😈 Guardian Ghost 😈 P-5 ༆ കർണൻ(rahul)༆ 421

എന്താ മോളെ എന്താ ഇവിടെ പ്രശ്നം? ഒച്ചപ്പാട് കേട്ട് അങ്ങോട്ട് വന്ന അമ്മച്ചി ചോദിച്ചു.

ഓ എഴുന്നള്ളിയല്ലോ ആ ഒരുമ്പെട്ടവന്റെ തള്ള. നിങ്ങക്ക് അവന് പകരം വല്ല വാഴയും വച്ചൂടടായിരുന്നോ? ഇങ്ങനെ കുടുംബത്തിന്റെ മാനം കളയാൻ ഒരുത്തനെ ഉണ്ടാക്കിയതിനു പകരം. വർഗീസ് പറഞ്ഞു.

ദേ വർഗീസ് ഷെറിന്റെ അപ്പനാണെന്നുള്ള ഒറ്റ കാരണം കൊണ്ടാണ് മറുതൊന്നും പറയാത്തത്. എന്ന് കരുതി വായേൽ കോലിട്ട് ഇളക്കാൻ നിക്കരുത്. അമ്മച്ചി ദേഷ്യത്തിൽ പറഞ്ഞു.

എന്നതാടി ഇവിടെ ഒരു ഒച്ചപ്പാട് അങ്ങോട്ടേക്ക് ബഹളം കേട്ട് വന്ന അപ്പച്ചൻ ചോദിച്ചു. കൂടെ തന്നെ ജോണച്ചായനും കുഞ്ഞിയും ഉണ്ടായിരുന്നു.

മോള് അകത്തേക്ക് പൊയ്ക്കോ. ജോൺ കുഞ്ഞിയോട് പറഞ്ഞു.

എന്നതാ വർക്കി അപ്പച്ച പ്രശ്‌നം ഇങ്ങനെ വഴക്ക് കൂടിയാ കാര്യം മനസ്സിലാകുമോ? ജോണച്ചാൻ പറഞ്ഞു.

അതെന്ന വർക്കി നീ കാര്യം പറയടാ എന്താണെങ്കിലും നമുക്ക് പരിഹാരം കാണാല്ലോ. അതിനെ പിന്തുണച്ച് കൊണ്ട് അപ്പച്ചനും പറഞ്ഞു.

എന്നാ കേട്ടോ നിങ്ങടെ സത്പുത്രൻ എന്റെ കൊച്ചിനെ പിഴപ്പിച്ചു. അവൾക്കിപ്പോ വയറ്റിലുണ്ട്. ഇനി പറ എന്ത് പരിഹാരമാ നിങ്ങക്ക് കാണാൻ ഉള്ളത്. വർഗീസ് ചോദിച്ചു.

ഏയ് എന്റെ മോൻ അങ്ങനെ ഒന്നും ചെയ്യില്ല. അമ്മച്ചി അതിനെ എതിർത്ത് കൊണ്ട് പറഞ്ഞു.

എന്റെ കൊച്ചിന് ഇങ്ങനെ ഒരു കാര്യത്തിൽ കള്ളം പറയേണ്ട കാര്യം എന്നതാണെന്നെ? അല്ലേലും ഏതെങ്കിലും പെൺപിള്ളേർ ഇങ്ങനുള്ള കാര്യങ്ങൾ കള്ളം പറയുമോ? ഷെർളി ചോദിച്ചു.

ഡെയ്സി എന്താടി ഇവരീ പറയുന്നെ? അവൻ….. മിഖാ…..? ഷെറിൻ കരഞ്ഞ് കണ്ണുകലങ്ങി നിൽക്കുന്ന ഡെയ്സിയോട് ചോദിച്ചു.

ഉള്ളതാ ഇച്ചേച്ചി. അവൾ അതും പറഞ്ഞ് ഓടിപ്പോയി ഷെറിനെ കെട്ടിപ്പിടിച്ചു.

അവർ മുഴുവനും ഇടിവെട്ട് ഏറ്റത് പോലെ ആയി.

ഡീ മേഴ്സി ആ തന്തയ്ക്ക് പിറക്കാത്തവനെ ഇങ്ങു വിളിക്കെടി. അവന്റെ കഴപ്പ് ഞാൻ ഇന്നത്തോടെ തീർക്കും. കുറച്ചു നേരത്തെ മൗനത്തിനും ആലോചനയ്ക്കും ഒടുവിൽ അപ്പച്ചൻ പറഞ്ഞു.