവിലെ എന്നെ കുത്തിപ്പൊക്കിയത് ഈ മൂന്നെണ്ണം കൂടിയാണ്. എനിക്കില്ലാത്ത എക്സ്സൈറ്റ്മെന്റ് ആണ് ഇവർക്ക്..

അഭിയും ജീവനും വേറെ ആരൊക്കെയോ ഒക്കെ കൂടി എന്നെ ഒരുക്കിയെടുത്തു. ഒരു വെള്ള മുണ്ടും ഷർട്ടും ആണ് വേഷം.

ചിന്നുവിന്റെ വീടിനു അടുത്തുള്ള കൃഷ്ണന്റെ അമ്പലത്തിൽ ആണ് താലിക്കെട്ട്. അവിടെ തന്നെ ഒരു ഓഡിറ്റോറിയം ഉണ്ട്. അവിടെ സദ്യയും റെഡി ആക്കിയിട്ടുണ്ട്. ഇവിടന്ന് കുറച്ച് ദൂരമുള്ളതിനാൽ 9 മണി ആയപ്പോൾ ഞങ്ങൾ ഇറങ്ങി

10:30 – 12:00  ആണ് മുഹൂർത്തം.

10:15ഓടടുപ്പിച്ചു ഞങ്ങൾ അവിടെ എത്തി. ചിന്നുവിന്റെ അച്ഛനും അമ്മയും വന്നു എന്നെയും ബാക്കിയുള്ളവരെയും കൂട്ടി അമ്പലത്തിനകത്തേക് നടന്നു.

ഇത്രനേരം ഇല്ലാതിരുന്ന ടെൻഷൻ എവിടന്നോ കേറി വന്നു. അതോടെ എനിക്ക് സമാധാനം ആയി .

എന്റെ കാട്ടിക്കൂട്ടൽ ഒക്കെ കണ്ട് അഭിയും ജീവനും അമ്മുവും മാളുവും കണ്ണനും ഒക്കെ ഊറി ചിരിക്കുന്നുണ്ട്.

10:30ഓടെ ചിന്നുവിനെ അവിടേക്ക് താളപ്പൊലിയും നിലവിളക്കും ഒക്കെ പിടിച് ഒരു സംഗം ആനയിച്ചു.

കള്ളകണ്ണനെയും അഗ്നിയെയും  സാക്ഷിയാക്കി ഞാൻ എന്റെ ചിന്നുവിന്റെ കഴുത്തിൽ താലി ചാർത്തി.