😈 Guardian Ghost 😈 P-5 ༆ കർണൻ(rahul)༆ 421

അതിനു വച്ച വെള്ളം അങ്ങ് വാങ്ങി വച്ചേരെ വർക്കിച്ചായ. ഞാനവളെ ഒരു പിണ്ണാക്കും ചെയ്തിട്ടില്ല ഞാൻ കെട്ടത്തുമില്ല.

അവൻ എന്റെ മകനാണേൽ അവൻ നാളെ അവളുടെ കഴുത്തിൽ മിന്ന് കെട്ടും. അപ്പച്ചൻ പറഞ്ഞു.

അപ്പച്ചൻ ഇതെന്തറിഞ്ഞിട്ടാ ഇങ്ങനെ വാക്കൊക്കെ പറയുന്നെ. ഞാൻ അങ്ങനെ ഒരു തെറ്റ് ചെയ്തോ എന്ന് എന്നോട് ഒരു വാക്ക് ചോദിച്ചോ?

മിഖാ ഞാൻ പറഞ്ഞു കഴിഞ്ഞു. നീ കാരണം ആ കൊച്ചിന്റെ ജീവിതം തകരാൻ പാടില്ല അത്കൊണ്ട് ഞാൻ വാക്ക് കൊടുത്തു നാളെ നീയും അവളുമായുള്ള മിന്നുകെട്ട് നടക്കും.

അപ്പച്ചൻ അവസാന വാക്കെന്ന കണക്കെ പറഞ്ഞു.

ചെയ്യാത്ത തെറ്റിന് ബലിയാടാകാൻ എന്നെ കിട്ടത്തില്ല. അപ്പച്ചൻ വാക്ക് കൊടുത്തെങ്കിൽ മിന്ന് കെട്ടാനുള്ള ചെക്കനേം അപ്പച്ചൻ തന്നെ കണ്ടുപിടിച്ചാൽ മതി.

മിഖാ നീ ആരോടാ ഇതൊക്കെ പറയുന്നതെന്ന് ഓർമ്മ വേണം. ജോണച്ചായൻ പറഞ്ഞു.

നല്ലതുപോലെ ഓർമ്മ ഉണ്ട് അച്ചായ.

മോനെ മിഖാ നീ കാരണം അവളുടെ ജീവിതം തകർന്നാൽ ഈ ജന്മത്ത് അമ്മച്ചിക്ക് മനസമാധാനം കിട്ടില്ല എന്റെ മോൻ അപ്പച്ചൻ പറയുന്നത് കേൾക്ക്.

അമ്മച്ചി അനുനയിപ്പിക്കാൻ കണക്കിന് പറഞ്ഞു.

എന്റെ വാക്ക് കേൾക്കാൻ പറ്റാത്തവർ ഈ വീട്ടിൽ നിൽക്കണമെന്നില്ല. നിനക്ക് ഇപ്പോ തന്നെ ഇറങ്ങാം ഇവിടുന്ന്. അപ്പച്ചൻ പറഞ്ഞു.

ഇത് അവസാനം ഇങ്ങനെ തന്നെ വന്ന് നിൽക്കുമെന്ന് എനിക്ക് മനസ്സിലായ കാര്യമാ.

കുടുംബത്തിന്റെ മാനം കളയാൻ ഇങ്ങനൊരുത്തൻ എന്റെ വയറ്റിൽ വന്നു പിറന്നല്ലോ കർത്താവേ. അപ്പച്ചൻ പറയുന്നത് കേൾക്കാൻ നിനക്ക് പറ്റില്ലേൽ എനിക്ക് ഇനി ഇങ്ങനൊരു മോൻ ഇല്ലെന്ന് ഞാൻ കരുതിക്കോളാം.

അമ്മച്ചി തറപ്പിച്ചു പറഞ്ഞു.

എങ്കിൽ അമ്മച്ചിക്ക് ഇനി ഇങ്ങനൊരു മകൻ ഇല്ലെന്ന് കരുതിക്കോ. വല്ലവന്റേം വിഴുപ്പ് ചുമക്കാൻ എന്നെ കിട്ടില്ല. ഞാൻ അത്രയും പറഞ്ഞപ്പോൾ തന്നെ എന്റെ കരണത്ത് ചേച്ചിയമ്മയുടെ കൈ വീണ്ടും വീണു.

എന്റെ കൂടെ പിറപ്പിനെയാ നീ വല്ലവന്റേം വിഴുപ്പ് ചുമക്കുന്നവൾ എന്ന് പറഞ്ഞത്. ചേച്ചിയമ്മ പറഞ്ഞു.

ചേച്ചിയമ്മേ ഉപ്പോളം വരില്ല ഉപ്പിലിട്ടത്.

കൂടെ പിറപ്പിനെ പറഞ്ഞപ്പോൾ നിങ്ങക്ക് കൊണ്ടു. അതുപോലെ തന്ന എനിക്കും ഞാൻ ചെയ്യാത്തതാ എല്ലാരും കൂടെ എന്റെ തലയിൽ വയ്ക്കാൻ നോക്കുന്നെ.

അവൾ അങ്ങനെ വല്ലവന്റേം വിഴുപ്പ് ചുമക്കുന്നുണ്ടെങ്കിൽ അവൾ അതിനെ പ്രസവിക്കും അന്ന് ഞാൻ പിന്നേം നിന്നെ കാണാൻ വരും അപ്പോഴും നീ ഇതൊക്കെ തന്നെ പറയണം. ചേച്ചിയമ്മ അലറുക തന്നെ ആയിരുന്നു.