?? അവൾ രാജകുമാരി-2??[ ചെകുത്താനെ സ്നേഹിച്ച മാലാഖ ] 634

രാഹുൽ കളിയാക്കി പറഞ്ഞതും ഗീതു ഉടനെ അവന്റെ കഴുത്തിൽ കയറി പിടിച്ച് ത്തെരിച്ചു . ചില സ്റ്റുഡന്റ്സ് അത് കണ്ട് ചിരിക്കുന്നുണ്ടായിരുന്നു . അവർ ആങ്ങളയും പെങ്ങളും ആണ് എന്നുള്ളത് എല്ലാവരും അറിഞ്ഞല്ലോ കൂടാതെ ഒറ്റ തല്ലോടു കൂടി രണ്ട് പേരും ഫേമസാവുകയും ചെയ്തു .

” എടീ പിടി വിട് ശ്വാസം മുട്ടുന്നു ഇത് വീടല്ല കോളേജാ …. ഇവിടെ ഇട്ട് നീ എന്നെ തല്ലിയാൽ എനിക്ക് നാണക്കേടാ … ”

രാഹുൽ അതും പറഞ്ഞ് ഗീതുവിന്റെ കൈ സ്വതന്ത്രമാക്കി….. ഗീതുവിന്റെ മുഖത്ത് രാഹുലിന്റെ കളിയാക്കൽ കേട്ടുള്ള ചെറിയ ദേഷ്യം ഉണ്ടായിരുന്നു …..

” രാഹുലേ ……… .എന്താ അവിടെ ……..?. ”

ഒരു വിളികേട്ട് അവൻ തിരിഞ്ഞ് നോക്കി ….. ഗീതുവിന്റെ (ഹിസ്റ്ററി ) ഡിപ്പാർട്ട്മെന്റിന്റെ ഹെഡ് ആണ് ശ്രീലത മിസ്സ് ….. രാഹുലിന് കോളേജിലെ എല്ലാ അദ്യാപകരെയും അറിയാം അവനെയും ……

ഡിപ്പാർർട്ട്മെന്റ് റൂമിന്റെ ഡോറിന്റെ മുൻപിൽ നിന്നാണ് ഗീതു രാഹുലിന്റെ കഴുത്തിൽ കയറി പിടിച്ചത് അവർ അത് ശ്രദ്ധിച്ചിരുന്നില്ല പക്ഷെ അകത്തുള്ള ചെയറിൽ ഇരുന്ന ശ്രീലത മിസ്സും മറ്റ് അദ്യാപകരും അത് കണ്ടിരുന്നു . രണ്ട് പേരുടെയും മുഖത്ത് ഒരു ചമ്മിയ പുഞ്ചിരി വന്ന് .

“രണ്ട് പേരും ഇങ്ങ് വാ . ”

ഗ്രീലത മിസ്സ് രാഹുലിനെയും ഗീതുവിനെയും അകത്തേക്ക് വിളിച്ചു . അവർ മിസ്സിന്റെ ടേബിളിന്റെ മുൻപിൽ പോയി നിന്നു . ഡിപ്പാർട്ട്മെന്റിലെ മറ്റ് ചില അദ്ധ്യാപകർ രാഹുലിനെ നോക്കി ഒന്ന് പുഞ്ചിരിച്ചു അവനും മറുപടിയായി ഒന്നു പുഞ്ചിരിച്ചു.

” പുറത്ത് പെങ്ങൾക്ക് വേണ്ടി തല്ലുണ്ടാക്കിയിട്ട് ഇവടെ അകത്ത് വന്ന് രണ്ട് പേരും തമ്മിലടിക്കുന്നോ …. കൊള്ളാം , നല്ല ആങ്ങളയും പെങ്ങളും . ”

ഒരു ചിരിയോടെ ശ്രീലത മിസ്സ് പറഞ്ഞപ്പോൾ രണ്ടു പേരും മുഖത്തോട് മുഖം നോക്കി അമിളി പറ്റിയ പോലെ നിന്നു . .

” എന്താ രാഹുലെ അനുജത്തിയുടെ പേര് ”

” മിസ്സ് എന്റെ പേര് ഗീതു കൃഷ്ണ … ”

ഗീതു ഉടനെ മിസ്സിന്റെ ചോദ്യത്തിന് ഉത്തരം നൽകി .

“ഏതാ ഡിപ്പാർട്ടമെന്റ് ” .