? Guardian Ghost ? P-5 ༆ കർണൻ(rahul)༆ 423

                    ? Guardian Ghost ?
Part-5

                             Previous part

എല്ലാ കൂട്ടുകാർക്കും എന്റെ ഹൃദയം നിറഞ്ഞ ഈസ്റ്റർ ആശംസകൾ
❤️❤️❤️❤️

അവർ പുതിയൊരു അദ്ധ്യായത്തിലേക്ക് യാത്ര തിരിക്കുവാണ്.

അവർ ആരും കാണാതെ രണ്ടു കണ്ണുകൾ കുഞ്ഞിയേയും മിഖായേയും നോട്ടം ഇടുന്നുണ്ടായിരുന്നു. അവരെ അവസാനിപ്പിക്കാനുള്ള കരാർ ഏറ്റു വാങ്ങി അവസരം നോക്കിയിരിക്കുന്ന കഴുകനെ പോലെ.

പക്ഷെ ആ കഴുകൻ അറിഞ്ഞിരുന്നില്ല അവൾക്ക് കാവൽ ചെകുത്താനാണ്.

മരണത്തിന്റെ കണക്ക് പുസ്‌തകത്തിൽ പേരുകൾ കൂട്ടിച്ചേർക്കാൻ കാലനെക്കാൾ കഴിവുള്ള ഗോസ്റ്റിനു മുന്നിൽ എന്ത് കരാറുകാരൻ. മരിക്കാൻ തിടുക്കമുള്ളവർ അവന്റെ മുന്നിൽ പെടട്ടെ.

തുടരുന്നു…..

ഞങ്ങൾ യാത്ര തിരിച്ചു. ഞാൻ പടുത്തുയർത്തിയ എന്റെ സ്വർഗ്ഗത്തിലേക്ക് എന്റെ കുഞ്ഞി മാലാഖയേയും കൂട്ടി.

ഇത്രയും നേരം പിള്ളേര് രണ്ടും നല്ല കളി ആയിരുന്നു. ഇപ്പോ ക്ഷീണിച്ച് രണ്ടും ഉറക്കത്തിൽ ആണ്. എന്റെ കുഞ്ഞിയെ കാണുമ്പോഴൊക്കെ എനിക്ക് ഓർമ്മ വരുന്നത് അവളെ ഹോസ്പിറ്റലിൽ വച്ച് നേഴ്സിന്റെ കൈകളിൽ നിന്ന് ഏറ്റുവാങ്ങിയ നിമിഷമാണ്. അവൾ സമാധാനത്തോടെ സന്തോഷത്തോടെ ഒരു കുഞ്ഞ് മാലാഖയെ പോലെ എന്റെ കൈകളിൽ കിടന്ന് ഉറങ്ങിയ ആ നിമിഷം. ഉറക്കത്തിലും അവളുടെ മുഖത്ത് പുഞ്ചിരി ഉണ്ടായിരുന്നു.

ഇപ്പോഴും എന്റെ കുഞ്ഞിപ്പെണ്ണിന് മാറ്റം ഒന്നും ഇല്ല ഉറക്കത്തിൽ ആണേലും ഇപ്പോഴും അതേ പുഞ്ചിരി അവളുടെ മുഖത്ത് ഉണ്ട്.

അന്ന് എന്റെ കൈകളിൽ കിടന്ന് ഒരു വിരലിൽ അവളുടെ കുഞ്ഞ് കൈ കോർത്ത് പിടിച്ചത് പോലെ ഇപ്പോഴും ഡ്രൈവിംഗ് സീറ്റിൽ ഇരിക്കുന്ന എന്റെ കൈ കോർത്ത് തന്നെയാണ് പെണ്ണിന്റെ ഉറക്കം.

അവളെ ഓരോവട്ടം നോക്കുമ്പോഴും ഞാൻ അറിയാതെ പഴ ഓർമകളിലേക്ക് വഴുതി വീണുപോകുന്നു…..

അവളെ പ്രസവിച്ച് ഇരുപത്തിഎട്ടാം ദിവസം ആയിരുന്നു മാമോദീസ. അന്ന് അവളുടെ തലത്തൊട്ടപ്പൻ ആകാൻ ഒരു യുദ്ധം തന്നെ ചെയ്യേണ്ടി വന്നു. ചേച്ചി അമ്മയുടെ കുടുംബക്കാർക്ക് അവിടുന്ന് ആരെയെങ്കിലും അവളുടെ തലത്തൊട്ടപ്പൻ ആക്കാൻ ആയിരുന്നു ആഗ്രഹം. പക്ഷെ എന്റെ മോളുടെ എന്ത് കാര്യം ആണെങ്കിലും ആദ്യം ഞാൻ അതിപ്പോൾ അവൾക്ക് വേണ്ടി ഒരു മൊട്ടുസൂചി വാങ്ങുന്ന കാര്യം ആണെങ്കിൽ പോലും. അപ്പോൾ പിന്നെ അപ്പന് തത്തുല്യമായ സ്ഥാനം ഞാൻ ആർക്കെങ്കിലും വിട്ട് കൊടുക്കുമോ?