💕ചെമ്പനീർപ്പൂവ് 6 [കുട്ടപ്പൻ]💕 1716

ഞാൻ അവളെ നോക്കി ഒന്ന് പുഞ്ചിരിച്ചു. പിന്നെ അലമാരയിൽനിന്ന് ഒരു ട്രാക്ക്സ്യൂട്ടും t-ഷർട്ടും എടുത്തിട്ടു. ബെഡിൽ കയറി ചാരിയിരുന്നു.

“വാവേ….വാ ” ഞാൻ കൈകൾ വിടർത്തി അവളെ ക്ഷണിച്ചു. ചെറിയ നാണത്തോടെ

ചിന്നുവും എന്നോട് ചേർന്നിരുന്നു.

“പറ ഏട്ടാ….എന്തിനാ അവര് കാവൽ നിക്കുന്നെ.” പെണ്ണ് പിന്നേം  കിടന്ന് ചിണുങ്ങി

“വാവേ… നിന്നോട് ഞാൻ ഇഷ്ടം പറഞ്ഞ ദിവസം നിനക്ക് ഓർമേണ്ടോ?”

ഞാൻ ചോദിച്ചു.

“എന്താ ഏട്ടാ…..ഞാൻ മറക്കാൻ ആഗ്രഹിക്കുന്ന ദിവസാ അത്.അന്ന് ആ ആക്‌സിഡന്റ് നടന്നില്ലെങ്കി ഞാൻ എന്റെ ജീവിതത്തിൽ ഏറ്റവും സന്തോഷിച്ച ദിവസം അതായേനെ. പക്ഷെ ഇന്ന് ഞാൻ ഏറ്റവും വെറുക്കുന്ന ദിവസാ അത്.”

അവൾ അനിഷ്ടത്തോട്കൂടിയാണ് അത് പറഞ്ഞത്.

” ചിന്നൂ….നീ കരുതുമ്പോലെ അതൊരു ആക്‌സിഡന്റ് ഒന്നുവല്ല.ന്നെ കൊല്ലാൻ വേണ്ടീട്ടായിരുന്നു ”

“ഏട്ടാ….” ഒരു ഞെട്ടൽ ആയിരുന്നു അവളുടെ റിയാക്ഷൻ.

ഞാൻ അവളെ എന്നോട് ചേർത്തുപിടിച്ചു എല്ലാം വിശദമായി പറഞ്ഞുകൊടുത്തു.

അവളുടെ കണ്ണൊക്കെ നിറഞ്ഞു.

എന്നെ ഇറുക്കെ വരിഞ്ഞുമുറുക്കി അവൾ എന്നോട് പറ്റിച്ചേർന്നു കിടന്നു.

ഒരു മരണത്തിനും എന്നെ വിട്ടുകൊടുക്കില്ല എന്ന് പറയാതെ പറയുംപോലെ.

അങ്ങനെ കിടന്നുതന്നെ ഞങ്ങൾ ഉറക്കത്തിലേക് വഴുതിവീണു.