?? അവൾ രാജകുമാരി-2??[ ചെകുത്താനെ സ്നേഹിച്ച മാലാഖ ] 634

‘ എന്താണ് എനിക്ക് പറ്റിയത്? എന്തിനെയാണ് ഞാൻ പേടിക്കുന്നത് ‘

 

രാഹുൽ അവനോട് തന്നെ ചോദിച്ചു.

 

‘പക്ഷെ ആ മുഖം അതിലുപരി ആ കണ്ണുകൾ ഞാൻ എവിടയോ കണ്ടിട്ടുട്ട് . ആരാണ് അവൾ . ‘

രാഹുലിന്റെ മനസ്സിൽ വന്ന സംശയം അതായിരുന്നു .

 

 

രാഹുൽ മുഖമൊക്കെ ഒന്ന് കഴുകിയശേഷം നേരെ തന്റെ കൂട്ടുകാരുടെ അടുത്തേക്ക് നീങ്ങി .

 

 

” എന്താടാ മുഖത്തിനൊരു വാട്ടം എന്തു പറ്റി .”

 

രാഹുലിന്റെ മുഖത്തെ മാറ്റം ശ്രദ്ധിച്ച വിഷ്ണു രാഹുലിനോട് ചോദിച്ചു .

 

 

” ഏയ് ….. എന്ത് വാട്ടം . ചിലപ്പൊ രാവിലെ തന്നെ ഫ്രാങ്കോയുടെ കയിൽ നിന്ന് രണ്ടണ്ണം കിട്ടി അതിന്റെ ആയിരിക്കും . ”

 

രാഹുൽ മനപൂർവ്വം സത്യം മറച്ചുവച്ചു കാരണം സത്യാവസ്ഥ അവന് പോലും അറിയില്ലല്ലോ……

 

 

” എടാ അവൻ ബോക്സിങാ നിനക്കറിയാല്ലോ പിന്നെ അവനുമായി മുട്ടുമ്പോ സൂക്ഷിക്കണ്ടേ …. ”

 

മനു രാഹുലിനോട് പറഞ്ഞു. അതിന് രാഹുൽ ഒന്ന് പുഞ്ചിരിച്ചു .

 

” എടാ പ്രിൻസിപ്പാൾ ഓ…. അല്ല നിന്റെ ചങ്ക്സാറല്ലേ അങ്ങേർ എന്തു പറഞ്ഞു …..? ”

 

അനാസ് രാഹുലിനോട് ചോദിച്ചു .

 

 

” അതിപ്പം കൂടുതലായി എന്തറിയാൻ . ഒരു ഷേക്കന്റും കൊടുത്ത്
‘ വെൽ ഡെൻ മൈ ഡിയർ ബോയ് ‘ എന്നു പറഞ്ഞു കാണും . ”

 

നൗഫൽ അതു പറഞ്ഞതും രാഹുൽ ഉൾപ്പടെ എല്ലാരും ഒന്ന് ചിരിച്ചു .

 

” അതൊക്കെ പോട്ടെ എന്താ ആ വലിയ ചെറിയ കഥ … ”

 

രാഹുൽ അത് ചോദിച്ചതും അവന്റെ ചങ്കുകൾ ഒന്നും മനസ്സിലാകാതെ പരസ്പരം മുഖത്തോട് മുഖം നോക്കി .

 

 

” ഓ….. എടാ …ഇന്ന് നിങ്ങൾ രാവിലെ എന്തിനാ ലേറ്റായത് എന്ന് . ”

 

രാഹുൽ അത് ചോദിച്ചതും നൗഫൽ ഒന്ന് മറ്റുള്ളവരുടെ മുഖത്തേക്ക് നോക്കി . ആ നോട്ടം കണ്ടതും ബാക്കിയുള്ളവർ ഒന്ന് പുഞ്ചിരിച്ചു.

 

” എടാ അത് വരുന്ന വഴി ഒരു കാറുകാരൻ ഞങ്ങളുടെ ബൈക്കിന്റെ ഫ്രെണ്ടിൽ പെട്ടെന്ന് ബ്രേക്ക് ഇട്ടു ഞങ്ങളും അത് കണ്ട് ബൈക്ക് ബ്രേക്കിട്ട് നിർത്തി . മനുവും വിഷ്ണുവും ഒരു ബൈക്കിൽ ആയിരുന്നു അവന്റെ ബൈക്കിന്റെ പുറകിൽ ഒരു സ്കൂട്ടി പെട്ടെന്ന് ഇവൻ ബ്രേക്ക് ഇട്ടത് കാണാതെ വന്നിടിച്ചു . ആ സ്കൂട്ടിയിൽ ഉണ്ടായിരുന്ന രണ്ട് പെൺപിള്ളേരും സ്കൂട്ടിയും ദാ കിടക്കുന്നു റോഡിൽ . പിന്നെ നാട്ട്കാര് വന്നു പോലീസ് വന്നു പിന്നെ പ്രശ്നം ഇല്ലെന്ന് രണ്ട് കൂട്ടരും പറഞ്ഞ ശേഷമാ ഊരി പോന്നത് അതാടാ ലേറ്റായത് . ”